कोरोनाची दहशत! आर्थर रोड कारागृहातून 400 कैदी हलवले

कोरोनाचा वाढता धोका पाहता आर्थर रोड कारागृहातून 400 कैद्यांना (Prisoners Shift to Taloja Jail ) तळोजा कारागृहात हलवण्यात आले आहे.

Nupur Chilkulwar | Updated on: Mar 17, 2020 | 12:49 PM

मुंबई : कोरोनाचा वाढता धोका पाहता (Novel Corona Virus) आर्थर रोड कारागृहातून 400 कैद्यांना (Arther Road Jail Prisoners Shifting) तळोजा कारागृहात हलवण्यात आले आहेत. कोरोना विषाणूचा प्रादुर्भाव रोखण्यासाठी तुरुंग प्रशासनाने (Arther Road Jail Prisoners Shifting) हा निर्णय घेतला आहे.

आर्थर रोड कारागृहाची क्षमता 805 कैदी सामावण्याची आहे. मात्र, सध्या तिथे 3,400 कैदी होते. यापैकी 400 कैद्यांना तळोजा कारागृहात हलवण्यात आले आहे. तसेच, विविध गुन्हे प्रकरणातील सुनावणीसाठी कैद्यांना पुढचे काही दिवस न्यायालयात नेलं जाणार नाही, असाही निर्णय घेण्यात आला नाही. तर, अत्यावश्यक सुनवाणी प्रकरणं ही व्हिडीओ कॉन्फरन्सिंगच्या माध्यमातून होतील.

हेही वाचा : Maharashtra corona death | महाराष्ट्रात कोरोनाचा पहिला बळी, बाधिताच्या संपर्कात 9 जण

आर्थर रोड कारागृहात दोन बराक आयसोलेशन वॉर्डसाठी राखीव ठेवण्यात आले आहेत. कोरोना विषाणूचा प्रादुर्भाव टाळण्यासाठी कैद्यांना निसर्गोपचारही देण्यात येणार आहे.

आर्थर रोडप्रमाणे ठाणे, कल्याण मधील (Arther Road Jail Prisoners Shifting) जादा कैदी तळोजा कारागृहात हलवणार असल्याची माहिती आहे. तळोजा कारागृहाची क्षमता जास्त आणि कैद्यांची संख्या इतर कारागृहांच्या तुलनेने कमी असल्याने त्या कारागृहात कैद्यांना हलवण्यात येत आहेत.

महाराष्ट्रात कोरोनाचा महिला बळी

दरम्यान, महाराष्ट्रात कोरोनाचा पहिला बळी गेला आहे. दुबईहून मुंबईत आलेल्या 64 वर्षीय वृद्धाचा मृत्यू (Maharashtra corona first death) झाला आहे. तर राज्यात कोरोना बाधितांची संख्या 39 वर गेली आहे.