Baramati Rahuri Assembly Bypoll 2026: बारामती, राहुरी विधानसभा मतदारसंघांच्या पोटनिवडणुकीसाठी आज मतदान

बारामती विधानसभा पोटनिवडणूक, रोहित पवार मतदानासाठी रवाना

बारामती विधानसभा पोटनिवडणूक

आमदार रोहीत पवार मतदानासाठी निघाले

पिंपळी येथील मतदान केंद्रावर करणार मतदान

वडील राजेंद्र पवार, आई सुनंदा पवार, पत्नी कुंती पवार देखील मतदानाचा हक्क बजावणार

ठाण्यात पुन्हा मोठी वाहतूक कोंडी

ठाण्यातील तीन हात नका ते कोपरी उड्डाणपुलापर्यंत वाहतूक कोंडी

ठाण्याहून मुंबईच्या दिशेने वाहतूक कोंडी

लिक्विड टँकर बंद पडल्यामुळे झाली वाहतूक कोंडी

वाहतूक विभागाकडून लिक्विड टँकर बाजूला करण्याचं काम सुरू

सध्या वाहतूक धीम्या गतीने सुरू

गोंदियामध्ये धक्कादायक प्रकार, लग्नासाठी केले अल्पवयीन मुलीचे अपहरण

लग्नासाठी केले अल्पवयीन मुलीचे अपहरण

हात-पाय बांधून जिल्हा परिषद शाळेत ठेवले डांबून

गोंदियाच्या तिरोडा तालुक्यातील धक्कादायक प्रकार

आरोपी विरोधात पोक्सोअंतर्गत गुन्हा दाखल

रात्री उशिरा आरोपीला पोलिसांनी केली अटक

खासदार सुप्रिया सुळे रोहित पवारांच्या निवासस्थानी दाखल

खासदार सुप्रिया सुळे रोहित पवारांच्या निवासस्थानी दाखल झाल्या आहेत. मतदानाची प्रक्रिया पार पडल्यानंतर सुप्रिया सुळे रोहित पवारांच्या निवासस्थानी दाखल झाल्या आहेत.

धाराशिव जिल्हा परिषदेमध्ये येत्या जून पासून पहिली ते पाचवी पर्यंत सेमी इंग्रजी वर्ग सुरू होणार

धाराशिव जिल्हा परिषदेमध्ये येत्या जून पासून पहिली ते पाचवी पर्यंत सेमी इंग्रजी वर्ग सुरू होणार. घसरत चाललेली शाळांची पटसंख्या वाढवण्यासाठी जिल्हा परिषदेचे प्रयत्न सुरु आहेत. याबाबत जिल्हा परिषदेच्या सर्वसाधारण सभेमध्ये सर्वपक्षीय एकमताने  ठराव मंजूर करण्यात आला. धाराशिव जिल्हा परिषदेने मुख्याध्यापक इंग्रजी भाषा शिकवणारे शिक्षक आणि शालेय व्यवस्थापन समिती तसेच पालकांकडून  संमती पत्र घेतले.

जळगाव जिल्ह्यात कृषी विभागाची अचानक तपासणी करत ६२ कृषी केंद्रांवर मोठी कारवाई

जळगाव जिल्ह्यात कृषी विभागाची अचानक तपासणी करत ६२ कृषी केंद्रांवर मोठी कारवाई करण्यात आली आहे.  तपासणीदरम्यान विविध अनियमितता आढळून आल्याने कृषी सेवा केंद्रांवर कारवाई करण्यात आली आहे. २१ केंद्राचा परवाना कायमस्वरूपी रद्द तर २० केंद्रांचे परवाने निलंबित आणि २१ परवानाधारकांना सक्त ताकीद देण्यात आली आहे. गुणवत्ता नियंत्रण निरीक्षक विकास बोरसे यांच्या नेतृत्वाखाली कृषी विभागाच्या पथकांनी केलेल्या तपासणीत अनेक गंभीर त्रुटी उघडकीस आल्याने कारवाई करण्यात आली आहे.

नाशिक | टीसीएस प्रकरणात पीडितेचा धक्कादायक जबाब

टीसीएस प्रकरणात पीडितेचा धक्कादायक जबाब नोंदवण्यात आला आहे. कंपनीत नेटचे पासवर्डही अश्लील भाषेत होतं धार्मिक भावना दुखावल्याचा आरोप करण्यात आले आहेत.  चौथ्या पीडितेचा जबाब SIT आणि महिला आयोगासमोर नोंदवण्यात आला आहे.  वरिष्ठांकडे तक्रार करूनही दुर्लक्ष, छळ अधिक वाढल्याचा दावा पीडितेने केला आहे. आरोपींकडून कामावरून काढण्याची धमकी देत अत्याचार केले.

महापालिकेच्या मालमत्तेची माहिती एकाच क्लिकवर…

महापालिकेच्या मालमत्तेची माहिती एकाच ब्लिकवर मिळण्यासाठी डॅशबोर्ड विकसित करण्याचे नियोजन महापालिकेच्या मालमत्ता व्यवस्थापन विभागाने केले आहे. महापालिकेच्या मालमत्ता जतन संरक्षण देखभाल विनियोग, संचलन करण्यासाठी सर्व मालमत्तेचे सर्वेक्षण करून एकत्रित डेटाबेस तयार करणे आवश्यक आहे, जेणेकरून सदर मालमत्तांचा प्रभावीपणे विनियोग करणे शक्य होणार आहे, असा यामागील हेतू असल्याचे प्रशासनाने स्पष्ट केले आहे.

भोंदू अशोक खरात प्रकरणात एसआयटी तपासात धक्कादायक माहिती समोर

एका पीडित महिलेच्या गर्भपात प्रकरण गुन्ह्यात चौकशीदरम्यान काही नवे धक्कादायक खुलासे केले. नाशिकमधील काही बड्या डॉक्टरांसह महापालिकेतील एका डॉक्टरने देखील खरातला मदत केल्याचा संशय व्यक्त करण्यात येत आहे. डॉक्टरांमार्फत गर्भपाताच्या गोळ्या पुरवल्याचा आरोप करण्यात येत आहे. संबंधित डॉक्टरांना लवकरच चौकशीसाठी बोलावण्याची शक्यता आहे.  पीडित महिला गरोदर राहिल्यास गर्भपाताच्या गोळ्या देत असल्याची माहिती समोर आली आहे. काही डॉक्टर आणि सोनोग्राफी सेंटर्सच्या भूमिकेचाही तपास सुरू आहे.  गर्भपाताच्या गोळ्या कुठून आणल्या याचाही तपास सुरूअसून प्रकरणात आणखी मोठे खुलासे होण्याची शक्यता वर्तवण्यात येत आहे.

राज्यात पुढील तीन दिवस अवकाळी पाऊस असणार हवामान विभागाचा अंदाज

राज्यात पुढील तीन दिवस अवकाळी पाऊस असणार असा हवामान विभागाचा अंदाज आहे. राज्यात विदर्भातील काही जिल्हे वगळता बहुतांश भागात वादळी पाऊस असणार आहे. कोकण दक्षिण मध्य महाराष्ट्र दक्षिण मराठवाड्यामध्ये 25 एप्रिल पर्यंत पाऊस पडण्याची शक्यता वर्तवण्यात आली आहे.

भाजप उमेदवार अक्षय कर्डिले यांनी मतदानाचा हक्क बजावला

भाजप उमेदवार अक्षय कर्डिले यांनी मतदानाचा हक्क बजावला आहे. बुऱ्हानगर येथील जिल्हा परिषद शाळेत सकाळी सव्वा सात वाजता त्यांनी मतदान केलं. पहिल्यांदाच निवडणूक लढवत असल्याची कर्डिले यांनी प्रतिक्रिया दिली. दिवंगत आमदार शिवाजी कर्डिले यांच्या आठवणींना  उजाळा दिल “वडील सोबत नाहीत” अशी खंत त्यांनी व्यक्त केली.

खासदार सुप्रिया सुळे यांनी बजावला मतदानाचा हक्क

खासदार सुप्रिया सुळे यांनी लेक रेवती सुळे, रणजित पवार आणि शुभांगी पवार यांच्यासोबत मतदानाचा हक्क बजावला आहे.