cybercrime | अ‌ॅप डाऊनलोड करण्याच्या बहाण्याने 9 लाखांना चुना
सायबर गुन्हेगारी विश्वात रोजच वेगवेगळ्या प्रकारचे गुन्हे घडतात. मात्र, अ‌ॅप डाऊनलोड करायला लावून गोपनीय माहिती मिळवत बॅंक खात्यातील तब्बल 9 लाख रुपये लुटल्याचा नवा प्रकार नागपुरात समोर आला आहे.
नागपूर : सायबर गुन्हेगारी विश्वात रोजच वेगवेगळ्या प्रकारचे गुन्हे घडतात. मात्र, अ‌ॅप डाऊनलोड करायला लावून गोपनीय माहिती मिळवत बॅंक खात्यातील तब्बल 9 लाख रुपये लुटल्याचा नवा प्रकार नागपुरात समोर आला आहे. मोबाईलवरुन मनी ट्रान्जेक्शन वाढवण्याच्या नादात हा प्रकार घडला आहे. (9 lakh rupees looted from a bank account by cyber criminals)
मिळालेल्या माहितीनुसार अशोक मनवते यांचा मुलगा त्यांच्या मोबाईलवरुन मनी ट्रान्जेक्शन वाढवण्यासाठी गुगलवर नंबर आणि वेगवेगळ्या पद्धती शोधत होता. यावेळी त्यांच्या मुलाला गुगलवर एक नंबर सापडला. या नंबरवर कॉल केल्यानंतर अज्ञात व्यक्तीने ट्रान्जेक्शन लिमीट वाढवून देतो असे सांगितले. त्यानंतर अज्ञात व्यक्ती आणि मुलामध्ये संवाद वाढत गेला.
अज्ञाताने मुलाला मनवते यांच्या मोबाईलमध्ये अ‌ॅप डाऊनलोड करायला सांगितले. त्यानंतर अज्ञाताने या अ‌ॅपद्वारे मनवते यांच्या खात्याची सर्व गोपनीय माहिती मिळवली. आणि बघात बघता मनवते यांच्या खात्यातून तब्बल 9 लाख रुपये लंपास झाले. हा प्रकार समजताच मनवते यांनी पोलिसांकडे धाव घेतली.
दरम्यान, चुकीचे अ‌ॅप आणि गोपनीय माहिती अज्ञात व्यक्तीला सांगितल्यामुळे हा प्रकार घडल्याचे पोलिसांनी सांगितले आहे. पोलिसांनी सायबर कायद्यानुसार अज्ञाताविरोधात गुन्हा दाखल केला असून तपास सुरु केला आहे. यावेळी कुठल्याही अज्ञात व्यक्तीकडून असे फोन वा काही निर्देश आले तर त्यांना प्रतिसाद देऊ नये असे पोलिसांनी आवाहन केले आहे. तसेच आपल्या सर्व ऑनलाईन व्यवहारांची माहिती कुणासोबतही शेअर न करण्याचेही पोलिसांनी सांगितले आहे.
संबंधित बातम्या :
राज्यात सायबर सुपारीचा वाढता ट्रेंड, महिलांविरोधात सर्वाधिक सायबर गुन्हे, महाराष्ट्र तिसऱ्या स्थानी
नागपुरात लॉकडाऊनमध्ये सायबर गुन्ह्यात मोठी वाढ, महिला सॉफ्ट टार्गेट
(9 lakh rupees looted from a bank account by cyber criminals)
