‘त्यांना वाटलं खाडीला भरती आहे मनुसख हिरेनची बॉडी कधी सापडणारच नाही, पण…’

मुंबई: मनसुख हिरेन हत्याप्रकरणात मंगळवारी विधानसभेत मोठा गदारोळ झाल्याचे पाहायला मिळाले. राज्याचे विरोधी पक्षनेते देवेंद्र फडणवीस (Devendra Fadnavis) यांनी सभागृहात मनसुख हिरेन (Mansukh hiren) यांची पत्नी विमला हिरेन यांच्या तक्रारीचा अर्ज वाचून दाखवला. या तक्रार अर्जात अनेक धक्कादायक गोष्टी नमूद करण्यात आल्या आहेत. मनसुख हिरेन यांची गाडीतच हत्या करण्यात आली. त्यानंतर त्यांचा मृतदेह मुंब्रा येथील खाडीत फेकून देण्यात आल्याचे या तक्रारीत म्हटले आहे. (Sachin Vaze kill Mansukh Hiren arrest him says Devendra Fadnavis)

खाडीत भरती येण्याची वेळ असल्याने मनसुख हिरेन यांचे शव किनाऱ्यावर येणार नाही, असे मारेकऱ्यांना वाटले. मात्र, नेमक्या त्याच दिवशी मारेकऱ्यांच्या दुर्दैवाने खाडीत भरती (Hightide) न आल्याने हे शव किनाऱ्यावर आले, असे फडणवीस यांनी म्हटले.

201 खाली सचिन वाझेंना (Sachin Waze) अटक का झाली नाही? ३०२ चं सोडून द्या. मला राजकारण नको. ते कोणत्या पक्षाचे आहेत याच्याशी देणंघेणं नाही. कोण वाचवतंय, आणि कशासाठी वाचवतंय. आम्हाला संशय आहे, मनसुख हिरेन यांची हत्या गाडीमध्ये करण्यात आली. गावडेंच्या एरियात करण्यात आली. आणि त्यानंतर त्यांची बॉडी खाडीत फेकण्यात आली. यांची चूक कुठे झाली, यांना वाटलं हाय टाईड आहे. बॉडी परत आली नसती, लो टाईड होती, म्हणून परत आली. 302 च होत राहिल. तात्काळ सचिन वाझेंना अटक झाली पाहिजे, अशी मागणी यावेळी देवेंद्र फडणवीस यांनी सभागृहात केली.

2017 मध्ये सचिन वाझेंवर खंडणी मागितल्याचा गुन्हा

मनसुख हिरेन यांनी 2017 साली एक तक्रार केली होती. 2017 चा एफआयआर आहे. यानुसार दोन लोकांनी 40 लाखांची खंडणी मागितल्याचा एफआयआर आहे. यामध्ये दोन लोकांनी अटकपूर्व जामीन घेतला. यातील एकाचं नाव आहे धनंजय विठ्ठल गावडे आणि दुसरा सचिन हिंदुराव वाझे.

हा जो मनसुख हिरेन आहे. यांचं शेवटचं लोकेशन आहे ते धनंजय विठ्ठल गावडे यांच्याठिकाणी आहे. 40 किमीवर बॉडी सापडते. गावडेच्या ठिकाणी जाण्याचे कारण काय? काहीच नाही. गावडेच्या ठिकाणापासून 40 किमीवर हिरेन यांची बॉडी सापडली. त्यामुळे हे स्पष्ट आहे, यापेक्षा अधिक पुरावे काय हवेत?, असा सवाल देवेंद्र फडणवीस यांनी उपस्थित केला.

संबंधित बातम्या:

देवेंद्र फडणवीस यांचं सर्वात मोठं विधान; पत्नीच्या संशयानुसार मनसुख हिरेन यांची सचिन वाझेंकडून हत्या

(Sachin Vaze kill Mansukh Hiren arrest him says Devendra Fadnavis)