Operation Tiger: त्या खासदारांना धनुष्यबाण नव्हे कमळ घ्यायचे होते हाती? 6 वा खासदार फोडला कोणी? मुख्यमंत्री फडणवीसांची शिष्टाई कामी? ती इनसाईड स्टोरी
Operation Tiger Devendra Fadnavis: ऑपरेशन टायगरमधील एक धक्कादायक खुलासा समोर आला आहे. या ऑपरेशनचे इतर पदर आता उलगडायला लागले आहे. बंडखोरांना धनुष्यबाण नव्हे तर कमळ हाती घ्यायचे होते अशी माहिती समोर येत आहे. उद्धव सेनेचा सहावा खासदार गळाला लावण्यासाठी मुख्यमंत्री देवेंद्र फडणवीस यांची शिष्टाई मोलाची ठरल्याचा दावा करण्यात येत आहे. काय आहे ती इनसाईड स्टोरी?
Operation Tiger Devendra Fadnavis: ऑपरेशन टायगरमधील एक धक्कादायक खुलासा समोर आला आहे. त्यानुसार, उद्धव ठाकरे यांच्या बंडखोर खासदारांची पहिली पसंती शिंदे सेना नव्हती. तर भाजप होती. त्यांना धनुष्यबाण नव्हे तर कमळ हाती घ्यायचे होते असा दावा सूत्रांनी केला आहे. त्यामुळे ऑपरेशन टायगरमध्ये हे सहा खासदार शिंदे सेनेत दाखल झाले असले तरी त्यांची पहिली पसंती भाजप असल्याचा धक्कादायक दावा सूत्रांच्यामार्फत समोर आला आहे. त्यामुळे आता या प्रकरणात मोठा ट्विस्ट आला आहे.
मुख्यमंत्री देवेंद्र फडणवीस यांची शिष्टाई कामी ?
उद्धव सेनेला मोठा झटका दिला. उपमुख्यमंत्री एकनाथ शिंदे यांनी ठाकरे सेनेचे सहा खासदार फोडले. लोकसभा निवडणुकीपासूनच ऑपरेशन टायगरची कुणकुण लागली होती. ही मोहीम आता फत्ते झाली. पण या ऑपरेशन टायगरमध्ये मुख्यमंत्री देवेंद्र फडणवीस यांनी सुद्धा मोलाची भूमिका निभावल्याचे समोर येत आहे. विशेष म्हणजे माध्यमांशी बोलताना फडणवीस यांनी याविषयीचे संकेतही दिल्याचे समोर आले आहे.
भाजप पहिली पसंती
सूत्रांनी दिलेल्या माहितीनुसार बहुतांश खासदारांची कमळ हाती घेण्याची इच्छा होती. त्यावरून संभ्रम सुरू होता. 6 वा खासदार फोडण्यासाठी त्यांची शिष्टाई मोलाची ठरली. हा सहावा खासदार शिंदे सेनेत येण्यास इच्छुक नव्हता. या खासदाराने थेट भाजपमध्ये पक्ष प्रवेश करण्याची इच्छा व्यक्त केली होती. पण खासदारांना शिंदे सेनेतच प्रवेश देण्यात यावा अशी मुख्यमंत्री फडणवीस यांची भूमिका होती. भाजप पक्षश्रेष्ठींसोबत फडणवीस यांच्या बैठका पार पडल्या. त्यानंतर ऑपरेशर टायगरला आणि खासदारांच्या शिंदे सेनेतील प्रवेशाला ग्रीन सिग्नल मिळाल्याची माहिती सूत्रांनी दिली आहे.
फडणवीसांचे सूचक विधान
विधीमंडळाचे पावसाळी अधिवेशन सुरू होण्याअगोदर देवेंद्र फडणवीस यांनी ऑपरेशन टायगर फत्ते होण्यासंदर्भात सूचक विधान केले होते. ऑपरेशन यशस्वी, बॉडीही सदृढ, अशा आशयाचे सूचक विधान मुख्यमंत्र्यांनी केले होते. संख्याबळ पूर्ण करण्यास फडणवीसांची मोलाची भूमिका असल्याची माहिती समोर येत आहे. त्यांनी सहाव्या खासदाराची समजूत घालून ऑपरेशन टायगर फत्ते केल्याची माहिती सूत्रांनी दिली आहे. ऑपरेशन टायगरचे एक एक पदर या निमित्ताने आता बाहेर येत आहे.
सहा खासदार कोण
संजय दिना पाटील
संजय जाधव
संजय देशमुख
नागेश आष्टीकर पाटील
भाऊसाहेब वाकचौरे
