Aurangabad: ना डॉक्टरांची चिठ्ठी, ना औषधांची बिलं, औरंगाबादेत नशेच्या गोळ्यांची सर्रास विक्री, एकाला बेड्या
तौफिककडे औषधींची बिलं, डॉक्टरांची कुठलीही चिठ्ठी नव्हती. यापूर्वीही पोलिसांनी एमआर, मेडिकल एजन्सीवरील सेल्समनला नशेच्या गोळ्या आणि औषधी विक्री करताना अटक केली आहे. शहरात औषधी विक्री क्षेत्रातील अनेकजण हा गोरखधंदा करत असल्याचा संशय पोलिसांनी व्यक्त केला आहे.
औरंगाबादः मेडिकल एजन्सीकडे काम करणारा एक सेल्समन (Aurangabad Salesman) डॉक्टरांच्या कोणत्याही चिठ्ठीशिवाय नशेच्या गोळ्या विक्री करत असल्याची घटना औरंगाबादेत (Aurangabad drugs) उघड झाली. गंभीर आजारांसाठी वापरली जाणाऱ्या काही टॅबलेट आणि पातळ औषधांच्या बाटल्या या सेल्समनकडे आढळल्या. औरंगाबाद शहरातील तरुणाई मोठ्या प्रमाणात नशेच्या आहारी गेली आहे. नशेसाठी अशा औषधीही वापरल्या जात आहेत, अशी माहिती पोलिसांना मिळाली होती. त्यानुसार पोलिसांनी उस्मानपुऱ्यात सदर (Osmanpura police) सेल्समनवर कारवाई केली. तौफिक रफिक फारोखी असे या अटक केलेल्या आरोपीचे नाव आहे. तौफिककडे औषधींची बिलं, डॉक्टरांची कुठलीही चिठ्ठी नव्हती. यापूर्वीही पोलिसांनी एमआर, मेडिकल एजन्सीवरील सेल्समनला नशेच्या गोळ्या आणि औषधी विक्री करताना अटक केली आहे.
नशेच्या 870 गोळ्या अन् पातळ औषध
या प्रकरणी पोलिसांनी अटक केलेल्या आरोपीचे नाव तौफिक रफिक फारोखी असे असून तो नारेगाव येथील रहिवासी आहे. पोलिसांनी त्याच्याकडून विक्रीसाठी आलेल्या 870 गोळ्या आणि पाच पातळ औषधींच्या बाटल्या जप्त केल्या आहेत. उस्मानपुरा पोलीस स्टेशनचे निरीक्षक गीता बागवडे यांना खबऱ्यामार्फत मेडिकल एजन्सीवरील सेल्समन नशेसाठी औषधी पुरवत असल्याची माहिती मिळाली होती. त्यानुसार, बागवडे यांच्या सूचनेनुसार 31 जानेवारी रोजी प्रवीण वाघ यांनी पथकासह सापळा रचला. प्रताप नगर मैदानावर रात्री साडेनऊ वाजता तौफिक दुचाकीवरून एजंटला गोळ्या देण्यासाठी आला. तो अंधारात उभा असताना पोलिसांनी त्याला अटक केली.
ना डॉक्टरांची चिठ्ठी ना औषधांची बिलं
तौफिकजवळील पिशवीत प्रिस्क्रिप्शन ड्रग प्रकारातील औषधली. ही औषधं केवळ डॉक्टरांच्या सल्ल्यानेच दिली जातात. मानवी शरीरासाठी ती धोकादायक आहेत. मात्र या औषधींचा नशेसाठीही वापर केला जात आहे. तौफिक एजन्सीमधून वितरकांना इतर औषधींमधून नशसेच्या गोळ्या आणि औषधी परस्पर विक्री करत असल्याचा प्राथमिक अंदाज पोलिसांनी वर्तवला आहे. तौफिककडे औषधींची बिलं, डॉक्टरांची कुठलीही चिठ्ठी नव्हती. यापूर्वीही पोलिसांनी एमआर, मेडिकल एजन्सीवरील सेल्समनला नशेच्या गोळ्या आणि औषधी विक्री करताना अटक केली आहे. शहरात औषधी विक्री क्षेत्रातील अनेकजण हा गोरखधंदा करत असल्याचा संशय पोलिसांनी व्यक्त केला आहे.
इतर बातम्या-
शॉर्टसर्किटमुळं दहा ते बारा एकर ऊस जळून खाक, टॅक्टरही जळाला; महावितरणाचा गलथान कारभार
मास्क घालूनही चिमुकल्यानं खाल्लं लॉलीपॉप, ‘असा’ अफलातून जुगाड पाहिला नसेल! Video Viral
