आदित्य ठाकरेंच्या वाढदिवसानिमित्त 1 हजार युवासेना पदाधिकाऱ्यांचे मोफत लसीकरण
पर्यावरण मंत्री आदित्य ठाकरे (Aditya Thackeray) यांच्या वाढदिवसानिमित्त (13 जून) खासदार राहुल शेवाळे आणि युवासेनेच्या वतीने युवासेनेच्या सुमारे 1000 पदाधिकाऱ्यांचे मोफत लसीकरण करण्यात आले.
मुंबई : पर्यावरण मंत्री आदित्य ठाकरे (Aditya Thackeray) यांच्या वाढदिवसानिमित्त (13 जून) खासदार राहुल शेवाळे आणि युवासेनेच्या वतीने युवासेनेच्या सुमारे 1000 पदाधिकाऱ्यांचे मोफत लसीकरण करण्यात आले. दादरच्या सूर्यवंशी सभागृहात आयोजित करण्यात आलेल्या या विशेष लसीकरण मोहिमेत खासदार राहुल शेवाळे यांच्यासह आमदार सदा सरवणकर, महापौर किशोरी पेडणेकर, माजी महापौर – नगरसेविका श्रद्धा जाधव, शिवसेना सचिव सुरज चव्हाण, सभागृह नेत्या विशाखा राऊत, युवा सेना सरचिटणीस अमोल कीर्तिकर, युवासेना सचिव वरुण सरदेसाई यावेळी उपस्थित होते. (Free Corona vaccination of 1000 Yuvasena workers on occasion of Aditya Thackerays birthday)
आदित्य ठाकरे यांच्या वाढदिवसानिमित्त राज्यभरात विविध उपक्रमांचे आयोजन करण्यात आले आहे. याचाच एक भाग म्हणून खासदार राहुल शेवाळे यांच्या नेतृत्वाखाली युवासेनेच्या वतीने युवासेना पदाधिकारी आणि कार्यकर्त्यांसाठी विशेष लसीकरण मोहिमेचे आयोजन करण्यात आले होते. या मोहिमेसाठी खासदार शेवाळे यांच्या वतीने सुमारे एक हजार कोव्हिशील्ड लसी उपलब्ध करून देण्यात आल्या. यासाठी साई हॉस्पिटल आणि मंगल चॅरिटेबल ट्रस्टचे सहकार्य लाभले. अशाच रीतीने मुंबईच्या पश्चिम उपनगरातही विशेष लसीकरण मोहीम लवकरच आयोजित केली जाणार असल्याचे सांगण्यात येत आहे.
युवासेना सचिव @SardesaiVarun, श्रीमती. @nowdurga, कार्यकारणी सदस्य @Iamrahulkanal, @suprada17, नगरसेवक आणि युवासेना कोषाध्यक्ष @AmeyGhole, नगरसेवक- युवासेना कार्यकारणी सदस्य @samadhan234 , युवासेना कार्यकारणी सदस्य @RupeshKadam03, @SubhasiniMuthu, …(३/४) pic.twitter.com/uOLWikAsEn
— Rahul Shewale – राहुल शेवाळे (@shewale_rahul) June 12, 2021
याबाबत खासदार राहुल शेवाळे म्हणाले की, कोरोना संकटाच्या पार्श्वभूमीवर, गेल्या वर्षभरापासून सामान्य जनतेला वैद्यकीय आणि इतर मदत करण्यासाठी अहोरात्र मेहनत घेणारे युवासेना पदाधिकारी आणि कार्यकर्ते यांनी कोव्हिड योद्धा म्हणून चोख कामगिरी बजावली. यामुळेच पर्यावरण मंत्री आदित्य ठाकरे यांच्या वाढदिवसाच्या निमित्ताने, युवासेनेच्या कोव्हिड योद्ध्यांच्या कामाचा गौरव करण्यासाठी या मोहिमेचे आयोजन करण्यात आले होते.
कितीही स्ट्रॅटेजी करा, 2024 मध्ये येणार तर मोदीच, पवार-प्रशांत किशोर भेटीवर फडणवीसांचं भाष्य https://t.co/6r213dpI7f @Dev_Fadnavis @BJP4Maharashtra @PawarSpeaks @OfficeofUT @NCPspeaks @ShivSena #Devendrafadnavis #SharadPawar #PrashantKishor #NarendraModi #Loksabha2024
— TV9 Marathi (@TV9Marathi) June 12, 2021
इतर बातम्या
(Free Corona vaccination of 1000 Yuvasena workers on occasion of Aditya Thackerays birthday)
