धो धो पाऊस, या जिल्ह्यांमध्ये विजांच्या कडकडाटासह पाऊस, 10 जिल्ह्यात मोठा अलर्ट, वारं फिरलं..

राज्यात यंदा समाधानकारक पाऊस झाला नाही. पावसाने पाठ फिरवली. परतीचाही पाऊस चांगला झाला नाही. शेतीचे मोठे नुकसान झाले. पिण्याच्या पाण्याचा प्रश्न गंभीर आहे. त्यातच आता पुन्हा राज्यात वारे फिरल्याचे बघायला मिळत आहे. राज्यात जोरदार पावसाने हजेरी लावली. राज्यात पुढील दोन दिवस पाऊस कायम राहण्याचा अंदाज हवामान विभागाचा आहे. कोल्हापूर, चिपळूण, धुळे, मालेगाव, सांगलीतील अनेक भागात पावसाच्या सरी बरसल्या. महाराष्ट्रातील काही भागांत विशेषतः कोल्हापूर, सांगली, धुळे, नाशिक मालेगावसह काही परिसर आणि दक्षिण महाराष्ट्र, कोकण, मराठवाडा आणि दोन-अडीच महिन्यांच्यानंतर पुन्हा तुरळक व वादळी पावसाने हजेरी लावली आहे.

भारतीय हवामान विभागाने दिलेल्या अंदाजानुसार 22 ते 29 ऑक्टोबर दरम्यान मध्य महाराष्ट्र आणि कोकण विभागात तुरळक ठिकाणी पावसाची शक्यता वर्तवण्यात आली आहे. बंगालच्या उपसागरातून येणाऱ्या वाऱ्यांमुळे आणि हवेच्या कमी दाबाच्या पट्ट्यामुळे पुढील काही दिवस कोकण, मध्य महाराष्ट्र आणि मराठवाड्यात विजेंच्या कडकडाटासह हलक्या ते मध्यम पावसाचा अंदाज आहे.

मुंबई आणि परिसरातही तुरळक ढगाळ वातावरण आणि हलक्या पावसाची शक्यता वर्तवली आहे. मालेगाव बागलाण तालुक्यातील मुल्हेर परिसरात ऐन दुष्काळात वादळी वाऱ्यासह पाऊस झाला. मेघगर्जनेसह जोरदार वादळासह पाऊस झाला. काही ठिकाणी थोड्याफार प्रमाणात असलेल्या काढणी योग्य पिकांचे नुकसान होण्याची भीती आहे. कांदा रोपांचे नुकसान होण्याची भीती  दुपारनंतर आलेल्या अचानक पावसामुळे शेतकऱ्यांची तारांबळ. प्रचंड उकड्यापासून नागरिकांचे काही प्रमाणात सुटका होईल.

अडीच महिन्यानंतर पावसाच्या सरी बरसताना दिसल्या.  वेळ निघून गेल्यावर आलेल्या पावसामुळे शेतकरी वर्गात नाराजी बघायला मिळतंय. दुष्काळी परिस्थितीमुळे पिण्याच्या पाण्याला प्राधान्य देण्यात आले. धरणांतील उपलब्ध साठा राखून ठेवण्याचा निर्णय, पुण्यासह पाच तालुक्यांतील सिंचनावर परिणाम होण्याची शक्यता.दुष्काळी परिस्थितीत खडकवासला प्रकल्पातील पाणी पिण्यासाठी राखीव ठेवण्यात येणार आहे. त्यामुळे यंदा कालव्यातून उन्हाळी आवर्तन देण्यात येणार नसल्याचे जिल्हाधिकारी जितेंद्र डुडी यांनी स्पष्ट केले आहे.