तेलंगणाने करुन दाखवलं, 550 कोटींचे पॅकेज जाहीर, अतिवृष्टीने नुकसान झालेल्यांना तात्काळ 10 हजार
पावसामुळे थोड्या प्रमाणात नुकसान झालेल्या प्रत्येक पीडित कुटुंबाला 10 हजार रुपये देण्याची घोषणा तेलंगणाचे मुख्यमंत्री के. चंद्रशेखर राव यांनी केली आहे. (Telangana CM K Chandrashekhar Rao announced 10 thousand rupees help to poor flood affected peoples)
हैदराबाद : तेलंगणा राज्याला मागील आठवड्यात जोरदार पावसासह पुराचा फटका बसला होता. अतिवृष्टीमध्ये तेलंगणातील 70 नागरिकांना जीव गमवावा लागला. पावसामुळे थोड्या प्रमाणात नुकसान झालेल्या प्रत्येक पीडित कुटुंबाला 10 हजार रुपये देण्याची घोषणा तेलंगणाचे मुख्यमंत्री के. चंद्रशेखर राव यांनी केली आहे. तेलंगणा सरकारने अतिवृष्टीमुळे झालेल्या नुकसानातून सावरण्यासाठी 550 कोटींचे पॅकेज जाहीर केले आहे. (Telangana CM K Chandrashekhar Rao announced 10 thousand rupees help to poor flood affected peoples)
पावसामुळे ज्यांच्या घराची संपूर्ण पडझड झाली त्यांना 1 लाख रुपये देण्यात येणार आहेत. तर, काही प्रमाणात नुकसान झालेल्यांना ५० हजारांची मदत देण्यात येईल, अशी घोषणा तेलंगणाच्या मुख्यमंत्री कार्यालयाच्या ट्विटर अकाऊंटवरून देण्यात आली आहे. हैदराबाद, रंगारेड्डी, मेडचल, मल्काजगिरी जिल्ह्यांमध्ये पावसामुळे मोठ्या प्रमाणावर नुकसान झाले आहे.
रस्ते आणि इतर पायाभूत सोयी सुविधांची युद्धपातळीवर दुरुस्ती करण्याचे आदेश मुख्यमंत्र्यांनी दिले आहेत. याकामासाठी 550 कोटींच्या पॅकेज जाहीर करण्यात आले आहे. राज्यातील मंत्री, आमदार, महापौर, उपमहापौर यांच्यासह सर्वजण आपत्तीग्रस्त नागरिकांना मदत करत आहेत. सर्व आपत्तीग्रस्तांना मदत करण्यास सरकार तयार असल्याचे राव यांनी म्हटले आहे.
Appreciate the timely announcement by @TelanganaCMO today. Every family affected by #HyderabadRains will receive ₹ 10,000.
People whose houses were completely damaged in the floods will receive ₹ 1 lakh & those whose homes were partially damaged will receive ₹ 50, 000 [1/2]
— Asaduddin Owaisi (@asadowaisi) October 19, 2020
हैदराबादचे खासदार असदुद्दीन औवैसी यांनी मुख्यमंत्र्यांच्या निर्णयाचे स्वागत केले आहे. सरकारने दिलेल्या मदतीमुळे आपत्तीग्रस्त नागरिकांना सावरण्यासाठी मदत होईल.
दरम्यान, हैदराबाद महापालिका क्षेत्रातील 33 तर इतर जिल्ह्यातील 37 जणांना जीव गमवावा लागला होता. हैदराबादमध्ये गेल्या 100 वर्षात इतक्या मोठ्या प्रमाणात पाऊस झाला नव्हता, अशी माहिती देखील मुख्यमंत्री कार्यालयाच्या ट्विटरवर देण्यात आली आहे.
संबंधित बातम्या:
Donald Trump | ट्रम्पना कोरोना संसर्ग, तेलंगणातील चाहत्याला धक्का, ह्रदयविकारानं मृत्यू
तेलंगणात कॉंग्रेस आणि टीआरएसमध्ये चुरस
(Telangana CM K Chandrashekhar Rao announced 10 thousand rupees help to poor flood affected peoples)
