Pune Girl Attack : लग्नास प्रतिसाद देत नसल्यानं 17 वर्षीय मुलीचा गळा चिरला, पुण्यात दौंड तालुक्यातील घटना

राहुल निरजे हा पीडित युवतीवर प्रेम करत होता. या युवतीशी लग्न व्हावे यासाठी तो प्रयत्नशील होता. मात्र संबंधित युवतीकडून प्रतिसाद मिळत नव्हता.

Pune Girl Attack : लग्नास प्रतिसाद देत नसल्यानं 17 वर्षीय मुलीचा गळा चिरला, पुण्यात दौंड तालुक्यातील घटना
लग्नास प्रतिसाद देत नसल्यानं 17 वर्षीय मुलीचा गळा चिरला
Image Credit source: TV9
टीव्ही 9 मराठी डिजीटल टीम

| Edited By: वैजंता गोगावले, टीव्ही 9 मराठी डिजीटल टीम

Jul 06, 2022 | 12:10 AM

पुणे : लग्नाला प्रतिसाद देत नसल्यानं एका 17 वर्षीय मुलीचा गळा चिरून तिला जीवे मारण्याचा प्रयत्न (Attempt to kill) करण्यात आल्याची घटना पुण्यात उघडकीस आली आहे. दौंड तालुक्यातील कुरकुंभ नजीक पुणे-सोलापूर महामार्गावर मळद तलावाच्या समोरील शेतात ही घटना घडली. या प्रकरणी एका आरोपीला ताब्यात (Detained) घेण्यात आले आहे. राहुल श्रीशैल निरजे (27) असे ताब्यात घेण्यात आलेल्या आरोपीचे नाव आहे. या हल्ल्यात तरुणी गंभीर जखमी (Injured) झाली असून तिला उपचारासाठी दौंड येथील खाजगी रुग्णालयात दाखल करण्यात आले आहे. याप्रकरणी पोलीस पुढील कारवाई करत आहेत.

आरोपीचे पीडित तरुणीशी प्रेमसंबंध होते

राहुल निरजे हा पीडित युवतीवर प्रेम करत होता. या युवतीशी लग्न व्हावे यासाठी तो प्रयत्नशील होता. मात्र संबंधित युवतीकडून प्रतिसाद मिळत नव्हता. याच रागातून त्याने या युवतीला शेतात गाठून तिचा गळा चिरत तिला जीवे मारण्याचा प्रयत्न केल्याची प्राथमिक माहिती समोर आली आहे. या घटनेत ही युवती गंभीर स्वरूपात जखमी झाली आहे. तिला दौंड येथील खाजगी रुग्णालयात उपचारासाठी दाखल करण्यात आले आहे. तर राहुल निरजे याला पोलिसांनी ताब्यात घेतले असून अधिक तपास सुरू आहे.

पिंपरीत सिगरेटच्या वादातून अल्पवयीन मुलाची हत्या

मित्राला सिगरेट दिली नाही म्हणून दोन मित्रांनी कोयत्याने वार करुन 15 वर्षीय मुलाची हत्या केल्याची धक्कादायक घटना पिंपरी-चिंचवडमध्ये घडली आहे. सुमित बनसोडे (15) असे हत्या करण्यात आलेल्या मुलाचे नाव आहे. पाच ते सात मित्र जुना जकात नाका येथे जंगलात दारु पिऊन नाचत होते. यावेळी एका मित्राने सुमितकडे सिगारेट मागितली. मात्र सुमितने सिगारेट देण्यास नकार दिला. यामुळे संतापलेल्या दोन मित्रांनी त्याच्यावर कोयत्याने वार केले. यात त्याचा मृत्यू झाला. याप्रकरणी भोसरी पोलिसांनी सर्व मुलांना ताब्यात घेतले आहे. (Attempt to kill a 17-year-old girl in Pune for not responding to marriage)

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें