Bjp First List Mumbai: मुंबईतील 36 मतदार संघापैकी कुठे, कुठे भाजपचे उमेदवार, मग शिवसेना-राष्ट्रवादीला कुठे मिळणार संधी?

Mumbai Assembly Constituency: भाजपने १४ ठिकाणी उमेदवार दिले असले तरी अजून काही ठिकाणी भाजपचे उमेदवार जाहीर होऊ शकतात. तसेच आदित्य ठाकरे यांचा वरळीमध्ये महायुती मनसे उमेदवारास पाठिंबा देण्याची शक्यता आहे. मनसे नेते राज ठाकरे यांचे पुत्र अमित ठाकरे माहीम मतदार संघातून निवडणूक रिंगणात उतरण्याची शक्यता आहे.

ajitdada, devendra fadnavis and eknath shinde

Jitendra Zavar | Updated on: Oct 20, 2024 | 6:03 PM

Mumbai Assembly Constituency: विधानसभा निवडणुकीसाठी उमेदवारी यादी जाहीर करण्यात भारतीय जनता पक्षाने आघाडी घेतली आहे. भाजपने राज्यातील ९९ उमेदवारांची यादी जाहीर केली आहे. त्यात अनेक विद्यमान आमदार आहेत. मुंबईमधूनही अनेकांना पुन्हा संधी भाजपने दिली आहे. मुंबईमधील ३६ मतदार संघापैकी १४ मतदार संघात भाजपने उमेदवार जाहीर केले आहे. मागील पंचवार्षिकमध्ये म्हणजेच २०१९ च्या विधानसभा निवडणुकीत १९ जागा भाजपने लढवल्या होत्या.

भाजपने १४ ठिकाणी उमेदवार दिले असले तरी अजून काही ठिकाणी भाजपचे उमेदवार जाहीर होऊ शकतात. तसेच आदित्य ठाकरे यांचा वरळीमध्ये महायुती मनसे उमेदवारास पाठिंबा देण्याची शक्यता आहे. मनसे नेते राज ठाकरे यांचे पुत्र अमित ठाकरे माहीम मतदार संघातून निवडणूक रिंगणात उतरण्याची शक्यता आहे. त्या ठिकाणी मनसेला महायुतीकडून पाठिंबा मिळू शकतो. त्यानंतर ३४ जागांवर भाजप, शिवसेना आणि राष्ट्रवादी उमेदवार देणार असल्याची चर्चा आहे. त्यापैकी सर्वाधिक जागा भाजप आणि शिंदे यांच्या शिवसेनेच्या वाटेला येणार आहे. तसेच अजित पवार यांच्या पक्षाला पश्चिम महाराष्ट्रात अधिक जागा दिल्या जाणार आहेत.