Maharashtra News LIVE : ऑपरेशन टायगर असते तर फोन नॉट रिचेबल ठेवून पळत गेले नसते – केदार दिघे

ऑपरेशन टायगर असते तर आपला फोन नॉट रिचेबल ठेवून पळत गेले नसते. लपून-छपून फोन बंद ठेवून पळून जाणार याला ऑपरेशन टायगर म्हणत नाही अशी टीका उबाठाचे ठाणे जिल्हा प्रमुख केदार दिघे यांनी केली आहे.

उद्धव ठाकरे शिवसेनेचे जिल्हाप्रमुख रणजीत पाटील यांनी खासदार ओमराजे निंबाळकर यांना आव्हान दिले आहे. Y+ सुरक्षा हटवुन मतदार संघात यावे जनता तुम्हाला धडा शिकवेल असा इशारा पाटील यांनी दिला आहे. तसेच 2029 ला धाराशिव लोकसभा मतदारसंघात उद्धव बाळासाहेब ठाकरे शिवसेनेचाच खासदार होईल असेही त्यांनी म्हटले आहे.

लोटे एमआयडीसीमध्ये तीव्र पाणीटंचाई निर्माण झाल्याने घरडा केमिकल्सने सर्व उत्पादन युनिट बंद ठेवण्याचा निर्णय घेतला आहे. पाण्याअभावी कंपनीचे उत्पादन पूर्णपणे ठप्प झाले असून प्रोडक्शन बंद ठेवण्याची वेळ आली आहे.

खासदार संजय दिना पाटील यांनी शिवसेना वर्धापन दिनाच्या शुभेच्छा दिल्या आहेत. सोशल मीडियावर पोस्ट केलेल्या पोस्टमध्ये फक्त बाळासाहेबांचा फोटो आहे. उद्धव ठाकरे आणि आदित्य ठाकरे यांना डावललं. आता एकनाथ शिंदेच्या व्यासपीठावर येणार का? याकडे लक्ष लागून आहे.

अमेरिकेत फिफा वर्ल्डकप स्पर्धा सुरू असताना न्यूयॉर्क टाइम्स स्क्वेअरमध्ये गोळीबार झाल्याने खळबळ उडाली आहे. संशयित आरोपीला पोलिसांनी ताब्यात घेतलं आहे. तर गोळीबाराचं कारण अद्याप अस्पष्ट आहे.

आजपासून बेस्ट कर्मचाऱ्यांचा बेमुदत संप सुरू झाला आहे. या पार्श्वभूमीवर परिवहन मंत्री प्रताप सरनाईक यांनी बेस्ट कर्मचारी पदाधिकाऱ्यांसोबत बैठक घेतली. महाराष्ट्र राज्य परिवहन महामंडळाच्या मुख्यालयात ही बैठक होत आहे.

शिवसेना उद्धव ठाकरे गटाते सहा नाही तर सात खासदार पक्षांतराच्या तयारीत होते, असा गौप्यस्फोट शिंदे शिवसेनेच्या रामदास कदम यांनी केला आहे. सातव्या खासदारानेही पत्रावर सही केली होती, असा दावा त्यांनी केला आहे. काही गोष्टींवर अडल्याने त्याने माघार घेतल्याचं रामदास कदम म्हणाले.

आज शिवसेना शिंदे आणि शिवसेना उबाठा यांचा 60वा वर्धापन दिन सोहळा होत आहे. ऑपरेशन टायगरमुळे यंदाचा वर्धापन दिन सोहळा चर्चेत आला आहे. ठाकरे- शिंदेंच्या मेळाव्याकडे राज्याच्या नजरा लागून आहेत. फुटलेले खासदार शिंदेंच्या मंचावर येणार का? असा प्रश्न आहे. त्यामुळे काय होतं? याकडे लक्ष लागून आहे.

“रिलायन्स बोर्डाने जिओ आयपीओला मंजुरी दिली आहे. रेड हेरिंग प्रॉस्पेक्टसचा मसुदा आज दाखल केला जाईल. ईशा अंबानी, अनंत अंबानी आणि आकाश अंबानी या प्रकल्पाचे नेतृत्व करतील,” असे रिलायन्स इंडस्ट्रीज लिमिटेडचे ​​अध्यक्ष आणि व्यवस्थापकीय संचालक मुकेश अंबानी यांनी आज कंपनीच्या 49व्या वार्षिक सर्वसाधारण सभेत (एजीएम) सांगितले.

अकरा वर्षांपासून फरार असलेल्या नक्षल समर्थकाला अखेर गडचिरोली पोलिसांनी जेरबंद केलं आहे. 2007 पासून 2015 पर्यंत या कालावधीत एकूण 21 गुन्हे या नक्षल समर्थकावर दाखल होते. हत्या, जाळपोळ, धमकी देणे, माओवाद्यांचा प्रचार व प्रसार, असे अनेक गुन्हे आरोपीवर दाखल आहेत. हा आरोपी पोलिसांना गेल्या 11 वर्षांपासून चकमा देत होता, अखेर त्याला आता पोलिसांनी अटक केली आहे.

मुंबईतील नेस्को सेंटरमध्ये शिवसेनेच्या वर्धापन दिनाच्या कार्यक्रमाचं आयोजन करण्यात आलं आहे. या कार्यक्रमात येणाऱ्या नागरिकांना काळ्या रंगाचे कपडे, तसेच काळ्या रंगाचा पावर बॉक्स घेऊन सभागृहात जाण्यास पोलिसांनी मज्जाव केला आहे. सहा खासदार फुटीच्या पार्श्वभूमीवर कोणी विरोध करू नये, यासाठी पोलिसांकडून विशेष खबरदारी घेतली जात आहे.

मुक्ताईनगर तालुक्यातील पाच गावातून 56 आरोपींना अटक

पहाटेच्या चार वाजेच्या सुमारास कोंबिंग ऑपरेशन

हलखेडा,मधापुरी, जोंधणखेडा चारठाणा या गावात कारवाई

या कारवाईमध्ये 20 लाख रोख रक्कम कॅश 300 ग्राम सोने 4 किलो चांदी दोन गावठी कट्टे व 3 जिवंत काडतुस

1 नग हरणाचे कातडे 1 कोल्ह्याचे कातडे 1 सशाचे कातडे 4 चार चाकी वाहने व 6 दूचाकी 30 मोबाईल फोन जप्त

परभणीच्या गंगाखेड शहरातील रेल्वे स्थानक परिसरात असलेल्या भंगारच्या गोडाऊन सह तीन घराला भीषण आग

आगीत गोडाऊन आणि घरातील साहित्य जळळून खाक

आगीवर नियंत्रण मिळवण्यासाठी नागरिकांची मोठी धावपळ

घटनास्थळी अग्निशमन दलाचे पथक दाखल

आगीव नियंंत्रण मिळवण्यासाठी अग्निशमन दलाच्या पथकाकडून प्रयत्न सुरू

आगीचं कारण अद्याप अस्पष्ट..

घटनेत कुठलीही जीवित हानी नाही, मात्र मोठी वित्तहानी

घाटकोपरमध्ये बेस्ट बसमधून प्रवाशांना खाली उतरवल्याचा प्रकार समोर… देवनार इथे जाणारी 382 नंबरची बस रस्त्यावरून जात असताना घडला प्रकार.. मुंबईत बेस्ट कर्मचाऱ्यांनी संपाची हाक दिली असून सर्व बस बंद ठेवण्यात येत आहेत..

आंतरराष्ट्रीय बाजारात कच्च्या तेलाचे दर घसरले… अमेरिका आणि इराणमधील सामंजस्य करारानंतर आंतरराष्ट्रीय बाजारावर सकारात्मक परिणाम… ‘हार्मुझच्या सामुद्रधुनी’तून पुरवठा वाढण्याची शक्यता… बेंट क्रूडच्या ऑईलच्या दरात 0.68 टक्क्यांची घसरण..

उरुळी कांचन पोलिसांकडून बेकायदेशीर गर्भलिंग चाचणी आणि गर्भपात प्रकरणी डॉ. तुकाराम मोटेला अटक… न्यायालयाने आरोपीला 21 जूनपर्यंत पोलीस कोठडी सुनावली असून पत्नीवरही गुन्हा दाखल…

कोल्हापुरातील अंबाबाई मंदिरातील दर्शन उद्या चार तास बंद राहणार… केंद्रीय गृहमंत्री अमित शहा यांच्या दौऱ्याच्या पार्श्वभूमीवर मंदिर बंद राहणार… सकाळी आठ ते दुपारी बारापर्यंत मंदिर बंद राहणार…

“दादा केव्हा काहीतरी काम होईल तेव्हा मी भोजनसाठी तुमच्याकडे येईन. दादांनी आज मला इथे बोलावलं आहे. इच्छाशक्ती असेल तर जगातली कुठलीही ताकद थांबवू शकत नाही. मुख्यमंत्री सकारात्मक आहेत” असं प्रसाद लाड म्हणाले.

“शिंदे समितीला एक वर्ष मुदतवाढ द्यावी ती आम्ही दिलेली नाही. शिंदे समितीला 58 लाख नोंदी मिळाल्या. समाजाची लोक घराघरात गावात जाऊन नोंदणी प्रमाणपत्र घेऊन जाईल. मृत्यू झालेल्या आंदोलकांच्या नातेवाईकांना मदत मिळण्यास सुरुवात. मृत आंदोलकांच्या नातेवाईकांच्या नोकरीबाबद GR निघालाय” अशी माहिती प्रसाद लाड यांनी दिली.

वाटाघाटीचा सेतू पूर्ण झाला असं मी म्हणणार नाही. पण काही गोष्टी पूर्णत्वाकडे जात आहेत, याचा आनंद आहे. मनोज जरांगे यांनी उपोषण मागे घेतलं, या बद्दल त्यांचे आभार. प्रसाद लाड अंतरवाली सराटीत मनोज जरांगे यांच्या भेटीसाठी गेले आहेत.

शिंदे गटात गेलेल्या खासदार भाऊसाहेब वाकचौरे यांच्या विरोधात उबाठा सेना रस्त्यावर उतरली आहे. उबाठा सेनेतून शिंदे गटात गेलेल्या वाकचौरे विरोधात उबाठा सेना आक्रमक झाली आहे. श्रीरामपूर राहुरी मार्गावरील बेलापुर येथे उबाठा सेनेकडून रास्ता रोको करण्यात आला. भाऊसाहेब वाकचौरे विरोधात संतप्त शिवसैनिकांची जोरदार घोषणाबाजी केली. खासदार भाऊसाहेब वाकचौरे यांच्या फोटोला चपलांचा हार घालत मारले जोडे.

ठाकरेंचे 10-12 आमदार फुटले तर आश्चर्य वाटायला नको. निलेश राणे यांचा वर्धापन दिनी मोठा गौप्यस्फोट. संजय राऊत ही उबाठाला लागलेली कीड आहे. उद्धव ठाकरेंची घमेंड अजून कमी झालेली नाही अशी टीका निलेश राणे यांनी केली.

“शिवसेनेचा वर्धापन दिन नेहमीप्रमाणे उत्साहाच्या वातावरणात साजरा करतोय. शिवसेनेचे राजकीय जडणघडणीत अनेक स्थित्यंतरं आली आहेत. शिवसेनेची स्थापना हिंदू हृदय सम्राट स्वर्गीय बाळासाहेब ठाकरे यांनी केली आणि त्यांना भक्कम साथ धर्मवीर स्वर्गीय आनंद दिघे साहेबांनी दिली. ज्वलंत हिंदुत्वाचा विचार मनामध्ये रुजवण्याचे काम स्वर्गीय बाळासाहेब ठाकरे यांनी केलं. प्रत्येक उंबऱ्याच्या आत शिवसैनिक असला पाहिजे हे बाळासाहेबांचे विचार जपण्याचे काम पक्षप्रमुख एकनाथ शिंदे साहेब यांनी केलं असून हे काम अत्यंत जोमाने पुढे नेलं आहे. गेल्या चार वर्षात शिवसेनेचा झंजावात महाराष्ट्रात खूप मोठ्या प्रमाणात झाला आहे” असं मंत्री शंभूराज देसाई म्हणाले.

गडचिरोली सिरोंचा वनविभागातील आसरअली वनपरिक्षेत्र अंतर्गत सागवान तस्करीच्या विरोधात वन विभागाने मोठी कारवाई करत मोठ्या प्रमाणात सागवान लठ्ठे जप्त केले.

चिंतारेवला जंगल परिसरात बैलगाड्याने मोठ्या प्रमाणात वन तस्करी सुरू असल्याची गोपनीय माहिती वन विभागाला पहाटे मिळाली.  फिल्मी स्टाईलने वन विभागाने नदीपात्राच्या परिसरात दीड ते दोन किलोमीटर पर्यंत वन तस्करांचा पाठलाग केला. याप्रकरणी 2 आरोपींना अटकही करण्यात आली आहे.

शिवसेनेचा आज 60 वा वर्धापन दिन असून उद्धव ठाकरे यांच्याकडून सोशल मीडियावर पोस्ट करण्यात आली आहे.  बाळासाहेबांचा भाषण करतानाचा फोटो उद्धव ठाकरेंनी पोस्ट केला आहे.  किरणांचा उघडून पिसारा देवदूत कोणी, काळोखावर खोदीत बसला तेजाची लोणी – कुसुमाग्रजांच्या या ओळीही उद्धव ठाकरे यांनी या पोस्टसोबत लिहील्या आहेत.

गोंदिया :-  -भाजपसोबत सहलीला गेलेल्या काँग्रेस पदाधिकाऱ्यांवर कारवाईची तयारी. गटनेत्याने पक्षाशी दगाबाजी केल्याचा आरोप  करण्यात आला. अपात्रतेसाठी जिल्हाधिकाऱ्यांकडे तक्रार दाखल करणार आहेत. पक्षविरोधी मतदान केल्यास कठोर कारवाईचा इशारा देण्यात आला.

बंडखोर खासदारांच्या मतदारसंघातील जिल्हाप्रमुखांची उद्या मातोश्रीवर बैठक बोलावण्यात आली.  ठाकरे सेनेच्या 6 जिल्हाप्रमुखांची उद्या बैठक होईल. आज वर्धापन दिन असल्यामुळे उद्या ही बैठक बोलावण्यात येणार आहे.

जळगावच्या सराफ बाजारामध्ये सोन्या आणि चांदीच्या दरात विक्रमी घसरण झाली आहे. सोन्याचे दर 4 हजार 600 रुपयांनी तर चांदीचे दर तब्बल 15 हजार रूपयांनी घसरले.  सोन्याचे दर जीएसटीसह 1 लाख 48 हजार 948 रुपयांवर पोहोचले असून चांदीचे दर जीएसटीसह 2 लाख 38 हजार 960 रुपये झाले आहेत.

सोलापुरात शिवसेना ठाकरे गटाच्या वतीने फुटीर खासदारांविरोधात आंदोलन करण्यात आलं.  शहरातील गणपती घाटावर फुटीर खासदारांचे प्रतिकात्मक दशक्रिया विधी करण्यात येत आहेत.  शिवसेनेच्या सहा खासदारांनी वेगळा गट करण्याचा निर्णय घेतल्यानंतर शिवसैनिक आक्रमक झाले आहेत.

शिवसेना ठाकरे गटाच्या वतीने वर्धापन दिनानिमित्त ग्रामदैवत सिद्धरामेश्वर मंदिरात महाआरती करण्यात आली. पक्षाचा वर्धापन दिन तसेच पक्षप्रमुख उद्धव ठाकरे यांना बळ देण्यासाठी महाआरतीचा आयोजन करण्यात आलं. सोलापूर शहर शिवसेनेच्या वतीने ही महाआरती करण्यात येत आहे.

दगडाने डोके ठेचून तरुणाचा निर्घृण खून करण्यात आला आहे.  अक्षय पाटील असे खून झालेल्या तरुणाचे नाव आहे. बसस्थानक परिसरात गाडी लावण्याच्या वादातून खून झाल्याची प्राथमिक माहिती समोर येत आहे. संशयित आरोपींचा पोलिसांकडून शोध सुरू आहे, आरोपींच्या शोधासाठी पोलिसांची पथक रवाना झाली आहे.

मंदिर परिसरात सुरू असलेल्या कामांमुळे सध्या सकाळी 7 ते 11 या चार तासांदरम्यानच दर्शनाची व्यवस्था करण्यात आली आहे. त्यामुळे भाविकांना पहाटेच येथे पोहोचावे लागत आहे. सर्वसामान्यांना दर्शनाची संधी उपलब्ध झाल्याने भाविकांमध्ये समाधानाचे वातावरण असले, तरी मर्यादित वेळेमुळे मोठ्या प्रमाणात गर्दी होत असल्याचे चित्र पाहायला मिळत आहे.

यवतमाळ -वाशिमचे खासदार संजय देशमुख हे शिंदेच्या शिवसेनेत प्रवेश करणारं असल्याची शक्यता असतांना त्याचं गाव असलेल्या दिग्रस मधील शिवसैनिक मात्र चांगलेच आक्रमक झालेत. १० पक्ष बदलेल्या संजय देशमुख यांना आम्ही खासदार घडवलं मात्र मात्र आता आम्हीच त्यांना पाडू असा इशारा हे शिवसैनिक देताहेत.

संजय राऊत पागल आहेत त्यांच्या नादी लागू नये, तुझ्यात लय गुर्मी आहे तू लय बोलतोस इथून पुढे खासदार होऊन दाखव. आमदार संतोष बांगर यांनी राऊत यांच्या तुडवा ह्या वक्तव्यावर प्रतिक्रिया दिली आहे.

धुळे जिल्ह्यातील पाऊस लांबला जिल्ह्यातील लघु प्रकल्पांमध्ये अवघा 25% जलसाठा शिल्लक राहिला आहे. धुळे जिल्ह्यात पाणी पुरवठा करणारे 45 लघु प्रकल्प आहेत. वाढलेल्या तापमानामुळे आणि बाष्पीभवनामुळे लघु प्रकल्पामधील साठा जलद गतीने कमी झाला. लवकर पाऊस न पडल्यास ग्रामीण भागामध्ये टंचाई निर्माण होण्याची शक्यता वर्तवण्यात येत आहे.

डोंबिवलीच्या सोहन मांजरेकरची सीए अंतिम परीक्षेत देशात तिसरी रँक; 78.83 टक्के गुणांसह घवघवीत यश.यापूर्वी सीए इंटरमिजिएटमध्ये देशात सहावी रँक; शिस्तबद्ध अभ्यास, योग्य नियोजन आणि सातत्यामुळे यश संपादन. सोहनच्या यशाने डोंबिवलीत जल्लोषाचे वातावरण; कुटुंबीय, मित्रमंडळींकडून

शिवसेना आमदार संतोष बांगर आणि त्यांच्या भावजई नगराध्यक्षा रेखाताई बांगर यांनी शहरातल्या चौका चौकात लावले पोस्टर. नागेश पाटील आष्टीकर यांनी हिंगोली जिल्ह्याच्या विकासाच्या दृष्टीने योग्य निर्णय घेतल्याबद्दल हार्दिक अभिनंदन असे आशयाचे आमदार बांगर यांनी हिंगोली शहरात लावले पोस्टर

पाऊस नसल्याने आधीच शेतकरी चिंतेत असतांना तार चोरल्या गेल्याने शेतकऱ्यांच्या अडचणी वाढल्या..जवळपास दोन डीपीवरील पंधरा ते वीस पोलांवरून तार चोरून नेल्याने शेतकऱ्यांना पिकांना पाणी देण्यासाठी मोठी समस्या उभी झाली आहे. वारंवारच्या घटनेमुळे शेतकऱ्यांकडून नाराजी व्यक्त केली जात पोलिसांकडून चोरट्यांना अटक करण्याची मागणी केली जात आहे

दादर रेल्वे स्थानकाच्या बाहेर प्रवाशांची मोठी गर्दी.. आज बेस्ट बंदची हाक दिली आहे नंतर प्रवासांची टॅक्सीने जाण्यासाठी मोठी लाईन. दादर रेल्वे स्थानकाच्या बाहेर टॅक्सी साठी प्रवाशांची मोठी लाईन..

कल्याण पश्चिम रेल्वे स्थानकासमोरील परिसरात रात्रीच्या वेळी खुलेआम मद्यपान सुरू असल्याचा धक्कादायक प्रकार समोर आला. रात्री सुमारे आठ वाजण्याच्या सुमारास मद्यपींचा ‘दारू दरबार’ भरत असल्याचा व्हिडीओ सोशल मीडियावर व्हायरल झाला आहे. रेल्वे स्थानकासारख्या गर्दीच्या आणि संवेदनशील ठिकाणी नियमांचे उघड उल्लंघन होत असल्याने नागरिकांनी संताप व्यक्त केला आहे. घरी परतणाऱ्या महिला प्रवाशांना मद्यपींच्या गर्दीतून मार्ग काढावा लागत असून सुरक्षिततेबाबत गंभीर चिंता व्यक्त केली जात आहे.

ऑपरेशन टायगर अंतर्गत ठाकरेंच्या शिवसेनेचे 6 खासदार शिंदे गटात जाणार असल्याची चर्चा असतांना या सहा खासदारांना Y दर्जाची सुरक्षा देण्यात आलीये. मात्र यवतमाळ -वाशिमचे खासदार संजय देशमुख यांच्या विरोधात मतदारसंघात प्रचंड रोष बघायला मिळतोय त्यामुळं कोणताही अनुचित प्रकार घडू नये म्हनुन त्यांच्या दिग्रस येथील घरासमोर सलग तिसऱ्या दिवशीही पोलिसांचा बंदोबस्त कायम आहे.

राज्यात जून महिना सुरू होऊन अनेक दिवस उलटले तरी अद्याप पावसाला सुरवात झालेली नाही. वाढत्या उष्णतेमुळे शेतकऱ्यांसमोर आता चाऱ्याचे गंभीर संकट उभे राहिले आहे. हिरवा चारा उपलब्ध नसल्याने जनावरांच्या खाद्याचा मोठा प्रश्न निर्माण झाला आहे. शेतकऱ्यांना आपल्या जनावरांना हिरव्या चाऱ्याऐवजी वाळलेला सुका चारा टाकण्याची वेळ आली आहे. त्यामुळे जनावरांच्या आरोग्यावर परिणाम होण्याची भीती व्यक्त केली जात असून. एकीकडे चाऱ्याची कमतरता तर दुसरीकडे वाढलेला खर्च यामुळे दूध व्यवसाय करणारे शेतकरी आर्थिक अडचणीत सापडले आहेत. वेळेवर पाऊस न झाल्यास आगामी काळात चारा टंचाई आणखी तीव्र होण्याची शक्यता आहे. याचा थेट परिणाम पशुधन आणि दूध उत्पादनावर होणार असल्याचे शेतकरी सांगत आहेत. त्यामुळे शेतकरी वर्ग चिंतेत असल्याचे दिसत आहे.

गोंदियाच्या मोरगाव अर्जुनी तालुक्यातील पिंपळगाव-खांबी येथे पहाटे काही नागरिकांना गावातील शाळेच्या आवारात बिबट दिसून आला. बिबट दिसताच नागरिकांनी आरडाओरडा केल्याने तो तेथून लांजेवार यांच्या घरात शिरल्याचे निदर्शनास आले. घरातील सदस्यांनी प्रसंगावधान राखत सर्व दरवाजे बंद करून बाहेर निघाले. बिबट्याची माहिती गावात वाऱ्यासारखी पसरताच ग्रामस्थांनी लांजेवार यांच्या घराकडे मोठी गर्दी केली. मात्र गर्दीचा फायदा घेत बिबट पुन्हा तेथून बोरकर यांच्या घराजवळील शौचालय परिसरात दिसून आला. यावेळी वनविभागाचे पथक घटनास्थळी दाखल झाले आणि रेस्क्यू मोहीम सुरू करण्यात आली. यानंतर बिबट मेश्राम यांच्या घराजवळील एका पडक्या घराच्या परिसरात दिसून आला. वनविभागाने त्या ठिकाणी रेस्क्यूसाठी प्रयत्न केले, मात्र बिबट पुन्हा तेथून निसटण्यात यशस्वी झाला. त्यामुळे काही काळ गावात तणावाचे वातावरण निर्माण झाले होते. 3 तासांच्या प्रयत्नानंतर बिबट्याचे यशस्वी रेस्क्यू करण्यात आले.

इतिहासात पहिल्यांदाच तुळजाभवानी मंदिरात सर्वसामान्यांनी व्हीआयपी एकाच रांगेत आहेत. तुळजाभवानी मंदिरात व्हीआयपी कल्चरला आळा बसला. ५०० रुपये, २०० रुपये देणगी दर्शन व धर्मदर्शन रांगा भुयारी मार्गात एकत्र दिसले. सर्व भाविकांना आता एकाच ठिकाणाहून सिंहाच्या गाभाऱ्यातून देवीचे दर्शन होणार आहे. देणगीदार व सामान्य रांगेतील भाविकांमधील फरक संपुष्टात आला आहे. सिंहासन पूजा व अभिषेक पूजा सुरू असतानाही देणगी दर्शन अखंड सुरु राहणार आहे.

धाराशिव जिल्ह्यातील अनेक पदाधिकारी व कार्यकर्त्यांनी मुंबईतील वर्धापन दिन कार्यक्रमाकडे पाठ फिरवली. खासदार ओमराजे निंबाळकर यांच्या पक्षांतराच्या चर्चांमुळे कार्यकर्त्यांमध्ये संभ्रम निर्माण झाला आहे. दरवर्षी मोठ्या संख्येने मुंबईकडे रवाना होणारे शिवसैनिक यंदा तुलनेने कमी उत्साह आहे. जिल्ह्यातील राजकीय घडामोडींमुळे शिवसेना (उद्धव बाळासाहेब ठाकरे) गटातील कार्यकर्ते दिशाहीन झाल्याची चर्चा आहे.

आज दोन्ही शिवसेनेचा वर्धापन दिन आहे आणि दोन्ही शिवसेनेचे मेळावे मुंबईत होणार आहेत. एकनाथ शिंदे यांच्या नेतृत्वाखालील शिवसेनेचा वर्धापन मेळावा गोरेगाव येथील नेस्को सेंटरमध्ये पार पडणार आहे.शिंदे गटाचा आजचा मेळावा अत्यंत महत्त्वाचा मानला जात आहे. कारण उद्धव ठाकरे गटातून बाहेर पडलेले 6 खासदार आज या मेळाव्याला उपस्थित राहण्याची शक्यता आहे. दुसरीकडे नेस्को सेंटरवर मेळाव्याची जोरदार तयारी सुरू आहे. संपूर्ण गोरेगाव परिसरात, विशेषतः नेस्कोला जाणाऱ्या रस्त्यावर बॅनर आणि झेंडे लावण्यात आले आहेत..

ठाकरेंचे खासदार राजाभाऊ वाजे यांचे नाशिकरोड रेल्वे स्थानकावर जोरदार स्वागत होणार आहे. इतर खासदार पक्ष सोडून गेले तरी वाजे मात्र ठाकरेंसोबत कायम असल्याने कार्यकर्त्यांकडून स्वागत करण्यात येणार आहे. ढोल ताशांच्या गजरात घोषणाबाजी देत राजाभाऊ वाजे यांचे स्वागत होणार आहे.

ठाकरेंच्या शिवसेनेचा वर्धापनदिनी मुंबई ठिक ठिकाणी गद्दार बदलले पण विचार नाही या आशयाचा बॅनरबाजी करण्यात आली तर शिंदे शिवेसनेकडून जनता शिवसेना, मनात शिवसेना असे बॅनर झळकले आहेत. ऑपरेशन टायगरमुळे मुंबईत बॅनरवॉर रंगले आहे.