Holi 2022 : रंग खेळण्याच्या अगोदर केसांची अशा प्रकारे घ्या काळजी, रंगामुळे केस खराब होण्याचे राहणार नाही टेन्शन!

मुंबई : होळीचा सण येताच लोकांमध्ये उत्साह दिसून येतो. होळी (Holi) कशी खेळायची आणि काय स्पेशल करायचे याची तयारी आधीच सुरू होते. सर्वत्र रंग आणि गुलालाची उधळण करत आनंदाचे वातावरण निर्माण झाले आहे. पण होळीचे पक्के रंग ( Holi colours ) रासायनिक असतात, तर आजकाल गुलालातही रसायनांचे मिश्रण असते. अशा परिस्थितीत या रंगांमुळे केसांचे खूप नुकसान होते. रंगांमुळे केस खूप खराब ( Hair damage )  होतात, त्यात कोरडेपणा येतो. अशा परिस्थितीत होळी खेळण्याआधी काही खबरदारी घ्यायला हवी जेणेकरून होळीचा रंग तुमच्या केसांना खराब होण्यापासून वाचवता येईल.

खोबरेल तेल लावायला विसरू नका! 

होळी खेळण्याच्या एक तास आधी केसांना मोहरी किंवा खोबरेल तेल लावा. यामुळे केसांना ओलावा येतो आणि हे तेल रंगांवर एक थर तयार करते. यामुळे रंग तुमच्या केसांमध्ये शोषून घेऊ शकत नाहीत. अशाप्रकारे, रंगामुळे तुमच्या केसांना जास्त नुकसान होत नाही.

अॅलर्जी होण्याची शक्यता 

जर तुमचे केस लांब असतील तर ते मोकळे ठेवू नका. खुल्या केसांमध्ये रंग अधिक शोषले जातात. त्यामुळे अनेक वेळा टाळूवर रंग येतो, तसेच खाज, लालसरपणा, पुरळ इ. त्यामुळे होळी खेळण्यापूर्वी केस बांधून ठेवा. शक्य असल्यास, आपले केस टोपी किंवा स्कार्फने झाकून ठेवा.

हर्बल शैम्पू अत्यंत फायदेशीर 

केसांचा रंग काढून टाकण्यापूर्वी डोके पाण्याने धुवा. केस चांगले धुतल्यानंतर हर्बल शैम्पू वापरा. हर्बल शैम्पू सौम्य असतात आणि केसांसाठी चांगले मानले जातात. बोटांच्या मदतीने टाळू स्वच्छ करा. केस सुकवल्यानंतर केसांना व्यवस्थित ब्रश करा, यामुळे डोक्यावर जमा झालेला रंग दूर होण्यास मदत होईल.

संबंधित बातम्या : 

Hair Care Tips : सुंदर आणि निरोगी केसांसाठी ‘या’ सोप्या टिप्स फॉलो करा!

चेहरा, केस आणि नखांमधून रंग काढण्याची घरगुती सोपी पद्धत तुम्हाला माहित आहे का ?