Corona virus : किती दिवसात बनतात अँटीबॉडीज आणि आजारी पडल्यावर कधी दाखल व्हावे रुग्णालयात, जाणून घ्या तज्ज्ञांची उत्तरे

नवी दिल्ली : कोरोना व्हायरसमुळे देशाच्या कानाकोपऱ्यात खळबळ उडाली आहे. कोरोना सतत वाढत असलेल्या केसेसमुळे नागिरकांमध्ये दहशत वाढत आहे. कोरोनाची कहर लक्षात घेता, केंद्र सरकारपासून राज्य सरकार आणि श्रीमंत ते गरीब अशा सर्वच जण टेंशनमध्ये आहेत. दररोज 2 लाखाहून अधिक नवीन केसेस आणि एक हजाराहून अधिक मृत्यूची बातमी ऐकून सामान्य माणूस घाबरून गेला आहे. कोरोनाच्या दुसर्‍या लाटेत, सामान्य आजार असलेली व्यक्ती देखील तणावात आहे. कोरोना विषाणूशी संबंधित बरेच प्रश्न लोकांच्या मनात निर्माण होत आहेत आणि सध्याच्या परिस्थितीचा विचार करता आपल्या सर्वांना या प्रश्नांची उत्तरे जाणून घेणे फार महत्वाचे आहे. (How long does it take to make antibodies and when to get hospitalized when you are sick)

दिल्ली येथील सफदरजंग हॉस्पिटल(Safdarjung Hospital, Delhi)मध्ये कार्यरत डॉ. गीता कामपाणी यांनी अशा अनेक प्रश्नांची उत्तरे दिली आहेत, ज्याची जाणीव असणे खूप महत्वाचे आहे. लोकांनी विचारलेल्या प्रश्नावर डॉ. गीता कामपानी यांनी काय उत्तर दिले आहे ते आपण जाणून घेऊया?

प्रश्न – जर ऑक्सिजनची समस्या नसेल परंतु ताप जास्त असेल तर आपण रुग्णालयात दाखल होऊ शकतो का?

उत्तर – जर श्वास घेण्यात अडचण येत नसेल आणि ऑक्सिजनची पातळी देखील बरोबर असेल परंतु ताप असेल तर डॉक्टरांच्या सल्ल्यानुसार पॅरासिटामॉल घेता येतो. तापाच्या बाबतीत, जर 3-4 दिवस पॅरासिटामोल घेतल्यानंतरही ताप कमी होत नसेल तर त्यांना रुग्णालयात नेले पाहिजे.

प्रश्न – कोरोना रिपोर्ट पॉझिटिव्ह आल्यावरच आपण रुग्णालयात दाखल होऊ शकतो की आपली तब्येत खराब असली तरीही दाखल होऊ शकतो?

उत्तर – रुग्णालयात दोन प्रकारचे बेड आहेत. पहिले म्हणजे सस्पेक्ट बेड्स, जेथे जे रुग्ण पॉझिटिव्ह नाहीत पण त्यांच्यात कोरोनाची तीव्र लक्षणे आहेत. अशा लोकांची सस्पेक्ट बेड्सवर आरटीपीसीआर चाचणी करून त्यांच्यावर उपचार केले जातात. या व्यतिरिक्त, जे रुग्ण पॉझिटिव्ह आले आहेत आणि त्यांचा ताप कमी होत नाही किंवा त्यांची ऑक्सिजन पातळी कमी आहे त्यांना कोविड वॉर्डात ठेवले जाते.

प्रश्न – दोन्ही कोरोना लस घेतल्यानंतर अँटीबॉडीज किती दिवसांनी बनतात?

उत्तर – लसीचे दोन्ही डोस घेतल्यानंतर 15 दिवसांनंतर अँटाबॉडी बनले जातात. परंतु हे लक्षात घेतले पाहिजे की ही लस विषाणूविरूद्ध 100 टक्के प्रभावी नाही. उपलब्ध लस केवळ 80 किंवा 85 टक्के प्रभावी आहेत. अशा परिस्थितीत लोकांना संसर्ग होऊ शकतो. होय, लसीपासून तयार केलेले अँटीबॉडीज व्हायरसचा धोका कमी करतात. परंतु, विषाणू नसल्यास अधिक चांगले. यासाठी कोविड एप्रोप्रियेट बिहेवियरचे अनुसरण करणे आवश्यक आहे.

प्रश्न – जर रुग्णालयात बेड उपलब्ध नसेल तर आपण घरात ऑक्सिजन सिलिंडरची व्यवस्था करू शकतो का?

उत्तर – घरात जर अशी व्यवस्था करता येत असेल तर ती करु शकता. परंतु अशा परिस्थितीत जेव्हा रुग्णाला ऑक्सिजनची आवश्यकता असते तेव्हा त्याला रुग्णालयात दाखल करणे चांगले. अशा परिस्थितीत रुग्णालये घरापेक्षा अधिक सुरक्षित असतात. (How long does it take to make antibodies and when to get hospitalized when you are sick)

VIDEO: यवतमाळमध्ये एकाच वेळी 26 चिता पेटल्या, आप्तेष्ट स्पर्शही करायला तयार नसताना अंत्यसंस्कार करणाऱ्यांची बातमीhttps://t.co/4vZyvfH7rP#Yavatmal #CoronaDeath #Funeral

— TV9 Marathi (@TV9Marathi) April 18, 2021

इतर बातम्या

केंद्राकडे बोट दाखवून ठाकरे सरकार स्वतःचं अपयश लपवू शकत नाही; रामदास आठवलेंचा टोला

फडणवीसांनी पोलिसांवर दबाव टाकला, सरकारी कामात हस्तक्षेप; दिलीप वळसे-पाटलांनी दिले कारवाईचे संकेत