संपूर्ण उन्हाळ्यात त्वचा राहिल ‘कूल कूल’, फक्त 20 मिनिट अशा प्रकारे लावा पुदीना फेस पॅक

पुदीना ही एक अशी वनस्पती आहे, जी सामान्यतः स्वयंपाकघरात चटणी बनवण्यासाठी म्हणून वापरली जाते.

संपूर्ण उन्हाळ्यात त्वचा राहिल 'कूल कूल', फक्त 20 मिनिट अशा प्रकारे लावा पुदीना फेस पॅक

मुंबई : पुदीना ही एक अशी वनस्पती आहे, जी सामान्यतः स्वयंपाकघरात चटणी बनवण्यासाठी म्हणून वापरली जाते. पुदीन्याची अनेक वैशिष्ट्ये आहेत. ही पाने आपल्या अन्नाचे पचन करण्यासाठी प्रभावी आहे. यासह, हे पोटात होणार्‍या बर्‍याच समस्यांवर उपचार करण्यासाठी देखील उपयुक्त ठरते. मात्र, तुम्हाला हे माहिती आहे का? उन्हाळ्यात त्वचेसाठी पुदीनाचा फेस पॅक त्वचा थंड करण्याचा एक पर्याय आहे. या फेस पॅकमुळे तुम्हाला ताजेपणा वाटेल. (Use mint paste face pack during summer for keeping skin cool)

पुदीनाची पाने घ्या आणि त्यामध्ये काकडी घाला हे बारीक करून घ्या मग हे मिश्रण आपल्या चेहऱ्याला लावा साधारण 20 ते 25 मिनिटे हे मिश्रण आपल्या चेहऱ्याला लावून ठेवा. मग तुम्हाला एकदम फ्रेश वाटेल. पुदीन्याच्या पानांमध्ये मेन्थॉल, प्रथिने, चरबी, कर्बोदके, व्हिटामिन-ए, राइबोफ्लेविन, तांबे आणि लोह आढळतात. या पानांच्या सेवनाने उलट्या रोखता येतात आणि पोटातील गॅस देखील काढून टाकता येतो. तसेच, साठलेल्या कफावर देखील पुदिना उपयुक्त आहे.

पुदीना गरम प्रभावाचा आहे, ज्यामुळे तो शरीरातून घाम काढून ताप काढून टाकतो. आपल्याला एखादा किडा चावल्यास, त्याचे विष काढून करण्याचे गुणधर्म देखील पुदीन्यामध्ये आहेत. पुदीनाच्या पानांची पेस्ट तयार करा आणि त्याला हलके गरम करून, ती कोणत्याही प्रकारच्या जखमेवर किंवा कीटकांच्या चाव्यावर लावा. यामुळे जखम आणि कीटकांच्या चाव्यापासून आराम मिळतो. यासह, यामुळे होणारी वेदना आणि सूज देखील कमी होते.

पुदीन्याचा रस, मिरपूड आणि काळे मीठ मिसळून ते उकळून चहा सारखे प्या. हे सेवन केल्याने सर्दी, पडसे, खोकला आणि तापात आराम मिळतो.ताज्या पुदीन्याच्या पानांची पेस्ट कपाळावर लावल्यास डोकेदुखीमध्ये आराम मिळतो. पुदीना पाने सुकवून बनवलेल्या पावडरचा वापर तोंडाची दुर्गंधी दूर करण्यासाठी आणि हिरड्या मजबूत बनवण्यासाठी करतात.

संबंधित बातम्या : 

Health Care | हवामान बदलतंय! अशाप्रकारे घ्या आपल्या आरोग्याची काळजी

Turmeric Side Effects | पोटाच्या समस्यांपासून ते मुतखड्यापर्यंत, ‘हळदी’च्या अतिसेवनाने होऊ शकतात ‘हे’ दुष्परिणाम!

(Use mint paste face pack during summer for keeping skin cool)

Read Full Article

Click on your DTH Provider to Add TV9 MARATHI