Home remedies for dandruff : कोंड्याच्या भीतीने तुम्हीही काळे कपडे घालणं टाळता ? शांपूने केस धुण्यापूर्वी करा केवळ ‘हे’ उपाय, कोंडा होईल छू-मंतर

नवी दिल्ली : बदलती जीवनशैली, अपुरी झोप, अबरचबर खाणं, पुरेसं पाणी न पिणं आणि केसांची नीट निगा न राखणं यामुळे आजकाल प्रत्येकाला केस गळती, केसात कोंडा होणं, केस पांढरे होणं (hair problems)अशा समस्यांचा साममा करावा लागतो. हिवाळ्यात तर केसांची समस्या वाढतच जाते. सर्वात त्रासदायक म्हणजे अधून-मधून होणारा कोंडा. ड्राय स्काल्प, ओलावा आणि केसांतील घाण यामुळे आणि तसेच खूप गरम पाण्याने केस स्वच्छ केल्याने कोंड्याची समस्या (dandruff problem) वेळोवेळी सतावू शकते. पण, अशा परिस्थितीत काही टिप्स उपयोगी येऊ शकतात. घरच्या घरी करता येणाऱ्या या टिप्सचा वापर करून (home remedies to get rid of dandruff) तुम्ही केसांमध्ये वारंवार होणारा कोंडा टाळू शकता. कसे ते जाणून घेऊया.

शांपूने केस धुण्यापूर्वी करा हे 3 उपाय –

1) केसांमध्ये लावा दही

जर तुमच्या केसांमध्ये वारंवार कोंडा होत असेल तर तुम्ही केसांसाठी दही वापरू शकता. दह्यातील बॅक्टेरियाच्या वाढीस प्रतिबंध करणारा आणि बुरशीविरोधी अँटी-बॅक्टेरिअल आणि अँटी-फंगल गुणधर्म हे कोंडा कमी करू शकतात. याशिवाय, दह्यामुळे स्काल्पमध्ये ओलावा कायम राहतो, ज्यामुळे खाज येत नाही. यासोबतच सोरायसिस आणि एक्झिमाच्या समस्येवरही दह्यचा वापर फायदेशीर ठरतो.

2) तेल व लिंबाचा रस केसांसाठी वापरा

जर तुम्हाला वेळोवेळी कोंड्याची समस्या सतावत असेल तर तुम्ही तेलात लिंबाचा रस मिसळून लाऊ शकता. यासाठी तुम्ही केसांना कोणतेही तेल लावू शकता. उदाहरणार्थ, तुम्ही खोबरेल तेल किंवा मोहरीचे तेल देखील वापरू शकता. या दोन्हीपैकी कोणतेही एक तेल वाटीत घेऊन त्यात थोडा लिंबाचा रस मिसळा. ते नीट एकत्र करून तुमच्या स्काल्पला लावा व सुमारे 30 मिनिटे राहू द्या. नंतर शांपू व साध्या पाण्याने केस स्वच्छ धुवा.

3) केसांना लावा ॲपल सायडर व्हिनेगर

ॲपल सायडर व्हिनेगर कोंड्याच्या समस्येमध्ये खूप प्रभावीपणे काम करते. जेव्हा तुमच्या केसांमध्ये कोरडेपणाची समस्या असेल तेव्हा थोडे पाणी घेऊन त्यात ॲपल सायडर व्हिनेगर घाला. आता ते मिश्रण तुमच्या स्काल्पवर लावा व थोडा वेळ तसेच राहू द्या. नंतर केस स्वच्छ धुवा. ॲपल सायडर व्हिनेगरच्या वापरामुळे केसांमधली खाज आणि कोंड्याची समस्या लवकर कमी होण्यास मदत होईल. वर नमूद केलेल्या सर्व गोष्टींचा वापर करून तुम्ही केसांमध्ये वारंवार होणार्‍या कोंड्यापासून सुटका मिळवू शकता.

( डिस्क्लेमर- या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. पण कोणताही उपचार करण्याआधी संबंधित तज्ज्ञांचा अथवा डॉक्टरांचा सल्ला घ्या.)