Akola Corona | अकोल्यात रुग्णांची संख्या 299 वर, 90 टक्के रुग्णांमध्ये कोरोनाची लक्षणंच नाही

मंगळवार पाठोपाठ बुधवारीही 20 जणांचे कोरोना चाचणी अहवाल पॉझिटिव्ह आले आहेत. त्यामुळे जिल्ह्यातील कोरोनाबाधितांची संख्या 299 वर पोहोचली आहे.

Nupur Chilkulwar | Updated on: May 20, 2020 | 7:31 PM

अकोला : गेल्या चार दिवसांपासून अकोला शहरातील (Akola Corona Cases) जवळपास सर्वच भागात कोरोनाचे रुग्ण आढळून येत आहेत. मंगळवार पाठोपाठ बुधवारीही 20 जणांचे कोरोना चाचणी अहवाल पॉझिटिव्ह आले आहेत. त्यामुळे जिल्ह्यातील कोरोनाबाधितांची संख्या 299 वर पोहोचली आहे. विशेष म्हणजे कोरोनाचे रुग्ण हे नवीन परिसरातही आढळून येत असल्याने अकोलेकरांची (Akola Corona Cases) चिंता वाढली आहे.

अकोला जिल्ह्यात आतापर्यंत आढळलेल्या 90 टक्के रुग्णांमध्ये कोरोनाची लक्षणं आढळून आलेली नाहीत. अशा परिस्थितीत अकोलेकरांना कोरोनाच्या सायलेंट कॅरिअरपासून सर्वाधिक धोका निर्माण झाला आहे. त्याचाच परिणाम म्हणजे शहरात चौफेर कोरोनाचं जाळं पसरलं आहे. आज सकाळी आलेल्या कोरोनाच्या अहवालात 8 महिला आणि 12 पुरुषांचा समावेश आहे.

मुंबईत कोरोनावर उपचार घेणारी महिला रुग्णालयातून पळाली, पतीसह गावी दाखलhttps://t.co/SKotLUr9FD #CoronaInMaharashtra

— TV9 Marathi (@TV9Marathi) May 20, 2020

आतापर्यंत 23 जणांनी कोरोनावर मात केली आहे. मंगळवारी रात्री त्यांना रुग्णालयातून सुट्टी देण्यात आली. जिल्ह्यात आतापर्यंत कोरोनामुळे 20 रुग्णांचा मृत्यू झाला आहे. यामध्ये 19 जणांचा कोविड-19 आजाराने मृत्यू झाला असून, एका कोरोनाबाधिताने आत्महत्या केली आहे. अकोल्यात आतापर्यंत 167 कोरोनाबाधित रुग्णांनी कोरोनावर मात केली. पूर्णपणे बरे झाल्यानंतर त्यांना रुग्णालयातून सुट्टी देण्यात आली आहे. आता 112 रुग्ण सर्वोपचार रुग्णालयात दाखल असून त्यांच्यावर उपचार सुरु आहेत (Akola Corona Cases).

बुधवारी 124 पैकी 104 कोरोना अहवाल निगेटिव्ह

कोरोनाच्या संशयित रुग्णांच्या प्रलंबित अहवालांपैकी 124 अहवाल बुधवारी प्राप्त झाले. त्यापैकी 20 अहवाल पॉझिटिव्ह , तर 104 अहवाल निगेटिव्ह आले.