एपीएमसी सचिव सतीश सोनींच्या कारला अपघात; जीवितहानी टळली
या अपघातात सचिव सतीश सोनी यांच्यासह कार चालक सुदैवाने थोडक्यात बचावले. मात्र कारच्या दर्शनी भागाचे मोठ्या प्रमाणात नुकसान झाले.
नवी मुंबई : पणन संचालक आणि मुंबई कृषी उत्पन्न बाजार समिती मार्केटच्या सचिवपदाचा अतिरिक्त पदभार सांभाळणारे सचिव सतीश सोनी यांच्या कारला सोमवारी रात्रीच्या सुमारास अपघात झाला. या अपघातात सचिव सतीश सोनी यांच्यासह कार चालक सुदैवाने थोडक्यात बचावले. मात्र कारच्या दर्शनी भागाचे मोठ्या प्रमाणात नुकसान झाले.
लोणावळ्यानजीक सदर कारला अपघात
सोमवारी मुंबई-पुणे एक्सप्रेस मार्गावर लोणावळ्यानजीक सदरचा अपघात झाला. सध्या पणन संचालक आणि बाजार समिती सचिव या दोन्ही जबाबदाऱ्या सतीश सोनी यांना पार पाडव्या लागत आहेत. शासकीय कामकाजानिमित्त पुणे ते नवी मुंबई अशी त्यांची ये-जा सुरू असते.
पुढच्या कारनं अर्जंट ब्रेक मारल्यानं अपघात
सूत्रांनी दिलेल्या माहितीनुसार, ते पुणे येथील काम आटोपून ते एमएच-43 एएन- 4100 या शासकीय कारने नवी मुंबईकडे येत होते. रात्रीच्या सुमारास त्यांची कार मुंबई-पुणे एक्सप्रेस मार्गावर लोणावळ्यानजीक आली असता, सचिव सतीश सोनी यांच्या कारच्या पुढे असलेल्या एका वाहनचालकाने अर्जंट ब्रेक मारला.
सोनी यांच्या कारची धडक सदर वाहनाला बसली
यावेळी सचिव सोनी यांच्या कारची धडक सदर वाहनाला बसली. सचिव सोनी यांच्या कारवरील चालकाने तात्काळ प्रसंगावधान राखून कारचा वेग कमी केल्यामुळे या अपघातात कारमध्ये असलेले सचिव सतीश सोनी यांच्यासह कारचालक या अपघातातून सुखरूप बचावले. मात्र कारच्या पुढील भागाचे नुकसान झाले.
संबंधित बातम्या
शिपिंग क्षेत्रातील आर्थिक फसवणूक थांबवा, सिफेरर्सकडून ठोस उपाययोजना करण्यासाठी राज्यपालांना निवेदन
APMC secretary Satish Soni car accident; Fortunately, no casualties were reported
