चहामुळे दातावर काय परिणाम होतात? जाणून घ्या

जगात असे अनेक लोक आहेत, ज्यांना वेळेवर जेवण नसले तरी चालेल पण चहा लागतोच. तुम्हाला अगदी असेही लोक दिसतील त्यांना प्रत्येक तासाला चहा लागतो. पण, जास्त चहा केवळ आरोग्यासाठीच नाही तर आपल्या दातांसाठी देखील हानिकारक आहे. हे तुम्हाला माहिती असायला हवं, याविषयी आपण आज जाणून घेणार आहोत.

चहाप्रेमींना चहाची इतकी आवड असते की त्यांना सकाळ व्यतिरिक्त कामाच्या वेळी चहा, आनंदी असल्यास चहा, टेन्शन असेल तर चहा लागतो. कुठेही ते आधी चहा पितात. पण, हा अति चहा देखील खूप हानिकारक आहे. कोणत्याही गोष्टीचा अतिरेक केल्याने जसे नुकसान होते, तसेच चहा पिणे देखील खूप हानिकारक आहे. विशेषत: दुधाचा चहा कमी पिण्याचा सल्ला दिला जातो. सध्या जाणून घ्या की चहा केवळ तुमचं आरोग्यच नाही तर तुमचं हसणंही बिघडवू शकतो, म्हणजेच दातांनाही नुकसान पोहोचवतो.

कामाचा ताण कमी करण्यासाठी, आळस दूर करण्यासाठी किंवा झोपण्यापूर्वी चहा पिण्याची सवय असेल तर यामुळे झोपेची पद्धत बिघडू लागते. यामुळे मूडमध्ये चिडचिडेपणासारख्या समस्या उद्भवतात. सध्या चहामुळे दातांचे कसे नुकसान होते हे जाणून घेऊया.

दातांच्या वरच्या थराचे नुकसान

गरमागरम चहा पिण्याची अनेकांना सवय असते. चहा थोडाही थंड झाला तर तुम्हाला आवडत नाही, पण तुमच्या या सवयीमुळे दातांच्या इनेमलला म्हणजेच वरच्या थराला नुकसान पोहोचतं. यामुळे संवेदनशीलता येते आणि जेव्हा जेव्हा तुम्ही काही गरम किंवा थंड, आंबट-गोड खाता तेव्हा दातांमध्ये तीव्र मुंग्या येऊ लागतात.

दातांचा रंग फिकट होतो

तुम्हीही रोज भरपूर चहा पित असाल तर जाणून घ्या की, यामुळे तुमच्या दातांचा नैसर्गिक पांढरा रंग फिकट होऊ शकतो आणि दात पिवळे दिसू लागतात, जे लाजिरवाणे ठरू शकते. खरं तर चहामध्ये टॅनिन नावाचा घटक आढळतो, ज्यामुळे दातांच्या वरच्या पृष्ठभागावर पिवळसरपणा किंवा डाग येऊ शकतात.

तोंडाची दुर्गंधी

तुम्ही जास्त चहा प्यायला तर यामुळे दातांच्या इनेमलचे नुकसान तर होतेच, पण तोंडाच्या स्वच्छतेवरही त्याचा वाईट परिणाम होऊ शकतो, ज्यामुळे बॅक्टेरियांच्या वाढीमुळे तोंडाची दुर्गंधी तुम्हाला त्रास देऊ शकते आणि इतरांसमोर तुम्हाला लाज वाटू शकते.

पोकळी होण्याची शक्यता

आपण दिवसातून अनेकवेळा चहा पिला तर यामुळे दातांवर प्लेग जमा होण्याची शक्यता असते. याशिवाय जर तुम्हाला जास्त गोड चहा प्यायला आवडत असेल तर ते अधिकच हानिकारक आहे. यामुळे दातांमध्ये पोकळी तर होईलच, शिवाय आरोग्यालाही हानी पोहोचेल. याशिवाय जास्त चहा प्यायल्याने कॅल्शियम शोषणात अडथळा निर्माण झाल्याने केवळ हाडेच नव्हे तर दातही कमकुवत होऊ शकतात.