खराब भिंतींना ‘गुडबाय’! ‘या’ सोप्या उपायांनी घर होईल नव्यासारखं!
घराच्या भिंती सुशोभित करायच्या म्हटलं की लगेच पेंट, वॉलपेपर किंवा इंटिरिअर डिझायनर यांचा विचार होतो. मात्र खर्चिक काम न करता देखील तुमच्या भिंती आकर्षक बनवता येतात. काही साधे, घरगुती उपाय वापरून तुम्ही भिंतींना दिली जाऊ शकते एकदम हटके झलक!
पावसाळा संपला की अनेक घरांमध्ये भिंतींवर त्याचे परिणाम दिसायला लागतात. कुठेतरी ओल आलेली असते, कुठेतरी रंग फुगलेला असतो, तर काही ठिकाणी बारीक भेगाही पडलेल्या दिसतात. अशा खराब झालेल्या भिंतींमुळे घराची सगळी शोभाच जाते आणि घरात एक प्रकारची नकारात्मकता जाणवते. पण या समस्येवर मात करण्यासाठी काही सोप्या आणि आकर्षक कल्पना आहेत, ज्यामुळे तुमच्या खराब भिंती पुन्हा जिवंत होतील आणि घराला एक नवीन, फ्रेश लुक मिळेल.
काय आहेत ‘या’ कल्पना ?
खराब झालेली भिंत लपवण्याचा आणि त्याचबरोबर घराला एक कलात्मक स्पर्श देण्याचा एक उत्तम मार्ग म्हणजे त्या भिंतीवर एखादी मोठी, आकर्षक पेंटिंग लावणं. ही पेंटिंग तुमच्या आवडीची किंवा तुमच्या घराच्या सजावटीला साजेशी असू शकते. पेंटिंगमुळे लोकांचं लक्ष भिंतीवरील दोषांकडून हटून त्या कलाकृतीकडे जाईल. जर तुम्हाला खूप मोठी पेंटिंग नको असेल, तर तुम्ही अनेक लहान-मोठ्या फोटो फ्रेम्सचा एक सुंदर Collage तयार करू शकता. यात तुमच्या कुटुंबाचे, मित्र-मैत्रिणींचे किंवा तुमच्या आवडत्या प्रवासाचे फोटो लावल्यास भिंतीला एक वैयक्तिक आणि भावनिक स्पर्श मिळेल. Modern Art Pieces किंवा आकर्षक वॉल Wall Hangings चा वापरही भिंतीला नवीन ओळख देऊ शकतो.
आरसे केवळ चेहरा पाहण्यासाठी नसतात, तर ते इंटीरियर डिझाइनमध्ये एक महत्त्वाचा घटक आहेत. खराब भिंतीवर योग्य ठिकाणी आणि योग्य आकाराचा आरसा लावल्यास अनेक फायदे होतात. एक मोठा, चांगल्या डिझाइनचा आरसा लावल्यास खोली अधिक मोठी आणि प्रकाशमान वाटते. भिंतीवरील डाग किंवा भेगा आरशाच्या डिझाइनमागे लपून जातात आणि खोलीला एक स्टायलिश आणि मॉडर्न लुक मिळतो. लक्षात ठेवा, आरसा अशा ठिकाणी लावा जिथे तो खोलीतील चांगला View प्रतिबिंबित करेल.
जर भिंतीची अवस्था खूपच खराब असेल आणि इतर उपाय कमी प्रभावी वाटत असतील, तर सुंदर आणि आकर्षक पडदे हा एक चांगला पर्याय आहे. तुम्ही त्या संपूर्ण भिंतीला पडद्यांनी झाकू शकता. यासाठी योग्य लांबीचा आणि तुमच्या खोलीतील इतर सजावटीशी जुळणाऱ्या रंगाचा व डिझाइनचा पडदा निवडा. पडद्यामुळे खराब भाग तर झाकला जाईलच, पण खोलीला एक सॉफ्ट आणि आरामदायक अनुभवही मिळेल. तुम्ही Floral Prints, Geometric Patterns किंवा साध्या रंगाचे पडदे निवडू शकता.
घराबाहेरील भिंती, जसे की बाल्कनी किंवा अंगणातील भिंती, खराब झाल्या असतील तर त्यांना नैसर्गिक घटकांनी सजवता येतं. ‘ग्रीन वॉल’ ही संकल्पना सध्या खूप लोकप्रिय आहे. यात तुम्ही भिंतीवर Vertical Garden तयार करू शकता, ज्यात लहान कुंड्यांमध्ये विविध प्रकारची झाडं किंवा वेली लावता येतात. यामुळे भिंतीला एक जिवंत आणि फ्रेश लुक मिळतो आणि घरात सकारात्मक ऊर्जा येते. याशिवाय, विटांच्या नैसर्गिक फिनिशचे वॉलपेपर किंवा Cladding Tiles वापरून तुम्ही भिंतीला एक वेगळा, Rustic आणि आकर्षक लुक देऊ शकता.
