क्रोमबुकबद्दल पसरलेल्या अफवा, खरेदी करण्यापूर्वी जाणून घ्या या 8 सत्य गोष्टी

गेल्या दहा वर्षांपासून Google चं ChromeOS ऑपरेटिंग सिस्टमवर चालणारे Chromebook लॅपटॉप्स बाजारात आहेत. एकेकाळी हे केवळ वेब ब्राउझिंगसाठी वापरले जायचे, पण आता हे वैयक्तिक आणि व्यावसायिक वापरासाठी एक उत्तम पर्याय ठरत आहेत. साधं इंटरफेस, सुरक्षेचे आधुनिक तंत्र, आणि सहज वापर ही याची प्रमुख वैशिष्ट्यं आहेत. मात्र तरीही Chromebook संदर्भात अनेक चुकीच्या समजुती आजही लोकांमध्ये आहेत. ‘ऑफलाइन वापरता येत नाही’, ‘हे खूपच कमी पॉवरचे असतात’ अशा अनेक अफवा सोशल मीडियावर फिरताना दिसतात. आज आपण अशाच 8 प्रमुख गैरसमजांचा वैज्ञानिक आणि तांत्रिक दृष्टिकोनातून उलगडा करूया.

1. Chromebook कमजोर असतात

शुरुवातीच्या काळात Chromebook खरंच फक्त वेब ब्राउझिंगसाठी वापरले जायचे. पण आता ते MediaTek, Intel, आणि Qualcomm सारख्या प्रोसेसरसह येतात. २०,००० रुपयांपासून १ लाखापर्यंतच्या रेंजमध्ये विविध क्षमतेचे मॉडेल्स उपलब्ध आहेत. सध्याच्या ChromeOS वर Android अ‍ॅप्स, व्हिडिओ स्ट्रीमिंग आणि क्लाउड गेमिंग सहज चालतात.

2. ChromeOS म्हणजे फक्त Chrome ब्राउझर?

ChromeOSवर तुम्ही Brave, Firefox सारखे इतर ब्राउझर्स सुद्धा वापरू शकता. हे सर्व Google Play Store मध्ये उपलब्ध असून Chromebook टॅबलेट मोडमध्येही उत्तम काम करतात.

3. Chromebook सुरक्षित नाहीत

Chromebook मध्ये ऑटो अपडेट्स, सॅन्डबॉक्सिंग, आणि मल्टी-लेयर सिक्युरिटी असते. CVE डेटा सांगतो की २०१० पासून फक्त ५० सिक्युरिटी इश्यूज ChromeOS मध्ये नोंदवले गेले, जे Windows 10 च्या तुलनेत खूपच कमी आहे (Windows 10 मध्ये ३,०००+ इश्यूज).

4. Chromebook ऑफलाइन वापरता येत नाही

आजकाल Google Docs, Gmail, YouTube Music, Notes App वगैरे ऑफलाइन वापरता येतात. तुम्ही इंटरनेट शिवायही दस्तऐवज तयार, वाचू किंवा संपादित करू शकता. त्यामुळे ही धारणा कालबाह्य झाली आहे.

5. गेमिंगसाठी Chromebook वाईट आहेत

Play Store वरच्या Android गेम्स, Steam, GeForce Now, Amazon Luna, आणि Xbox Cloud Gaming हे सर्व Chromebook वर सहज चालतात. काही खास गेमिंग Chromebook मॉडेल्स (जसं Acer Chromebook 516 GE) सुद्धा बाजारात आले आहेत.

6. फोटो/व्हिडिओ एडिटिंगसाठी Chromebook योग्य नाही

प्रोफेशनल एडिटिंगसाठी Windows/Mac आवश्यक आहेत, पण कुटुंबासाठी व्हिडिओ बनवण्यासाठी LumaFusion, Google Photos व्हिडिओ एडिटर आणि Adobe च्या अ‍ॅप्स Chromebook वर उत्तम चालतात.

7. Microsoft Office चालत नाही

Microsoft Office 365 चे Progressive Web Apps (PWA) Chromebook वर वापरता येतात. हे अ‍ॅप्स ऑफलाइनही काम करतात आणि नोटिफिकेशनही देतात. फक्त काही advanced फीचर्स डेस्कटॉप Office मध्ये जास्त मिळतात.

8. Windows Chromebook वर चालत नाही

तुम्ही थेट Windows इंस्टॉल करू शकत नाही, पण Chrome Remote Desktop किंवा Parallels for Chrome सारख्या टूल्सच्या साहाय्याने तुम्ही Windows किंवा Mac ला रिमोटली अ‍ॅक्सेस करू शकता.