घरी अगदी सोप्या पद्धतीने बनवा राजस्थानचा प्रसिद्ध घेवर, पटकन जाणून घ्या रेसिपी

घेवर ही राजस्थानची सर्वात प्रसिद्ध मिठाईंपैकी एक आहे . राजस्थानमध्ये ही मिठाई विशेषतः श्रावण महिन्यात आणि सणांच्या वेळी बनवून खाल्ली जाते. काही जण घेवरचा आस्वाद घेण्यासाठी बाजारात मिळणारा घेवर घरी आणला जातो, घेवरची वर्षभर वाट पाहिली जाते, कारण श्रावणात तो मोठ्या प्रमाणात बनवला जातो. तर हा घेवर तुम्ही सुद्धा घरी अगदी सोप्या सहज पद्धतीने बनवू शकता. थोड्या प्रयत्नांनी आणि योग्य पद्धतीने, तुम्ही घरीच चविष्ट आणि कुरकुरीत घेवर तयार करू शकता. चला याची सोपी रेसिपी आजच्या लेखात जाणून घेऊयात.

घेवर बनवण्यासाठी लागणारे साहित्य

घेवर बनवण्यासाठी जास्त साहित्य लागत नाही. त्यासाठी मैद्याचे पीठ, तूप, दूध, पाणी, साखर, वेलची आणि सुका मेवा लागेल. घेवर तळण्यासाठी तुम्ही तूप किंवा तेलसुद्धा वापरू शकता.

अशा प्रकारे घेवरचे पीठ तयार करा

सर्वप्रथम एका भांड्यात तूप घेऊन ते चांगले फेटून घ्या. त्यात थोडे थोडे करून मैद्याचं पीठ टाका. नंतर, त्यात दूध आणि थंड पाणी टाकून ‍मिश्रण पातळ तयार करा. मिश्रण खूप घट्ट होणार नाही याची काळजी घ्या. हे लक्षात ठेवणे महत्त्वाचे आहे. कारण घेवरचा जाळीदार पोत हे त्याचे वैशिष्ट्य आहे.

घेवर बनवण्याची सोपी पद्धत

आता एका खोलगट पातेल्यात तूप गरम करा. त्यात एक गोल साचा ठेवा. आता तूप पूर्णपणे गरम झाल्यावर, त्यात तयार पीठ थोडे थोडे करून टाका. पीठ टाकल्यानंतर मध्यभागी गोल आकार जागा तयार करा ज्यामुळे घेवरला जाळीसारखा आकार येईल. घेवर हलका सोनेरी झाल्यावर, तो काळजीपूर्वक बाहेर काढा. उरलेल्या पिठापासूनही तुम्ही याच पद्धतीने घेवर बनवू शकता.

पाक बनवण्याची आणि सजवण्याची पद्धत

आता, एका पातेल्यात साखर आणि पाणी घालून पाक तयार करा. तयार केलेला घेवर त्या पाकात काही मिनिटे भिजवून ठेवा, नंतर तो बाहेर काढा. त्यावर मलई लावा आणि अधिक चविष्ट बनवण्यासाठी रबडी किंवा सुका मेवा टाका. हे खाणाऱ्याला नक्कीच आवडेल.

घेवर बनवताना या गोष्टी लक्षात ठेवा

घेवर बनवताना त्याचे पीठ जास्त घट्ट करू नका. तूप पूर्णपणे गरम झाले पाहिजे, म्हणजे घेवर कुरकुरीत आणि स्वादिष्ट होईल. पहिल्यांदा घेवर बनवताना थोडी काळजी घेणे आवश्यक आहे. तथापि, योग्य पद्धतीने बनवल्यास घरगुती घेवर अगदी दुकानात मिळणाऱ्या घेवरसारखाच चविष्ट लागू शकतो. म्हणून भविष्यात तुम्ही घेवर बनवल्यास, तो याच पद्धतीने बनवा, कारण घरगुती घेवर केवळ च‍विष्टच नाही तर आरोग्यदायी देखील असतो. तुम्ही सण किंवा विशेष प्रसंगी तुमच्या कुटुंबाला आणि मित्रांना तो खाऊ घालू शकता. या सोप्या रेसिपीने तुम्ही घरीच या प्रसिद्ध राजस्थानी मिठाईचा आनंद घेऊ शकता.