Buldhana Accident : बुलढाण्यात टिप्परची मोटारसायकलला धडक, अपघातात काका-पुतण्या ठार एक गंभीर

बुलढाणा : भरधाव वेगाने जाणाऱ्या टिप्परने मोटार सायकलला मागून जबर धडक देत दोघांना चिरडल्याची घटना बुलढाण्यात घडली आहे. या अपघाता (Accident)त दोन जण ठार (Death) झाले असून एक जण गंभीर जखमी आहे. मयत दोघे काका-पुतण्या आहेत. जखमीला उपचारासाठी खामगावच्या रुग्णालयात दाखल करण्यात आले आहे. शाम भीमराव देशमुख आणि पार्थ गंभीरराव देशमुख अशी मयतांची नावे आहेत. तर कुणाल भैय्या देशमुख असे गंभीर जखमीचे नाव आहे. याप्रकरणी जलंब पोलिस ठाण्यात टिप्पर पोलिस ठाण्यात गुन्हा दाखल करण्यात आला आहे. (Two were killed and one was seriously injured when a tipper hit a motorcycle in Buldhana)

टिप्परने चिरडल्याने एकाचा जागीच मृत्यू, दोन गंभीर जखमी

देशमुख काका पुतणे मोटारसायकलवरुन ट्रिपल सीट बुलढाणा जिल्ह्यातील जलंबवरुन माटरगावकडे जात होते. याचदरम्यान जलंब ते माटरगाव या मार्गावर त्यांच्या बाईकला मागून भरधाव वेगात येणाऱ्या टिप्परने जबर धडक दिली. धडक दिल्यानंतर एकाच्या अंगावरुन टिप्पर गेल्याने त्याचा जागीच मृत्यू झाला. तर इतर दोन जण गंभीर जखमी झाले. जखमींना तात्काळ उपचारासाठी खामगावच्या रुग्णालयाच हलविण्यात आले. मात्र उपचारादरम्यान एकाचा मृत्यू झाला तर दुसऱ्यावर उपचार सुरु आहेत. काका शाम भीमराव देशमुख आणि पुतण्या पार्थ देशमुख यांचा मृत्यू झाला तर कुणाल देशमुखवर उपचार सुरु आहेत. याप्रकरणी टिप्पर चालकाविरोधात जलंब पोलिसात गुन्हा दाखल करत पोलिस पुढील कारवाई करत आहेत. (Two were killed and one was seriously injured when a tipper hit a motorcycle in Buldhana)