दुचाकीवरील प्रवासाचे थ्रील, माधुरी नायक यांची मुलुखगिरी पुरुषांच्या प्रांतात

मुंबई | 9 March 2024 : महिलांनी घरातच थांबावे असा समाजाचा परंपरागत विचार आहे. पण अनेक महिला या विचारांना छेद देतात. मोटारसायकलवरुन दुरचा प्रवास हे तर महिलांसाठी स्वप्नच आहे. दुचाकीवरुन दुरचा प्रवास हा जणू पुरुषांचाच प्रांत होऊन बसला आहे. पण काही बाईक रायडर महिलांनी या विचारांना पुरता छेद दिला आहे. रस्त्यावरील दुचाकीवरुन प्रवासाचा थ्रील त्या अनुभवत आहेत. TV9 च्या कर्मचारी माधुरी नायक यांनी अशीच दुचाकीवरुन मुलुखगिरी केली आहे. त्या अनेक तरुणींसाठी रोलमॉडल ठरल्या आहेत.

स्वप्रेरणेचे इंधन

माधुरी नायक या दक्षिणात्य कुटुंबातील. लोणावळा येथे त्यांनी आयुष्यातील मोठा काळ घालवला. लोण्यावळ्याच्या पर्वतराजींनी त्यांन नेहमी भुरळ घातली. त्यांनी Royal Enfield Meteor 350 बाईकवर आतापर्यंत अनेक ठिकाणाच्या बाईकिंगचा थरार अनुभवला. पण त्यांची आई काळजीपोटी त्यांना यासाठी नकार देत होती. पण माधुरी यांचे वडील त्यांच्या पाठिशी उभे ठाकले. त्यांनी त्यांची ही कल्पना उचलून धरली. त्यांनी प्रोत्साहन दिले. बाईकचा प्रवास हे माधुरी यांच्यासाठी केवळ एक थ्रील नाही तर स्वतःला सिद्ध करण्याचे आणि स्वातंत्र्य व्यक्त करण्याचे साधन आहे.

आम्ही सर्व बाईकर्स

‘खरंतर मी खुप लवकरच बाईक चालविणे शिकले. त्यानंतर स्वतःची बाईक खरेदी केली. हे स्वप्न पूर्ण होण्यासारखंच होते. या जगात तसा लिगंभेद नाही. आम्ही सर्वच बाईकर्स आहोत. आमचे या रस्त्यांवर प्रेम आहे. विशेष म्हणजे महिलांचा टक्का वाढत असल्याचा आनंद आहे.’ माधुरी नायक यांनी त्यांचे बाईक, रायडिंग आणि रस्त्यावरील प्रेम अशा शब्दात व्यक्त केले.

ही आव्हानंच तर प्रेरणा

बाईकिंग हे तसं तर पुरुषाचं क्षेत्र मानण्यात येतं. पण माधुरी यांनी या क्षेत्रात स्वतःची वेगळी ओळख निर्माण केली आहे. या क्षेत्रात महिलांचा टक्का पण वाढत आहे. दुचाकीवरील थ्रील त्या अनुभवत आहे. महिला-पुरुष असा कोणताही भेद न करता, बाईकर्स त्यांचे पॅशन जपत आहेत. दूरचा प्रवास या पॅशनमुळे अगदी सहज आणि सोप्पा होऊन जातो. हे दुचाकीवरील प्रेमच त्यांचे जग झाले आहे. अनेक तरुणींसाठी माधुरी नायक या रोल मॉडल ठरल्या आहेत.