Maharashtra Political News LIVE : आजचा दिवस माझ्यासाठी जबाबदारीची जाणीव करुन देणारा : सुनेत्रा पवार

छत्रपती शिवाजी महाराज पार्क परिसरात मनसे अध्यक्ष राज ठाकरे दाखल झाले, आदित्य ठाकरेही उपस्थित होते.  राज ठाकरेंनी शिवरायांना केलं अभिवादन. छत्रपती शिवाजी महाराज पार्कात राज ठाकरे व आदित्या ठाकरे यांच्या हस्ते भूमीपूजन पार पडलं. काही दिवसात या पार्कच सुशोभीकरण होणार आहे.

छत्रपती शिवाजी महाराजांच्या जयंतीनिमित्त धुळ्यात विविध कार्यक्रमांचे आयोजन करण्यात आले. शिवाजी विद्या प्रसारक संस्थेच्या वतीने शहरातील प्रमुख मार्गावर मोठ्या शोभा यात्रा, त्यामध्ये ढोल ताशा पथका बरोबर पारंपारिक वाद्यंही होती.  तसेच सजीव देखावे वारकरी पथकही होतं. विद्यार्थ्यांमध्ये मोठा उत्साह असून हजारो विद्यार्थी शिक्षक सहभागी झाले होते.

मुंबई-पुणे एक्स्प्रेस हायवेवर पुन्हा वाहतूक कोंडी झाली आहे. वाहनांच्या लांबच लांब रांगा लागल्या आहेत. मुंबईहून पुण्याच्या दिशेने जाणाऱ्या वाहतुकीवर परिणाम झाला आहे.

धाराशिवमध्ये आमदार तानाजी सावंत यांना डावलून जिल्हा परिषदेत सत्ता स्थापनेचा भाजपचे चित्र दिसताच तानाजी सावंत सावध पवित्र्यात आहेत. आमदार तानाजी सावंत यांनी तातडीने एकनाथ शिंदे यांची भेट घेतली .

जिल्हा परिषद निकालानंतर पहिल्यांदाच तानाजी सावंत यांनी मुंबईत उपमुख्यमंत्री एकनाथ शिंदे यांची भेट घेतली .  भाजपकडून शिवसेनेच्या एका गटाला सोबत घेत तानाजी सावंतांना वगळून जिल्हा परिषदेत सत्ता स्थापनेची सुरू होती रणनीती.  भाजप आणि शिवसेनेतूनही तानाजी सावंत यांनी निवडणुकीत फिक्सिंग केल्याचा आरोप.

ठाणे महापालिकेची मालमत्ता कर वसुली जोमात सुरु आहे. पालिका निवडणुकीनंतर प्रशासनाने वसुलीवर भर दिला असून मालमत्ता करपोटी आतापर्यंत तब्बल 604 कोटी 77 लाख जमा झाले आहेत. मागील वर्षी याच काळात 518 कोटींची वसुली झाली होती.  80 टक्के इतकी वसुली झाली आहे. मागील वर्षाच्या तुलनेत यंदा 56.83 कोटींची अधिकची वसुली आतापर्यंत झाली आहे.

मी शिवरायांना मानाचा मुजरा करतो. शिवरायांनी छत्रपती शिवरायांच्या राज्यात समता होती, सन्मान होता. रयतेचे राज्य स्थापित करण्याचा कानमंत्र जिजाऊंनी दिला. शिवराय नसते तर भारताचा इतिहास, भूगोल राहिला नसता. छत्रपती शिवरायांनी १८ पगड जातीच्या मावळ्यांना एकत्र केलं, असे मुख्यमंत्री देवेंद्र फडणवीस यांनी शिवनेरी किल्ल्यावरील भाषणादरम्यान म्हटलं.

आज छत्रपती शिवाजी महाराजांच्या जयंतीनिमित्त मला येथे पुष्पहार अर्पण करण्याचा बहुमान मिळाला, याबद्दल मी स्मारक समितीचे मनापासून आभार मानते. मुंबईसाठी काम सुरु झालंय, गेट वे ऑफ इंडिया परिसरात रोहिंग्ये आणि बांगलादेशी यांची संख्या वाढतेय, तुम्ही तुमच्या देशात परत जा, मुंबईची सगळी प्रवेश द्वारे सुंदर करायची आहेत, दहिसर, मुलुंड चेक नाका, ऐरोली, इथे नवे प्रवेश द्वार तयार करणार आहोत. धूळीवर नियंत्रण करण्यासाठी ग्रीन झोन मेंटेन करणार आणि चेरी ब्लाॅसेमची झाडे लावणार आहोत. सुरंगीची झाडे लावणार आणि मुंबई सुगंधित करणार आहे, असे विधान मुंबईच्या महापौैर रितू तावडे यांनी केले.

शिवनेरी किल्ल्यावरुन उपमुख्यमंत्री एकनाथ शिंदे यांनी भाषण केले. यावेळी एकनाथ शिंदे म्हणाले, शिवरायांनी रयतेचे राज्य तयार केलं आहे. शिवरायांच्या जयघोषाने आम्हाला प्रेरणा मिळते. मातीच्या कणाकणात शिवराय आहेत. महाराजांची शेतकऱ्यांना सैनिक केले. किल्ले शिवनेरीवर नवी ऊर्जा, प्रेरणा मिळते.

उपमुख्यमंत्री सुनेत्रा पवार शिवनेरीवर भाषणावेळी भावूक झाल्याचे पाहायला मिळत आहे. शिव-शाहू-फुले आंबेडकरांचा वारसा मी कधीही विसरणार नाही. आजचा दिवस माझ्यासाठी जबाबदारीची जाणीव करुन देणारा आहे. या ठिकाणाहून अजित दादांनी अनेकवेळा शिवरायांना वंदन केलंय, असे सुनेत्रा पवार यांनी भाषणावेळी म्हटले.

सोलापूर : छत्रपती शिवाजी महाराजांच्या जयंतीनिमित्त सोलापुरातील मराठा वस्ती परिसरातील मंडळाने नवा आदर्श दिला आहे. मागील 7 वर्षापासून डीजेमुक्त शिवजयंती साजरी करत शिवजागर केला जात आहे. डीजेचा खर्च टाळत परिसरातील महिलांना मराठमोळी साडी-चोळीचा पोशाख भेट म्हणून दिला जात आहे. मराठी संस्कृती, परंपरा टीकावी आणि डिजेमुक्त उत्सव साजरा करण्यासाठी हा प्रयत्न असल्याचे सांगितले जाते. आता मंडळाच्या या संकल्पनेचे कौतुक संपूर्ण शहरात होत आहे.

पुण्यात सराईत गुन्हेगाराकडून बंदूक जप्त करून पोलिसांनी खुनाचा कट उधळल्याची घटना घडली आहे. दांडेकर पूल परिसरातून चेतन जाधव याला पोलिसांनी सापळा रचून अटक केली आहे. याप्रकरणी खंडणी विरोधी पथकाने कारवाई केली आहे. अटक केलेला आरोप हा सराईत गुन्हेगार आहे. खंडणी विरोधी पथकाने त्याच्याकडून एक गावठी पिस्तूल आणि दोन जिवंत काढतुसे असे एकूण 35 हजार रुपयांचा मुद्देमाल जप्त केला आहे.

पहलगाम येथील दहशतवादी हल्ल्यात जगदाळे कुटुंबातील संतोष जगदाळे यांचा मृत्यू झालेला होता, त्यांच्या पश्चात त्यांची मुलगी असावरी जगदाळे हिला शासकीय नोकरी देण्याचा आश्वासन काही महिन्यांपूर्वी राज्य सरकारने दिले होते मात्र अद्यापही तिला पुणे महानगरपालिकेत शासकीय नोकरीत सामावून घेतलेले नव्हते…त्यामुळे जगदाळे कुटुंबाने नाराजी व्यक्त केली होती याच संदर्भात काही दिवसांपूर्वी खासदार मेधा कुलकर्णी यांनी पंतप्रधान नरेंद्र मोदी आणि केंद्रीय मंत्री अमित शहा यांच्याकडे पत्र देऊन मागणी केली होती..

नाशिकच्या धर्तीवर त्रंबकेश्वर मध्ये देखील गोदा आरती सुरू करण्याचा मानस. आगामी कुंभमेळ्याच्या अनुषंगाने आणि धार्मिक पर्यटन वाढीसाठी त्र्यंबकेश्वर येथील कुशावर्त येथे रोज गोदा आरती सुरू करण्याचा विचार. स्थानिक पुरोहित संघ आणि नागरिकांची चर्चा करून निर्णय घेणार. गेल्या काही महिन्यांपूर्वी नाशिकच्या रामकुंड भागात गोदा आरती सुरू करण्याचा झाला होता निर्णय. याच पार्श्वभूमीवर त्रंबकेश्वर मध्ये देखील रोज कुशावर्त या ठिकाणी गोदा आरती सुरू करण्याचा विचार

धाराशिव-तुळजाभवानी मंदिरात मराठा क्रांती ठोक मोर्चाकडून शिवजयंती उत्सव सोहळा साजरा करण्यात आला. तुळजाभवानी छत्रपती शिवाजी महाराजांचे दैवत असल्याने या पूजेला महत्त्व आहे. त्यामुळे देवीच्या गाभाऱ्यात सिंहासन पूजा करून शिवअभिषेक करण्यात आला. यानिमित्त श्री तुळजाभवानी मंदिरात शिवभक्तांनी प्रदक्षिणा घालत छत्रपती शिवाजी महाराजांचा जयघोष केला यावेळी महिलांचाही उत्स्फूर्त सहभाग होता.

वीजपुरवठा खंडित झाल्याने नागरिकांची पाण्यासाठी पायपीट. जि.प.च्या उदासीनतेवर प्रश्नचिन्ह. देखभाल-अभावामुळे बनगाव योजना वारंवार बंद. उन्हाळ्यात गावकऱ्यांचे हाल….

शिवनेरी गडावर आज आकर्षक सजावट करण्यात आली आहे. मुख्यमंत्री देवेंद्र फडणवीस आणि एकनाथ शिंदे गडावर दाखल झाले आहेत.

आज राज्यभरात शिवजयंतीचा उत्साह बघायला मिळतोय. राज्यपालांकडून शिवाजी महाराजांच्या पुतळ्याल पुष्पहार अर्पण करण्यात आला.

छत्रपती शिवाजी महाराजांच्या जयंतीनिमित्त सोलापुरातील मराठा वस्ती परिसरातील मंडळाने घालून दिला नवा आदर्श. मागील 7 वर्षापासून डीजेमुक्त शिवजयंती साजरी करत केला जातोय शिवजागर. डीजेचा खर्च टाळत परिसरातील महिलांना मराठमोळी साडी-चोळीचा पोशाख दिला जातोय भेट.मराठी संस्कृती, परंपरा टीकावी आणि डिजेमुक्त उत्सव साजरा करण्यासाठी हा प्रयत्न असल्याचे सांगितले जाते. मंडळाच्या या संकल्पनेचे कौतुक संपूर्ण शहरात होत आहे.

धाराशिव जिल्हा परिषदेत सत्ता स्थापनेचं अंकगणित अजूनही अंतिम टप्प्यात पोहोचलेलं नसताना भाजपचे काही जिल्हा परिषद सदस्य कर्नाटकात सहलीवर आहेत .उत्तर कन्नड जिल्ह्यातील बीच वर त्यांनी फेरफटका मारला तसेच जंगल सफारीसाठी त्यांनी दांडेली परिसर गाठत दांडेली वाईल्डलाइफ अभयारण्यात सफारीचा अनुभव घेतल्याचा व्हिडिओ समोर आला आहे.

नाशिक मध्ये एम.डी. अंमली पदार्थ विक्री करणारा तरुण अंमली पदार्थ विरोधी पथकाच्या ताब्यात. चेतना नगर परिसरात सापळा रचून वैभव पांडुरंग आव्हाड (वय २५) याला अटक. राहत्या घरात मेफेड्रॉन (एम.डी.) अंमली पदार्थ विक्रीसाठी साठा केल्याची गोपनीय माहिती. प्रभारी वपोनि सुशिला कोल्हे यांच्या नेतृत्वाखाली अचूक कारवाई.

कल्याण मध्ये छत्रपती शिवाजी महाराज जयंतीनिमित्त अनोखी कलाकृती साकार. 422 किल्ल्यांच्या नावातून उभा राहिला शिवछत्रपतींचा तेजोमय पोर्ट्रेट चित्राचा अविष्कार. संशोधक कलावंत डॉ. दिनेश गुप्ता आनंदश्री यांची दोन दिवसांची परिश्रमपूर्वक कलासाधना. युनेस्कोच्या जागतिक वारसा दर्जातून मिळाली प्रेरणा. इतिहास, कला आणि राष्ट्रप्रेरणेचा अनोखा संगम.

शिवजयंतीच्या पूर्वसंध्येला छत्रपती शिवरायांना अभिवादन करण्यासाठी शिवप्रेमींची मोठी गर्दी झाली होती. छत्रपती संभाजीनगर शहरातील क्रांती चौकातील छत्रपती शिवाजी महाराजांच्या पुतळ्यासमोर उत्साहाचं वातावरण. जय जिजाऊ, जय शिवराय घोषणांनी परिसर दणाणला

जळगावात छत्रपती शिवाजी महाराज यांच्या जयंती निमित्ताने मध्यरात्री 12 वाजता छत्रपती शिवाजी महाराजांची महाआरती करण्यात आली. भाजप आमदार सुरेश भोळे, महापौर दीपमाला काळे, नगरसेवक सुनील खडके यांच्या हस्ते करण्यात आली महाआरती. छत्रपती शिवाजी महाराज यांच्या पुतळ्याजवळ हजारोंच्या संख्येने शिवप्रेमी नागरिक महाआरती करण्यासाठी उपस्थित होते.

आज छत्रपती शिवाजी महाराज यांची जयंती आहे. आग्र्या मध्ये ही मोठ्या उत्साहात शिवजयंती साजरी केली जाणार आहे.
अजिंक्य देवगिरी प्रतिष्ठानच्या वतीने आग्रा येथे लाल किल्ल्यावर मोठ्या उत्साहात शिवजयंती साजरी केली जाणार आहे. छत्रपती शिवाजी महाराज यांच्या जयंती उत्सवाला राज्याचे मुख्यमंत्री देवेंद्र फडणवीस तसेच उपमुख्यमंत्री एकनाथ शिंदे सायंकाळी सात वाजता आग्रा येथील लाल किल्ल्यावर होणाऱ्या शिवजयंती उत्साहात सहभागी होणार आहेत.