फुलांपेक्षा जास्त विकले गेले कंडोम, व्हॅलेंटाइन डेला रेकॉर्ड ब्रेक विक्री.. धक्कादायक माहिती समोर

काळ पुढे सरकतो, तसतसा भारत पुढे जात आहे, प्रगती करत आहे, पण फक्त लोकसंख्येच्या बाबतीत नव्हे तर जागरुकतेच्य बाबतीतही भारतात लोकं खूप पुढारलेले दिसत आहेत. याचं कारण म्हणजे, आतापर्यंत व्हॅलेंटाईन वीकमध्ये फुलं, चॉकलेट आणि विविध भेटवस्तू यांची सर्वाधिक विक्री व्हायची. पण आता त्याऐवजी कंडोमसह अनेक सेक्शुअल वेलनेस प्रॉडक्ट्सच्या विक्रीत वाढ झाली आहे. या वर्षी या उत्पादनांच्या झालेल्या विक्रीने 2025 चा विक्रमही मोडला आहे.

मोठा रेकॉर्ड मोडला

सध्या बहुतांश लोक हे अनेक गोष्टी ऑनलाइन ऑर्डर करत असतात. क्विक कॉमर्स ॲप्सच्या ताज्या अहवालानुसार, 7 ते 14 फेब्रुवारी दरम्यान सेक्शुअल वेलनेस प्रॉडक्ट्सच्या विक्रीचे आकडे खूपच धक्कादायक आहेत. इन्स्टामार्टच्या एका नवीन अहवालानुसार, यावर्षी व्हॅलेंटाईन डेच्या दिवशी लोकांनी 2025 चा रेकॉर्ड मोजाल, 2025 तुलनेत त्यांनी तिप्पट जास्त सेक्शुअल वेलनेस प्रॉडक्ट्स ऑर्डर केली.

व्हॅलेंटाइन डे 2026 ला भारत कोण-कोणत्या गोष्टी केल्या ऑर्डर ?

एका रिपोर्टनुसार, कंडोमपासून ते इतर इंटिमीटी उत्पादनांपर्यंत, या कॅटॅगरीमध्ये वर्षानुवर्षे तिप्पट वाढ झाली आहे. पूर्वी लोक या सर्व गोष्टींबद्दल उघडपणे बोलत नव्हते, परंतु आता या बदलावरून असे दिसून येते की लोक या विषयांबद्दल मोकळेपणाने विचार करत आहेत आणि या गोष्टी पूर्वीसारख्या निषिद्ध वगैरे मानत नाहीत.

ब्युटी आणि पर्सनल केअर मध्येही वाढ

फक्त सेक्शुअल वेलनेस नव्हे तर ब्युटी आणि पर्सनल केअर सेक्शनमध्येही मोठी वाढ पाहण्यात आली. रिपोर्टनुसार, अहवालानुसार, व्हॅलेंटाईन डेसाठी कार्टमध्ये बाथ, बॉडी आणि मेकअपशी संबंधित वस्तू सर्वात जास्त दिसल्या. कटकमधील एका ग्राहकाने एकाच ऑर्डरमध्ये 15 हजार 093 रुपये किमतीचे मेकअपचे सामान खरेदी केलं. तर सुरतमधील दुसऱ्या एका ग्राहकाने 10 हजार 845 रुपयांचे हेअर केअर, बाथ आणि बॉडी प्रॉडक्ट्स मागवली.

दिल्ली- मुंबईला या शहरांनी टाकलं मागे

तसेच चॉकलेट आणि टेडी बेअरची डिमांडही कमी नव्हती. कोलकातामधील एका माणसाने 25 हजार रुपयांचे चॉकलेट ऑर्डर केले. टेडी डे होता तेव्हा सॉफ्ट टॉयच्या विक्रीत 568 टक्के वाढ झाली. व्हॅलेंटाईन डे कार्ड विक्रीच्या बाबतीत बंगळुरूने तर दिल्ली, मुंबई, हैदराबाद आणि चेन्नईसारख्या शहरांनाही मागे टाकलं.