AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘होय, मी त्याच रेस्टॉरंटमध्ये होतो, पण…’, बावनकुळेंचं राऊतांना प्रत्युत्तर

संजय राऊत यांनी शेअर केलेल्या फोटोवर अखेर भाजपचे प्रदेशाध्यक्ष चंद्रशेखर वाबनकुळे यांनी स्पष्टीकरण दिलंय. आपण चीनच्या मकाऊमध्ये एका हॉटेलमध्ये काल मुक्कामाला असून या हॉटेलच्या तळमजल्यावर रेस्टॉरंट आणि कॅसिनो असल्याचं बावनकुळे यांनी स्पष्ट केलंय. त्यांनी राऊतांनी केलेल्या दाव्यालादेखील उत्तर दिलंय.

'होय, मी त्याच रेस्टॉरंटमध्ये होतो, पण...', बावनकुळेंचं राऊतांना प्रत्युत्तर
Chetan Patil
Chetan Patil | Updated on: Nov 20, 2023 | 4:29 PM
Share

मुंबई | 20 नोव्हेंबर 2023 : शिवसेना ठाकरे गटाचे खासदार संजय राऊत यांनी केलेल्या एका ट्विटमुळे महाराष्ट्राच्या राजकारणात खळबळ उडाली आहे. संजय राऊत यांनी कॅसिनोचा फोटो ट्विट केलाय. संबंधित फोटो हा चीनच्या मकाऊचा असल्याचा दावा संजय राऊतांनी केलाय. तसेच हा फोटो 19 नोव्हेंबरच्या रात्रीचा असून फोटोत कॅसिनोमध्ये जुगार खेळणारी व्यक्ती ही हिदुत्ववादी नेता आहे, असा संजय राऊतांनी दावा केलाय. संबंधित फोटोतील व्यक्ती भाजपचे प्रदेशाध्यक्ष चंद्रशेखर बावनकुळे हे असल्याची चर्चा सध्या राजकीय वर्तुळात सुरुय. विशेष म्हणजे भाजपकडून आपल्या ‘महाराष्ट्र भाजप’ या अधिकृत ट्विटर अकाउंटवर स्पष्टीकरण देण्यात आलं आहे. या ट्विटमध्ये बावनकुळे आपल्या आयुष्यात कधी जुगार खेळले नाहीत, असं म्हटलं आहे.

संजय राऊत यांचं ट्विट नेमकं काय?

“19 नोव्हेंबर, मध्यरात्री, मुक्काम पोस्ट: मकाऊ, veneshine. साधारण 3.50 कोटी कॅसिनो जुगारात उडवले , असे प्रत्यक्षदर्शी सांगतात. हिंदुत्ववादी असल्याने महाशय द्युत… खेळले तर बिघडले कोठे? ते तेच आहेत ना?”, असे सवाल करत संजय राऊतांनी पहिलं ट्विट केलं. त्यांच्या या ट्विटला भाजपकडून ‘भाजप महाराष्ट्र’ या अधिकृत ट्विटर अकाउंटवर प्रतिक्रिया देण्यात आली. भाजपकडून प्रत्युत्तर म्हणून युवासेना प्रमुख आदित्य ठाकरे यांचा फोटो ट्विट करत प्रश्न उपस्थित करण्यात आला.

भाजपचं प्रत्युत्तर

“आमचे प्रदेशाध्यक्ष चंद्रशेखर बावनकुळे त्यांच्या आयुष्यात कधी जुगार खेळलेले नाहीत. ते ज्या हॉटेलमध्ये सहकुटुंब मुक्कामी तेथील हा परिसर. असो, ज्यांच्या आयुष्याचा जुगार झालाय, त्यांची दृष्टी त्यापलिकडे जाऊ शकत नाही. आम्हाला फक्त एक सांगा संजुभाऊ, आदित्यच्या या ग्लासमध्ये कोणत्या ब्रँडची व्हीस्की?”, असं ट्विट भाजपकडून करण्यात आलाय. ॉ

बावनकुळेंचं स्पष्टीकरण काय?

या प्रकरणावरुन आरोप-प्रत्यारोपांच्या फैऱ्या झडू लागल्यानंतर अखेर चंद्रशेखर बावनकुळे यांनी ट्विटरवर स्पष्टीकरण दिलं. “मी मकाऊ येथे ज्या हॉटेलमध्ये सहकुटुंब मुक्कामी होतो, तेथील हा परिसर आहे. या हॉटेलच्या ग्राऊंड फ्लोअरवर रेस्टॉरंट आणि कसिनो एकच आहे. जेवण केल्यानंतर मी कुटुंबीयांसह रेस्टॉरंटमध्ये बसलो असताना कुणीतरी काढलेला हा फोटो आहे”, असं स्पष्टीकरण चंद्रशेखर बावनकुळे यांनी दिलंय.

बावनकुळेंच्या ट्विटवर राऊतांचं पुन्हा एक ट्विट

“ते म्हणे, फॅमिलसह मकाऊला गेले आहेत. जाऊद्या. त्यांची सोबत बसलेली फॅमिली चिनी आहे का? ते म्हणे, कधीच जुगार खेळले नाहीत. मग ते नक्की काय करीत आहेत? त्यांच्या टेबलावर मारुती स्तोत्र आहे का? जेवढे खुलासे कराल तेवढे फसाल! झाला तेवढा तमाशा पुरेसा नाही काय”, असं पुन्हा एक ट्विट संजय राऊतांनी केलंय.

Follow Us
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...