कचराकुंडीत दुर्गंधी येतेय? ‘ही’ छोटी युक्ती वापरा अन् मिळवा मोठा फायदा
पुढच्या वेळी तुम्ही घरातील कचराकुंडीत पिशवी टाकणार असाल, तर ही वस्तू त्यात घालायला विसरू नका. कारण ही छोटीशी वस्तू तुमच्या घरातील स्वच्छता आणि आरोग्यासाठी मोठं योगदान देऊ शकते. त्यामुळे, आजच ही सवय लावा आणि घराला करा दुर्गंधीमुक्त आणि बॅक्टेरियामुक्त!
आपण रोजच्या घरगुती स्वच्छतेकडे लक्ष देतो, पण कधी कधी छोट्या गोष्टी दुर्लक्षित होतात आणि त्याचे परिणाम मोठे भोगावे लागतात. घरातील कचराकुंडी म्हणजेच डस्टबिनमधून उठणारी दुर्गंधी आणि गळणारा ओला कचरा हा असाच एक त्रासदायक अनुभव आहे. विशेषतः जेव्हा आपण पॉलिथिन किंवा कचरा पिशवी वापरतो आणि त्यात अन्नाचे अवशेष, भिजलेला कचरा टाकतो, तेव्हा त्या पिशवीतून रस (लिक्विड) गळून कचराकुंडीच्या तळाशी जमा होतो. परिणामी, दुर्गंधी, चिखल आणि संसर्ग पसरण्याचा धोका निर्माण होतो. पण यावर एक अतिशय सोपा आणि कमी खर्चिक उपाय आहे तो म्हणजे जुन्या newspaperचा वापर!
डस्टबिनमध्ये पिशवी लावताना ‘हे’ करा आधी
प्रत्येक वेळी कचरा पिशवी लावताना त्याआधी डस्टबिनच्या तळाशी २-३ थरांमध्ये जुने वृत्तपत्र घालावं. हे साधं वाटणारं पण प्रभावी पद्धत आहे. newspaperचा कागद ओल्या कचऱ्यातून वाहणाऱ्या रसाला शोषून घेतं आणि तो पिशवीच्या तळाशी साठत नाही. परिणामी, पिशवी फाटण्याचा धोका कमी होतो, दुर्गंधी निर्माण होत नाही आणि कचराकुंडी कोरडी राहते.
आरोग्यदृष्ट्या फायदेशीर
पाण्यासारखा लिक्विड जर थेट कचराकुंडीच्या तळाशी साचला, तर त्यातून जंतू, बॅक्टेरिया आणि कीटक निर्माण होतात. यामुळे घरात दुर्गंधी आणि सांसर्गिक आजारांचा धोका वाढतो. पण जर हा लिक्विड आधीच वृत्तपत्रात शोषला गेला, तर ही समस्या मोठ्या प्रमाणावर टाळता येते. हे ट्रिक तुम्ही फक्त स्वयंपाकघरातील कचऱ्यावरच नव्हे, तर बाथरूम डस्टबिन, बाळांच्या डायपर डस्टबिन आणि इतर कोणत्याही ओल्या कचऱ्याच्या कुंडीवर सहज लागू करू शकता.
पर्यावरण पूरक आणि खर्च वाचवणारा उपाय
newspaperचा आणखी एक महत्त्वाचा फायदा म्हणजे त्याचा पुनर्वापर होतो, ज्यामुळे पर्यावरणाचे संरक्षण होते. याशिवाय, कचरा कुंडीत newspaper ठेवल्याने त्यात साचणाऱ्या लिक्विडपासून होणाऱ्या बुरशी, मच्छर आणि कीटकांची वाढही रोखता येते, जी अनेक संसर्गजन्य रोगांना कारणीभूत ठरतात. अशा ठिकाणी हवा बंद असल्याने दुर्गंधी अधिक प्रमाणात पसरते, पण newspaper ती वास शोषून घेतो आणि वातावरण थोडं स्वच्छ ठेवतो. स्वयंपाकघरातील कचऱ्यामुळे होणारा कीटकांचा उपद्रवही यामुळे कमी होतो. शिवाय, हा सोपं उपाय सर्व वयोगटातील व्यक्ती सहज अमलात आणू शकतात, विशेषतः ज्येष्ठ नागरिकांसाठी हे खूपच सोयीचं आहे. अशा छोट्याशा उपायातून संपूर्ण घराचा आरोग्यदृष्ट्या फायदा होतो.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
