ओमराजे निंबाळकरांचा निर्णय उद्धव ठाकरेंच्या ‘कोर्टात’; काय निर्णय घेणार? अनिल देसाईंनी एका वाक्यात विषय संपवला

Omraje Nimbalkar- Uddhav Thackeray Operation Tiger : पवनराजे निंबाळकर खून खटल्यात पद्मसिंह पाटील यांच्यासह इतर आरोपी निर्दोष सुटले. या निकालाचा मोठा धक्का खासदार ओमराजे निंबाळकर यांना बसला. तर निकाल समोर येताच बंडखोर खासदारांच्या काळजात धस्स झाले आहे. आता मतदारसंघातील जनतेशी चर्चा करून पुढील निर्णय घेणार असल्याचे खासदार ओमराजे निंबाळकर म्हणाले. तर ओमराजेंविषयी उद्धव ठाकरे यांची शिवसेना काय निर्णय घेणार याविषयी उलटसुलट चर्चा सुरू झाली आहे. याविषयी ठाकरे गटाचे संसदेतील मुख्य प्रतोद अनिल देसाई यांनी मोठे संकेत दिले आहेत.

निंबाळकरांचा निर्णय उद्धव ठाकरे यांच्या कोर्टात

ठाकरे गटाचे संसदेतील मुख्य प्रतोद अनिल देसाई यांनी खटल्याचा निकाल समोर येताच मोठी प्रतिक्रिया दिली. हा निकाल ओमराजेंना नाराज करणार असल्याचे आणि कसे लोक असतात हे त्यांना आता कळले असेल असे ते म्हणाले. त्याचवेळी त्यांनी ओमराजे निंबाळकर यांना पक्षात पुन्हा यायचं असेल तर त्यांनी उद्धव ठाकरेंशी बोलावं. उद्धव ठाकरे निर्णय घेतील. पण त्यांनी पक्षाची शिस्त मोड केली आहे. पक्षाने घेतलेल्या निर्णयावर त्यांनी बहिष्कार टाकला होता. ते आलेच नव्हते. त्यांनी पक्षशिस्तीचा भंग केलेला आहे, असे स्पष्ट केले. देसाई यांनी याप्रकरणी मोठे संकेत दिले आहे. उद्धव ठाकरे यांच्या कोर्टात हा निंबाळकरांचा निर्णय होईल असे त्यांनी स्पष्ट केले.

फुटीर खासदारांच्या काळजात धस्स

खासदार ओमराजे निंबाळकर यांनी समर्थकांशी चर्चा करून पुढील भूमिका ठरवणार असल्याचे सांगण्यात आले आहे. पक्षांतर बंदी कायद्याचे उल्लंघन टाळण्यासाठी फुटीर खासदारांना एकाची अत्यंत गरज आहे. तर आता ओमराजे निंबाळकर यांच्या वक्तव्याने मोठा पेच निर्माण झाला आहे. फुटीर खासदारांसमोर आता अस्तित्वाचाच प्रश्न निर्माण झाला आहे. पण त्याचवेळी ऑपरेशन टायगर आताच धोक्यात आलेले आहे असे म्हणणे घाईचे ठरेल असे अनेकांचे मत आहे. ओमराजे निंबाळकर यांची भूमिका काय असेल यावर सर्व अवलंबून असेल. उद्या ते त्यांची भूमिका कदाचित जाहीर करू शकतील. ओमराजे निंबाळकरांची भूमिका या संपूर्ण प्रकरणात अत्यंत महत्त्वाची ठरली आहे.