संभाजीराजे आणि उदयनराजेंच्या नेतृत्वात सोलापुरात तिसरा मराठा मोर्चा निघणार?; हालचालींना प्रचंड वेग

संभाजीराजे आणि उदयनराजेंच्या नेतृत्वात सोलापुरात तिसरा मराठा मोर्चा निघणार?; हालचालींना प्रचंड वेग
मराठा आंदोलन

संभाजीराजे आणि उदयनराजे एकत्र आल्यास या मोर्चाला मोठा प्रतिसाद मिळण्याची शक्यता आहे. | Maratha Morcha

रोहित पाटील

| Edited By: Rohit Dhamnaskar

Jun 07, 2021 | 3:50 PM

सोलापूर: राज्यात मराठा आरक्षणावरुन वातावरण तापल्यानंतर आता सोलापूरमध्ये भव्य मोर्चा काढण्याच्या हालचाली सुरु झाल्या आहेत. संभाजीराजे छत्रपती आणि उदयनराजे भोसले यांच्या उपस्थितीत हा मोर्चा (Maratha Morcha) काढण्यात येणार आहे. संभाजीराजे छत्रपती यांनी रायगडावरून 16 जूनला कोल्हापुरात मराठा मोर्चा काढण्याची घोषणा केली होती. (Maratha Kranti Morcha planning agitation in Solapur for Maratha Reservation demand)

त्यानंतर सोलापुरात मराठा क्रांती मोर्चाकडून आणखी एक भव्य मोर्चा काढण्याची तयारी सध्या सुरु आहे. यासाठी छत्रपती संभाजी राजे, उदयनराजे आणि नरेंद्र पाटील यांच्याशी चर्चा सुरु आहे. या तिघांच्या वेळा घेतल्यानंतर मोर्चाची तारीख निश्चित करण्यात येईल, अशी माहिती मराठा क्रांती मोर्चाच्या पदाधिकाऱ्यांकडून देण्यात आली. संभाजीराजे आणि उदयनराजे एकत्र आल्यास या मोर्चाला मोठा प्रतिसाद मिळण्याची शक्यता आहे.

कोल्हापुरात मराठा मोर्चा 16 जूनला

खासदार संभाजी छत्रपती यांनी अखेर रायगडावरून मराठा आरक्षणासाठीच्या आंदोलनाची घोषणा केली आहे. येत्या 16 जून रोजी मराठा आरक्षणासाठी मोर्चा काढण्यात येणार आहे. कोल्हापूरमध्ये छत्रपती शाहू महाराजांच्या समाधीस्थळावरून हा मोर्चा काढण्यात येणार असल्याची घोषणा संभाजी छत्रपती यांनी केली आहे.

मुख्यमंत्री सचिव आणि काँग्रेस-राष्ट्रवादीच्या नेत्यांसह मोदींना भेटणार

मुख्यमंत्री उद्धव ठाकरे यांनी मराठा आरक्षणावर चर्चा करण्यासाठी पंतप्रधानांची भेट मिळावी म्हणून पंतप्रधान कार्यालयाला विनंती केली होती. पंतप्रधान कार्यालयाने ही विनंती मान्य केली असून उद्धव ठाकरे यांना उद्या मंगळवारी भेटीची वेळी दिली आहे. त्यामुळे मुख्यमंत्री उद्धव ठाकरे उद्या पंतप्रधानांची भेट घेऊन त्यांच्याशी मराठा आरक्षणावर चर्चा करतील. यावेळी आघाडी सरकारमधील काही मंत्री त्यांच्यासोबत असतील अशी माहिती सूत्रांनी दिली.

संबंधित बातम्या:

Maratha Reservation: पंतप्रधान मोदींना भेटण्यापूर्वी मुख्यमंत्र्यांनी त्यांच्या हातात असणारे निर्णय घ्यायला पाहिजे होते: मेटे

मुख्यमंत्री उद्धव ठाकरे मंगळवारी पंतप्रधानांना भेटणार; मराठा आरक्षणावर होणार चर्चा

अजितदादा, ओबीसी नेते एकत्र येतात, मग आपण का नाही; नरेंद्र पाटलांचा पलटवार

(Maratha Kranti Morcha planning agitation in Solapur for Maratha Reservation demand)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें