मुंबई महापालिकेत तब्बल 38 हजार पद रिक्त, आरटीआय कार्यकर्त्याचे थेट मुख्यमंत्र्यांना पत्र
मुंबई महापालिकेत तब्बल 38 हजार रिक्त पद असल्याची धक्कादायक बाब समोर आली आहे. (BMC 38 thousand post vacant)
मुंबई : राज्यात कोरोनाचा प्रादुर्भाव वाढत आहे. तर दुसरीकडे मुंबई महापालिकेत तब्बल 38 हजार रिक्त पद असल्याची धक्कादायक बाब समोर आली आहे. यातील सर्वाधिक पदं ही क आणि ड वर्गाची आहेत. आरटीआय कार्यकर्ते अनिल गलगली यांनी याबाबतची माहिती दिली आहे. मुंबई महापालिकेत एवढ्या मोठ्या प्रमाणात रिक्त पदे असताना प्रशासन मात्र याकडे दुर्लक्ष करत असल्याचे दिसत आहे. (Mumbai BMC More than 38 thousand vacant post RTI Report Reveals)
आरटीआय कार्यकर्ते अनिल गलगली यांनी मुंबई महापालिकेतील मंजूर, कार्यरत आणि रिक्त पदांची माहिती आरटीआय कायद्यातंर्गत मागवली होती. मुंबई महापालिकेच्या सामान्य प्रशासनाने अनिल गलगली यांना सप्टेंबर 2020 पर्यंतच्या उपलब्ध अभिलेखाची माहिती दिली आहे. यानुसार सरळसेवा आणि पदोन्नती अंतर्गत 1,10, 509 पदे मंजूर करण्यात आली आहेत. यापैकी 38,128 पदे ही रिक्त आहेत.
नेमकी कोणकोणती पदं रिक्त?
तर सरळसेवा तांत्रिक आणि अतांत्रिक वर्गात एकूण 87,146 पदे मंजूर असून 28,608 पदे रिक्त आहेत. यात सर्वाधिक क गटात 10,553 पदं आहेत. तर ड वर्गात 15,789 पदे रिक्त आहेत. यात पदोन्नती तांत्रिक आणि अतांत्रिक वर्गात एकूण 23,363 पदे मंजूर असून 9520 पदे रिक्त आहेत. यात सर्वाधिक ड वर्गात 5020 पदे रिक्त आहेत. तर क आणि ड वर्गात दोन्ही संवर्गात 33,043 पदे रिक्त आहेत.
मुख्यमंत्री उद्धव ठाकरेंना पत्र
या पार्श्वभूमीवर अनिल गलगली यांनी मुख्यमंत्री उद्धव ठाकरेंना पत्र लिहिलं आहे. यात त्यांनी ही रिक्त पद तात्काळ भरावी, अशी मागणी केली आहे. रिक्त पदामुळे कामकाजावर परिणाम होतो आणि नागरिकांना मनःस्ताप सहन करावा लागतो, असेही त्यांनी या पत्रात म्हटलं आहे. मुख्यमंत्र्यांसोबतच त्यांनी महापालिका आयुक्त इक्बालसिंह चहल आणि महापौर किशोरी पेडणेकर यांनाही पत्र लिहिले आहे. (Mumbai BMC More than 38 thousand vacant post RTI Report Reveals)
Railway Recruitment 2021 : रेल्वेमध्ये दहावी पासना नोकरीची सुवर्णसंधी, आजच अर्ज करा#IndianRailways #RailwayRecruitment2021 #WestCentralRailway #RailwayJobs https://t.co/9KLH2bXqNR
— TV9 Marathi (@TV9Marathi) March 27, 2021
संबंधित बातम्या :
मुंबईकरांनो तुमच्यासाठी सर्व यंत्रणा तयार, पण… : किशोरी पेडणेकर
Fire in Mumbai : दुकानाला आग लागलेली पाहून नाना पटोलेंनी गाडी थांबवली, अन्…
