Skin Care | व्हॅलेंटाईन डे असो वा पार्टी, इंस्टंट ग्लो देतील ‘हे’ नैसर्गिक फेस मास्क!
व्हॅलेंटाईन डेच्या दिवशी पार्टी किंवा डेटची योजना आखत असाल आणि तयारी दरम्यान जर आपण आपल्या चेहऱ्याकडे लक्ष देणे विसरलात तर काळजी करू नका.
मुंबई : व्हॅलेंटाईन डेच्या दिवशी पार्टी किंवा डेटची योजना आखत असाल आणि तयारी दरम्यान जर आपण आपल्या चेहऱ्याकडे लक्ष देणे विसरलात तर काळजी करू नका. आज आम्ही तुम्हाला असे नैसर्गिक फेस मास्क सांगणार आहोत, ज्याचा वापर करून नैसर्गिक पद्धतीने झटपट ग्लो मिळवू शकता. तसेच, यामुळे तुमचा चेहरा देखील चमकदार होईल. स्त्री किंवा पुरुष दोघेही हे नैसर्गिक फेस मास्क वापरू शकतात (Natural face mask for instant glow).
गव्हाच्या कोंड्याचा फेस मास्क
या फेस पॅकमध्ये आपण दोन चमचे गव्हाच्या पिठाच्या कोंड्यामध्ये एक चमचा कच्चे दूध (तेलकट त्वचेसाठी) किंवा मलई (कोरड्या त्वचेसाठी) घाला. त्याशिवाय एक चिमूटभर हळद, गुलाबाचे पाणी, 4-5 थेंब गुलाबपाणी घाला आणि ही पेस्ट 20 मिनिटे चेहऱ्यावर लावा. यानंतर कोमट पाण्याने चेहरा, हलक्या हातांनी चोळून स्वच्छ करा. याने चेहऱ्यावर बहार येईल.
दही-बेसन पिठाचा मास्क
या मास्कसाठी दोन चमचे दही, एक चमचा बेसन पीठ, एक चिमूटभर हळद आणि एक चमचा टोमॅटोचा रस एकत्र घाला आणि 15 मिनिटांसाठी चेहऱ्यावर लावा आणि चेहरा थंड पाण्याने धुवा. यानंतर, चेहऱ्यावर कोणतीही क्रिया लावा आणि हलका मेकअप करा.
तांदळाच्या पिठाचा फेस मास्क
तांदळाचे पीठ टॅनिंग काढून टाकून आपल्याला नैसर्गिक चमक देते. यासाठी तांदळाच्या पिठामध्ये एक चमचा कच्चे दूध आणि कोरफड जेल घालावे आणि हलके हातांनी चेहरा व्यवस्थित स्क्रब करावा आणि उर्वरित फेस पॅक 10 मिनिटांसाठी संपूर्ण चेहऱ्यावर लावावा. यानंतर आपला चेहरा खूप चमकेल (Natural face mask for instant glow).
मध आणि ऑलिव्ह ऑईल फेस मास्क
ग्लोइंग आणि तरूण त्वचेसाठी मध खूप प्रभावी आहे. मधात अँटीऑक्सिडेंट गुणधर्म असतात. ऑलिव्ह ऑइलमध्ये अँटीऑक्सिडेंट्स, व्हिटामिन ई असतात, जे खराब झालेल्या त्वचेची दुरुस्ती करतात. व्हिटामिन ई त्वचेवर चमक देते. यासाठी एक चमचा मध आणि ऑलिव्हचे काही थेंब घ्या. चांगले मिसळा काही मिनिटांसाठी चेहऱ्यावर मसाज करा. यानंतर ओल्या कापडाने चेहरा पुसून टाका.
टोमॅटोचा रस आणि तांदळाच्या पिठाचा फेस मास्क
टोमॅटोचा रस देखील त्वचेवरील टॅनिंग काढून टाकतो. यासाठी दोन चमचे टोमॅटोचा रस, तांदळाचे पीठ एक चमचा घ्या आणि पेस्ट बनवा. यानंतर, जर आपल्याकडे मध असेल तर आपण या फेस मास्कमध्ये अर्धा चमचे मध देखील वापरू शकता. याने चेहरा चमकू लागेल.
(टीप : कोणत्याही उपचारांपूर्वी डॉक्टरांचा किंवा तज्ज्ञांचा सल्ला अवश्य घ्यावा.)
(Natural face mask for instant glow)
हेही वाचा :
Skin Care | सकाळी उठताच थंड पाण्याने धुवा चेहरा, चिरकाळ टिकून राहील त्वचेचे तारुण्य!https://t.co/BxDSd3vEDs#beautytips #skincareroutine #ColdWater
— TV9 Marathi (@TV9Marathi) December 9, 2020
