Riteish Genelia Organ Donation | रितेश-जेनेलिया यांचा अवयवदानाचा निर्णय

जीवनदान करण्याची प्रतिज्ञा करा, अवयवदान करण्याची शपथ घ्या" असं आवाहन रितेश-जेनेलिया यांनी इंस्टाग्रामवरुन केलं आहे. (Riteish Deshmukh Wife Genelia Pledges to Donate Organs)

Riteish Genelia Organ Donation | रितेश-जेनेलिया यांचा अवयवदानाचा निर्णय

मुंबई : प्रसिद्ध अभिनेता रितेश देशमुख आणि त्याची पत्नी, अभिनेत्री जेनेलिया डिसूझा देशमुख यांनी ‘डॉक्टर्स दिना’च्या निमित्ताने एक स्तुत्य निर्णय जाहीर केला. रितेश-जेनेलिया यांनी मरणोत्तर अवयवदान करण्याचा निर्णय घेतला आहे. इन्स्टाग्रामवर व्हिडीओ शेअर करत रितेश-जेनेलिया यांनी अवयवदानाची माहिती दिली. (Riteish Deshmukh Wife Genelia Pledges to Donate Organs)

लाडक्या सेलिब्रिटी कपलने जनजागृती करणारा निर्णय घेतल्यामुळे चाहत्यांकडून दोघांचं कौतुक केलं जात आहे. रितेश देशमुख आणि जेनेलिया लॉकडाऊनच्या काळात मनोरंजन करणारे अनेक व्हिडीओ सोशल मीडियावर शेअर करत आले आहेत.

“रितेश आणि मी फार आधीपासून अवयवदानाचा विचार करत होतो. पण ते शक्य झालं नव्हतं. डॉक्टर दिनाचं औचित्य साधत आम्ही अवयवदान करण्याची शपथ घेत आहोत. हा निर्णय घेण्यासाठी प्रोत्साहित केल्याबद्दल डॉ. नोझर शेरिअर आणि FOGSI यांचे आभार.
तुम्हाला एखाद्यास सर्वोत्तम भेटवस्तू द्यायची असेल, तर ‘आयुष्य’ हेच ते गिफ्ट आहे. या उपक्रमात तुम्हीही सहभागी व्हा आणि जीवनदान करण्याची प्रतिज्ञा करा, अवयवदान करण्याची शपथ घ्या” असं आवाहन रितेश-जेनेलिया यांनी इंस्टाग्रामवरुन केलं आहे.

संबंधित बातमी :

पत्नीला सरप्राईज करण्यासाठी नवी हेअरस्टाईल, रितेश देशमुख ट्रोल

(Riteish Deshmukh Wife Genelia Pledges to Donate Organs)

Click on your DTH Provider to Add TV9 MARATHI