दक्षिण भारतात फिरायला जायचं? कोणत्या ठिकाणांना द्याची भेट, किती येईल खर्च, जाणून घ्या योग्य ट्रिप प्लॅन

तुम्हीही यंदा दिवाळीच्या सुट्टीमध्ये तुमच्या कुटूंबासोबत फिरायला जाण्याचा विचार करताय तेही दक्षिण भारतात तर हा लेख तुमच्यासाठी आहे. कारण आपला भारत देश हा विविधतेने नटलेला आहे. तसेच भारतातील प्रत्येक पर्यटन ठिकाणांना कोणता ना कोणता इतिहास हा आहे. त्यामुळे परदेशातूनही लोकं भारतातील या काही ठिकाणांना एक्सप्लोर करण्यासाठी येत असतात.

आपल्या भारतातील दक्षिण भारत देश हा एक असा भाग आहे जो निसर्ग, संस्कृती आणि अध्यात्माचा एक अनोखा मिलाफ आहे. प्रत्येक राज्याची स्वतःची वेगळी ओळख आहे. केरळ त्याच्या हिरवळीसाठी, तामिळनाडू त्याच्या भव्य मंदिरांसाठी आणि कर्नाटक त्याच्या कॉफीच्या बागांसाठी ओळखले जाते. एकंदरीत तुम्ही जर खरोखरच फिरायला जाण्यासाठी एक चांगले ठिकाण शोधत असाल, तर दक्षिण भारतापेक्षा सर्वात उत्तम काहीच नाही. समुद्रकिनाऱ्यांपासून ते पर्वत आणि धार्मिक स्थळांपर्यंत, तुम्हाला एक अनोखा अनुभव मिळेल. स्वादिष्ट अन्न, पारंपारिक नृत्य आणि लोकसंस्कृती ही देखील दक्षिण भारताची खास वैशिष्ट्ये आहेत.

दक्षिण भारतात एक्सप्लोर करण्यासारखे बरेच काही आहे. कुठे जायचे, तिथे कसे जायचे आणि किती खर्च येईल याबद्दल लोकं अनेकदा गोंधळलेले असतात. जर तुम्ही दक्षिण भारतात फिरायला जाण्याचा विचार करत असाल तर या लेखात आम्ही दक्षिण भारतातील भेट देण्यासाठी सर्वोत्तम ठिकाणे कोणती आहेत आणि 3 दिवस फिरण्याचा खर्च किती होऊ शकतो ते जाणून घेऊयात.

केरळमधील निसर्गाचा आनंद घ्या

केरळ हे दक्षिण भारतातील सर्वात सुंदर शहरांपैकी एक आहे. येथील नैसर्गिक दृश्ये तुम्हाला मंत्रमुग्ध करतील. केरळ हे असे राज्य आहे जिथे तुम्हाला निसर्गाच्या सानिध्यात हरवून गेल्यासारख वाटेल. कारण हे राज्य हिरव्यागार झाडांनी भरलेले आहे. अलेप्पीचे बॅकवॉटर, आयुर्वेदिक मसाले आणि हाऊसबोट्स हे पाहून फिरण्याचा आनंद द्विगुणित करेलच पण संस्मरणीय बनवू शकतात. मुन्नार, एक हिल स्टेशन, अलेप्पी, कोची आणि थेक्कडी अशी अनेक ठिकाणे देखील आहेत. केरळमधील कोणत्याही शहरात जाण्यासाठी तुम्ही विमान आणि ट्रेनने जाऊ शकता. केरळ फिरण्याचा खर्च तुमच्या राहण्याचा खर्च, जेवण आणि पर्यटनावर अवलंबून 10,000 ते 20,000 रुपयांपर्यंत होऊ शकतो.

तामिळनाडूची प्राचीन मंदिरे करा एक्सप्लोर

तामिळनाडू हे त्याच्या प्राचीन मंदिरांसाठी ओळखले जाते. शिवाय हे राज्य त्याच्या संस्कृती, शास्त्रीय नृत्य भरतनाट्यमसाठी प्रसिद्ध आहे. मदुराई (मीनाक्षी मंदिर), तंजावर, रामेश्वरम आणि कन्याकुमारी ही ठिकाणे भेट देण्यासाठी सर्वोत्तम ठिकाणांपैकी एक आहेत. जर तुम्ही धार्मिक स्थळांना भेट देण्यासाठी दक्षिण भारतात येत असाल तर तामिळनाडूपेक्षा चांगले काहीही नाही. येथील मंदिरे इतकी सुंदर आहेत की तुम्ही त्यांच्या सौंदर्याने मोहित व्हाल. समुद्रकिनाऱ्यांना भेट दिल्याने सूर्यास्ताचे एक चित्तथरारक दृश्य दिसते. तुम्ही येथे ट्रेन, विमान किंवा स्वत:च्या गाडीने तामिळनाडूला जाण्यासाठी प्रवास करू शकता. बजेटनुसार, ते केरळपेक्षा थोडे स्वस्त आहे. तुम्ही 8,000 ते 15,000 रुपयांना येथील ठिकाणांना भेट देऊ शकता.

कर्नाटक देखील एक चांगला पर्याय आहे

कर्नाटक पर्यटकांमध्येही खूप लोकप्रिय आहे. येथे तुम्हाला इतिहास आणि निसर्गाचा संगम दिसेल. हंपीच्या अवशेषांपासून ते कॉफीच्या बागांपर्यंत, येथील प्रत्येक गोष्ट खरोखरच मनमोहक आहे. म्हैसूर पॅलेस देखील कर्नाटकात आहे, जो दूरदूरच्या पर्यटकांना आकर्षित करतो. कर्नाटकमध्ये असंख्य हिल स्टेशन्स देखील आहेत, जिथे ट्रेकिंग, पॅलेस टूर आणि कॉफीची चव घेण्याचा अनुभव मिळतो जे दक्षिण भारताचे खास वैशिष्ट्य आहे. कर्नाटकमध्ये दोन आंतरराष्ट्रीय विमानतळ आहेत, त्यामुळे तुम्ही विमानाने देखील या ठिकाणी पोहोचू शकता. रेल्वे प्रवास थोडा जास्त असू शकतो. बजेटच्या बाबतीत, जर तुम्ही पॅकेज घेऊन गेलात तर तुम्ही सुमारे 30,000 रूपये खर्च येऊ शकतो.