Skin Care : निरोगी त्वचेसाठी ‘हे’ 4 मॉर्निंग ड्रिंक्स दररोज सकाळी प्या, वाचा याबद्दल सविस्तर!

मुंबई : मॉर्निंग ड्रिंक्स आपल्या शरीरातील चयापचय नियंत्रित करतात आणि पोट साफ करण्याच्या प्रक्रियेत महत्त्वपूर्ण भूमिका बजावतात. दिवसाच्या सुरुवातीला एक किंवा दोन लिटर पाणी प्यायल्याने शरीरातील मेटाबॉलिक कचरा साफ होतो आणि त्या बदल्यात आपल्याला स्वच्छ शरीर मिळते. पाण्याव्यतिरिक्त अशी अनेक पेये आहेत. जी निरोगी आणि स्वच्छ त्वचा मिळविण्यासाठी उपयुक्त आहेत. आम्ही आज तुम्हाला काही खास पेयांबद्दल सांगणार आहोत. जे तुम्ही मॉर्निंग ड्रिंक म्हणून घेऊ शकता.

पाणी महत्वाचे

योग्य प्रमाणात पाणी प्यायल्याने आश्चर्यकारक परिणाम मिळू शकतात. पाणी अशा अनेक जबाबदाऱ्या पूर्ण करते, ज्यामुळे त्वचा स्वच्छ आणि निरोगी राहते. दुसरीकडे, पाणी आपले निर्जलीकरणापासून संरक्षण करते, ज्यामुळे त्वचा कोरडी होण्यापासून प्रतिबंधित होते. दररोज किमान 5.5 लिटर पाणी प्यायल्याने तुमच्या शरीरातील खनिजे आणि ऑक्सिजनचे वाहक वाढतात.

मध आणि लिंबू 

एका ग्लास पाण्यात दोन ते तीन चमचे मध, एक चमचा लिंबाचा रस मिसळा आणि सकाळी प्या. हे इलेक्ट्रोलाइट म्हणून कार्य करते आणि अँटी-ऑक्सिडंट्स आणि वृद्धत्वविरोधी घटक देखील बनवते. हे शरीरातील हानिकारक विषारी पदार्थ बाहेर टाकण्यास मदत करते. हे वजन कमी करण्यासाठी देखील प्रभावी आहे. मधामध्ये वृद्धत्वविरोधी पोषक घटक असतात जे तुमच्या त्वचेला मॉइश्चरायझेशन ठेवतात आणि लिंबूमध्ये व्हिटॅमिन सी असते, जे नवीन पेशी आणि त्वचेचे पुनरुज्जीवन करण्यास मदत करते.

फळाचा रस

फळांमध्ये जीवनसत्त्वे आणि सूक्ष्म पोषक घटक असतात. गाजर, बीट, डाळिंब यांसारख्या फळांमध्ये भरपूर खनिजे आणि जीवनसत्त्वे असतात. जे मुरुमांपासून मुक्त होण्यास आणि निरोगी आणि स्वच्छ त्वचा मिळविण्यात मदत करतात. गाजर आणि बीटमध्ये व्हिटॅमिन ए चांगल्या प्रमाणात असते. जे मुरुम, सुरकुत्या आणि पिगमेंटेशन रोखून त्वचा बरे करण्यास मदत करते. बीटचा रस रक्ताभिसरण नियंत्रित करतो.

हळदीचे दूध

हळद हे एक पारंपारिक आणि आयुर्वेदिक औषध आहे. जे प्रतिजैविक आणि अँटीव्हायरल एजंट म्हणून कार्य करते. यामध्ये भरपूर प्रमाणात अँटी-ऑक्सिडेंट असतात, ज्यामुळे वृद्धत्वाची प्रक्रिया मंद होते. रोज सकाळी एक चमचा हळद दुधात किंवा कोमट पाण्यात मिसळून प्यावे आणि त्वचा निरोगी राहते.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..