यवतमाळमध्ये एकतर्फी प्रेमातून तरुणीवर शेतात जीवघेणा हल्ला

Namrata Patil

Updated on: Jan 29, 2021 | 7:43 PM

तरुणी शेतात काम करत होती, तेव्हा संबंधित तरुण तिथं आला. आणि हातातील धारदार शस्रानं तिच्यावर सपासप वार केले

यवतमाळमध्ये एकतर्फी प्रेमातून तरुणीवर शेतात जीवघेणा हल्ला

यवतमाळ: एकतर्फी प्रेम प्रकरणातून (One Side Love) एका तरुणीवर माथेफिरुने जीवघेणा हल्ला केल्याची घटना घडली आहे. यवतमाळच्या (Yawatmal) घाटंजी तालुक्यातील मारेगाव इथं हा सगळा प्रकार घडला आहे. त्यामुळं मुलीच्या सुरक्षितेचा प्रश्न पुन्हा एकदा चव्हाट्यावर आला आहे.  ही तरुणी शेतात काम करत होती, तेव्हा संबंधित तरुण तिथं आला. आणि हातातील धारदार शस्रानं तिच्यावर सपासप वार केले. रक्तबंबाळ झालेली तरुणी जागेवरच कोसळली. ( Attack on Young Girl by One sided Lover)

मुलीचा काका तिथं होता म्हणून…

हा सगळा प्रकार शेतीच्या दुसऱ्या बाजूला असलेल्या मुलीच्या काकाने पाहिला. आणि तातडीने तो धावत आला. मात्र, तोपर्यंत तरुणानं तिथून पोबारा केला. या घटनेत गंभीर जखमी झालेल्या तरुणीला खांद्यावर घेऊन अर्धा किलोमीटरपर्यंत तिचा काका धावत होता…त्यानंतर गावातून दुचाकीवर तिला उपचारासाठी जिल्हा रुग्णालयात दाखल केलं. काकाने वेळीच धाव घेतल्यानं तरुणीचे प्राण वाचल्याचं डॉक्टरांनी सांगितलं आहे.

आरोपीला पोलिसांकडून बेड्या

या घटनेतील माथेफिरुचं नाव चिंतामण पुसनाके आहे. एकतर्फी प्रेमातून त्यानं शेतीत काम करणाऱ्या तरुणीवर धारदार शस्राने वार केले. मात्र, अचानक तरुणीचा काका तिथं आल्याने त्यानं गावातून पोबारा केला. मात्र, या घटनेची माहिती मिळताच, पोलिसांनी तपासाची चक्र फिरवली. आणि आरोपी चिंतामण पुसानकेच्या मुस्क्या आवळल्या. सध्या माथेफिरु चिंतामण पोलिसांच्या ताब्यात असून त्याच्यावर गुन्हा नोंद करण्यात आला आहे. लवकरच त्याला कोर्टात हजर केलं जाणार आहे..

संबंधित बातम्या:

( Attack on Young Girl by One sided Lover)

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI