पारंपारिक चवीसोबत आरोग्याचीही काळजी घ्या आणि वाढवा ‘या’ हेल्दी मिठाई

गणेश चतुर्थीचा सण जवळ आला आहे आणि बाप्पाच्या आगमनाची तयारी सुरू झाली आहे. यावर्षी गणपती बाप्पाला नैवेद्य दाखवण्यासाठी किंवा पाहुण्यांना देण्यासाठी काहीतरी खास आणि आरोग्यदायी बनवण्याचा विचार करत असाल, तर ही माहिती तुमच्यासाठी खूप उपयुक्त आहे. नेहमीच्या गोड मिठाईंमध्ये कॅलरीजचे प्रमाण जास्त असते, पण आम्ही तुम्हाला अशा काही पदार्थांची माहिती देणार आहोत जे चवीलाही उत्कृष्ट आहेत आणि आरोग्यासाठीही फायदेशीर आहेत.

आरोग्यदायी मिठाईंचे खास पर्याय:

अंजीर बर्फी : अंजीर बर्फी एक स्वादिष्ट आणि पौष्टिक पदार्थ आहे. यात साखर वापरण्याऐवजी अंजीरचा गोडवा असल्यामुळे ही मिठाई नैसर्गिकरित्या गोड आणि आरोग्यदायी बनते. अंजीरमध्ये फायबर, जीवनसत्त्वे आणि खनिजे भरपूर प्रमाणात असतात, जे आरोग्यासाठी उत्तम आहेत. ही बर्फी बनवण्यासाठी सुक्या अंजीरची पेस्ट करून त्यात ड्राय फ्रूट्स मिसळून मिश्रण घट्ट होईपर्यंत शिजवा.

ओट्स आणि ड्राय फ्रूट्सचे लाडू : ओट्स मध्ये भरपूर प्रमाणात फायबर असते आणि ड्राय फ्रूट्समुळे लाडूंना चव आणि पौष्टिकता मिळते. हे लाडू बनवण्यासाठी ओट्स भाजून घ्या आणि त्याची पावडर करा. त्यात खजूर आणि ड्राय फ्रूट्सचे मिश्रण करून लाडू वळा. हे लाडू बनवण्यासाठी साखरेचा वापर टाळता येतो.

चिया सीड्स पुडिंग: जर तुम्हाला काहीतरी वेगळं आणि आधुनिक बनवायचं असेल तर चिया सीड्स पुडिंग एक चांगला पर्याय आहे. चिया सीड्समध्ये प्रथिने, फायबर आणि ओमेगा-३ फॅटी ॲसिड असतात. हे पुडिंग दुधात किंवा नारळाच्या दुधात रात्रभर भिजवून ठेवल्यास तयार होते. त्यात तुम्ही फळे किंवा मध घालून चव वाढवू शकता.

नारळ आणि खजूर बर्फी: खजूर नैसर्गिकरित्या गोड असल्यामुळे त्याचा वापर मिठाईमध्ये साखरेला पर्याय म्हणून करता येतो. खजूर आणि ओल्या नारळाचे मिश्रण करून एक स्वादिष्ट आणि पौष्टिक बर्फी तयार करता येते. यात साखर न वापरल्याने कॅलरीज कमी होतात आणि चव तशीच राहते.

आवडता पौष्टिक हलवा: यावेळी तुम्ही बाप्पाला आवडणाऱ्या कोणत्याही पदार्थाचा हलवा (Halwa) कमी साखरेचा वापर करून बनवू शकता. बदाम हलवा, मुग डाळ हलवा, रवा हलवा किंवा अक्रोड हलवा असे अनेक पर्याय उपलब्ध आहेत. तुम्ही त्यात गूळ किंवा नैसर्गिक गोडवा वापरून त्याला अधिक आरोग्यदायी बनवू शकता.

यावर्षी गणेश चतुर्थीला या आरोग्यदायी मिठाईंचे पदार्थ बनवून बाप्पाला नैवेद्य दाखवा आणि स्वतःही त्याचा आनंद घ्या.