Bengaluru : पोलिसांची मुन्नवर फारुकीच्या स्टँडअप शोला परवानगी नाही, परवानगी नाकारल्यानंतर फारुकी म्हणाला…

मुन्नवरच्या शोला बंगळुरू पोलिसांनी परवानगी नाकारली आहे. परवानगी नाकारल्यानंतर तिरस्कार जिंकला, कलाकार हरला म्हणत मुन्नवर फारुकीने पोलिसांविषयी नाराजी व्यक्त केली आहे.

Bengaluru  : पोलिसांची मुन्नवर फारुकीच्या स्टँडअप शोला परवानगी नाही, परवानगी नाकारल्यानंतर फारुकी म्हणाला...
munawar faruqui

स्टँडअप कॉमेडियन मुन्नवर फारुकी पुन्हा एकदा चर्चेत आला आहे, कारण मुन्नवरच्या शोला बंगळुरू पोलिसांनी परवानगी नाकारली आहे. परवानगी नाकारल्यानंतर मुन्नवर फारूकीने नाराजी व्यक्त केली आहे. फारुकीच्या शोमुळे कायदा व सुव्यवस्था बिघडू शकते अशा आशयाचं पत्र पोलिसांनी ऑडीटोरिअमला लिहीत मुन्नवरच्या शोला विरोध दर्शवला आहे.

तिरस्कार जिंकला, कलाकार हरला

परवानगी नाकारल्यानंतर तिरस्कार जिंकला, कलाकार हरला म्हणत मुन्नवर फारुकीने पोलिसांविषयी नाराजी व्यक्त केली आहे. त्यामुळे फारुकी पुन्हा एकदा जोरादार चर्चेत आला आहे. मुन्नवर फारुकी एक वादग्रस्त व्यक्ती आहे. कित्येक राज्यातील पोलिसांनी त्याच्या शोला बंदी घातली आहे. असं म्हणत पोलिसांनी त्याच्या शोला विरोध केलाय. मुन्नवरचा शो रविवारी 5 पाच वाजता बंगळुरूतील गुड शेफर्डमध्ये होणार होता. ‘डोंगरी टू नोव्हेयर’ अशा नावाच्या शोला पोलिसांनी परवानगी नाकारल्यानं पुन्हा उलटसुलट चर्चांना उधाण आलंय.

मुन्नवरच्या शोला हिंदू संघटनांचा विरोध

मुन्नवरच्या शोला अनेक हिंदू संघटनांनी विरोध दर्शवत पोलिसांना निवेदने दिली होती. त्यात श्रीराम सेना, हिंदू जनजागृती समिती अशा संघटनांसह इतरही काही संघटनांचा समावेश होता. मुन्नवर फारूकीवर मध्यप्रदेशातील एका पोलीस ठाण्यात गुन्हाही दाखल झाला होता. तेव्हापासूनच तो वादाच्या भोवऱ्यात सापडला होता, आणि त्यावर बोट ठेवत फारूकीमुळे कायदा आणि सुव्यवस्था बिघडू शकते अशा आशयचं पत्र पोलिसांनी ऑडिटोरिअमला आणि आयोजकांना लिहीलं आहे. त्यामुळे हा वाद आणखी चिघळण्याची शक्यता आहे. शो रद्द झाल्यानंतर फारुकीने ट्विट करत नाराजी व्यक्त केली आहे. त्यात त्यानं आयोजकांना तोडफोडीच्या धमक्या आल्याचाही उल्लेख केला आहे. याआधीही कुणाल कामरा विरुद्ध भाजप, कुणाल कामरा विरुद्ध अर्णब गोस्वामी असा वाद पाहयला मिळाला आहे. त्यामुळे कॉमडियन वादात सापडण्याची ही पहिलीच वेळ नाही.

महाविकास आघाडी सरकारला 2 वर्षे झाली, पण अनेकांना डायजेस्ट होत नाही; भुजबळांचा विरोधकांना टोला, मुख्यमंत्री बघेलांचा समता पुरस्काराने गौरव

आल्याचे पाणी आरोग्यासाठीच नाही तर त्वचेसाठीही खूप फायदेशीर, जाणून घ्या त्याचे फायदे!

ख्रिस गेल घरच्या मैदानावर अखेरचा सामना खेळणार? ‘युनिव्हर्स बॉस’कडून निवृत्तीचे संकेत

Published On - 4:19 pm, Sun, 28 November 21

Click on your DTH Provider to Add TV9 MARATHI