BREAKING | मुंबई महापालिकेविरोधात सोनू सूदची हायकोर्टात धाव, अनधिकृत बांधकाम न केल्याचा दावा

मुंबई : बॉलिवूड अभिनेता सोनू सूद याने मुंबई महापालिकेविरोधात हायकोर्टात धाव घेतली आहे. सोनू सूद याच्या जुहू येथील सहा मजली निवासी इमारतीचे आवश्यक परवानग्या न घेता हॉटेलमध्ये रुपांतर करण्यात आले आहे. पालिकेने या गोष्टीवर आक्षेप घेत मुंबई पोलिसात तक्रार दाखल केली होती. याप्रकरणी सोनू सूद याने मुंबईच्या हायकोर्टात धाव घेतली आहे. उद्या या प्रकरणी सुनावणी केली जाणार आहे. (Sonu Sood Moves Bombay High Court against BMC notice for illegal construction)

अभिनेता सोनू सूद याने शक्ती सागर या इमारतीत कोणत्याही प्रकारचे अनधिकृत बांधकाम केलेले नाही, असा दावा त्याच्या वकिलांनी केला आहे. या सर्व प्रकरणाची उद्या (11 जानेवारी) सुनावणी केली जाणार आहे.

Mumbai: Actor Sonu Sood files an application in Bombay High Court challenging BMC notice issued to him for alleged illegal construction in his premises in Juhu. Hearing is scheduled for tomorrow.

— ANI (@ANI) January 10, 2021

अनधिकृत बांधकाम प्रकरणी तक्रार दाखल

अभिनेता सोनू सूद विरोधात मुंबई महापालिकेनं जुहू पोलीस स्टेशनला तक्रार दाखल केली. जुहू येथील सहा मजली निवासी इमारत आवश्यक परवानग्या न घेता हॉटेलमध्ये रुपांतर केल्याप्रकरणी बीएमसीनं ही तक्रार दाखल केली. मुंबई महापालिकेनं जुहू पोलिसांकडे तक्रार करुन सोनू सूद विरोधात कारवाई करण्याची मागणी केली आहे. 4 जानेवारी 2020 ली ही तक्रार दाखल केली होती. महाराष्ट्र प्रदेश आणि नगररचना (एमआरटीपी) कायद्यांतर्गत सूदनं केलेल्या अनियमित भरती, बदल आणि उपयोगकर्त्याच्या बदल्याची नोंद घेण्यासंदर्भात जुहू पोलिसांना सांगण्यात आलं होतं.

सोनू सूद यांची भूमिका

याप्रकरणी सोनू सूदने दिलेल्या माहितीनुसार, त्यांनी आधीच बीएमसीकडून युझर चेंजसाठी परवानगी घेतलेली आहे. सध्या ते महाराष्ट्र कोस्टल झोन मॅनेजमेंट अथॉरिटीकडून परवानगी मिळण्याची प्रतीक्षा करत आहेत.

बीएमसीच्या तक्रारीत काय?

बीएमसीने दिलेल्या तक्रारीत म्हटलं, “सोनू सूद यांनी स्वत: जमिनीच्या वापरावर बदल केला आहे. त्याशिवाय निश्चित प्लानमध्ये अतिरिक्त निर्माण करुन रहिवासी इमारतीला हॉटेलच्या इमारतीत रुपांतरीत केलं. यासाठी त्यांनी अथॉरिटीकडून आवश्यक ती परवानगी घेतलेली नाही.”इतकंच नाही तर बीएमसीने सोनू सूदवर नोटीसकडे दुर्लक्ष केल्याचाही आरोप केला आहे.त्यांनी महाराष्ट्र प्रदेश आणि नगररचना (एमआरटीपी) कायदा कलम 7 अंतर्गत गुन्हा केला आहे. अधिकाऱ्यांच्यामते, बीएमसीने जारी केलेल्या नोटीसविरोधात सोनू सूदने मुंबईच्या सिव्हिल न्यायालयात याचिका दाखल केली होती. पण, त्यांना अंतरिम दिलासा मिळाला नाही. न्यायालयाने सोनू सूदला उच्च न्यायालायत याचिका करण्यासाठी तीन आठवड्यांचा कालावधी दिला होता. बीएमसीच्या मते न्यायालयाने दिलेला तीन आठवड्यांचा कालावधी संपला आहे. (Sonu Sood Moves Bombay High Court against BMC notice for illegal construction)

संबंधित बातम्या : 

मोठी बातमी : सोनू सूदच्या इमारतीमधील अनधिकृत बांधकाम पालिकेच्या रडारवर; BMC ची पोलिसांकडे तक्रार

Special Story : सोनू सूदला अनधिकृत बांधकाम भोवणार?; जाणून घ्या, नेमकं काय आहे प्रकरणं?