डोंगरी इमारत दुर्घटना : कोसळलेली इमारत 100 वर्षे जुनी, पण अतिधोकादायक नव्हती : मुख्यमंत्री

कोसळलेली इमारत म्हाडाची 100 वर्ष जुनी इमारत होती. पुनर्विकासासाठी विकासक नियुक्त केला होता. म्हाडाच्या अतिधोकादायक इमारतीत याचा समावेश नव्हता. विकासकाने काम वेळत केले की नाही याची चौकशी केली जाईल, अडकलेल्यांना बाहेर काढण्यास प्राथमिकता आहे, अशी प्रतिक्रिया मुख्यमंत्री देवेंद्र फडणवीस यांनी दिली.

डोंगरी इमारत दुर्घटना : कोसळलेली इमारत 100 वर्षे जुनी, पण अतिधोकादायक नव्हती : मुख्यमंत्री
सचिन पाटील

| Edited By: Namrata Patil

Jul 16, 2019 | 3:56 PM

मुंबई:  मुंबईच्या डोंगरी परिसरात चार मजली इमारत कोसळून भीषण दुर्घटना घडली. इमारत कोसळल्यानंतर ढिगाऱ्याखाली जवळपास 40 ते 50 जण अडकल्याची भीती आहे. या दुर्घटनेत दुपारी एकपर्यंत 12 जणांचा मृत्यू झाल्याचं सांगण्यात येत होतं. मात्र डॉक्टरांनी अधिकृतरित्या तिघांचा मृत्यू झाल्याचं सांगितलं. मृतांचा आकडा आणखी वाढण्याची भीती व्यक्त करण्यात येत आहे. डोंगरीतील तांडेल स्ट्रीटवरील अब्दुल हमीद दर्ग्याजवळची केसरबाई ही ग्राऊंड फ्लोअर अधिक 4 मजली इमारत कोसळली. सकाळी साडेअकराच्या सुमारास ही इमारत कोसळली.

दरम्यान, कोसळलेली इमारत म्हाडाची 100 वर्ष जुनी इमारत होती. पुनर्विकासासाठी विकासक नियुक्त केला होता. म्हाडाच्या अतिधोकादायक इमारतीत याचा समावेश नव्हता. विकासकाने काम वेळत केले की नाही याची चौकशी केली जाईल, अडकलेल्यांना बाहेर काढण्यास प्राथमिकता आहे, अशी प्रतिक्रिया मुख्यमंत्री देवेंद्र फडणवीस यांनी दिली.


दुर्घटना झालेला भाग अत्यंत दाटीवाटीचा आहे. तिथे गर्दी न करता बचावकार्य चालले पाहिजे. जखमींना योग्य मदत करण्याच्या सूचना प्रशासनाला दिल्या आहेत, असं मुख्यमंत्री म्हणाले.

दुर्घटनाग्रस्त केसरबाई इमारतीत 15 कुटुंब राहात होते. ही कुटुंबं अडकल्याची भीती आहे. त्यातील किती जण घरी होते आणि किती बाहेर याची माहिती नाही. सध्या सर्व लक्ष मदतकार्यावर केंद्रीत केले जाईल, असं मुख्यमंत्र्यांनी सांगितलं.

म्हाडाचे अध्यक्ष उदय सामंत यांची प्रतिक्रिया

कोसळलेली इमारत म्हाडाचीच होती. म्हाडाने रिडेव्हलपमेंटसाठी बिल्डरला दिली होती. लोकांना लवकरात लवकर बाहेर काढण्याचे अधिकाऱ्यांना आदेश दिले आहेत. जी इमारत कोसळली ती अत्यंत जुनी होती. कोसळलेली इमारत धोकादायक असल्याचं जाहीर करण्यात आलं होतं. तिच्या पुनर्विकासाचं काम विकासकाला देण्यात आलं होतं. आता नेमकं काय घडलं, दुर्घटना कशी झाली, जबाबदार कोण आहे, याची सविस्तर माहिती घेऊन मी मुख्यमंत्र्यांशी संवाद साधेन, असं म्हाडाचे अध्यक्ष उदय सामंत यांनी टीव्ही 9 मराठीला सांगितलं.

भाजप नेते राधाकृष्ण विखे पाटील यांची प्रतिक्रिया

डोंगरी परीसरात कोसळलेली ही इमारत धोकादायक इमारतींच्या यादीत नव्हती, अशी माहिती मिळाली आहे. इमारत धोकादायक नव्हती तर ती कोसळली कशी? त्याबाबत चौकशी करून अधिकृत माहिती घेतली जाईल, असं विखे पाटील म्हणाले.

संबंधित बातम्या

LIVE : डोंगरीत 4 मजली इमारत कोसळली, 12 जणांचा मृत्यू, जवळपास 50 जण अडकले

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें