Wadala Assembly Constituency : आताच नको पराभवाची चर्चा; रणात आहेत झुंजणारे अजून काही, वडाळ्यात कालिदास कोळंबकरांना मतांची खेप भेटेल की निवडणुकीचा पेपर जाईल कठीण?
Wadala Vidhansabha Election 2024 : मुंबईतील सात बेटांपैकी वडाळा हे एक बेट होते. अखंड मुंबईतही वडाळ्याचा वरचष्मा कमी झालेला नाही. आता विधानसभेतही वडाळा मतदारसंघावर शिवसेनेचे दोन्ही गट, भाजपचे बारीक लक्ष आहे. या मराठी भाषिक पट्ट्यात मराठी मतांची बिदागी कुणाला मिळणार हे लवकरच स्पष्ट होईल.
मुंबईतील सात बेटांपैकी वडाळा (Wadala) हे महत्त्वाचे बेट होते. त्याचे महत्त्व अजूनही कमी झालेले नाही. मराठी माणूस कोणत्या सेनेसोबत आहे हे येत्या विधानसभेच्या आखाड्यात स्पष्ट होईल. पण त्याअगोदर भाजपला हा विधानसभा समाविष्ट असलेल्या लोकसभा निवडणुकीत मोठ्या पराभवाचा सामना करावा लागला. मुंबई दक्षिण-मध्य मतदारसंघातून राहुल शेवाळे यांचा मोठ्या फरकाने पराभव झाला. वडाळा विधानसभा मतदारसंघातून त्यांच्या झोळीत मतांची बिदागी पडली नाही. त्यामुळे विद्यमान भाजप आमदार कालिदास कोळंबकर यांची वाट सोपी नसल्याचे समोर येत आहे. महाविकास आघाडीकडून श्रद्धा जाधव, माजी सहाय्यक पोलीस आयुक्त संजय जगताप इच्छुक असल्याची चर्चा आहे.
पोलिसांचे होमग्राऊंड
वडाळा विधानसभा मतदारसंघात पोलिसांची संख्या मोठी आहे. त्यामुळे माजी सहाय्यक पोलीस आयुक्त संजय जगताप (Sanjay Jagtap) यांचे नाव आघाडीवर आहेत. तर श्रद्धा जाधव यांचा पण दावा असल्याचे समोर येत आहे. कालिदास कोळंबकर यांची या विधानसभा मतदारसंघात चांगलीच पकड आहे. ते सलग आठ वेळा या मतदारसंघातून निवडून आले आहेत. त्यामुळे या मतदारसंघात मराठी कार्ड खेळलं जाणार हे निश्चित आहे. महायुती आणि महाविकास आघाडीमध्ये या मतदारसंघासाठी रस्सीखेच पाहायला मिळेल.
कोळंबकरांना तिसऱ्यांदा हॅटट्रिक साधणार?
कालिदास कोळंबकर (Kalidas Kolambakar) यांची या मतदारसंघावर जबरदस्त पकड दिसून आलेली आहे. ते सलग आठ वेला या विधानसभा मतदारसंघातून निवडून आले आहेत. 1990 पासून कोळंबकर या मतदारसंघाचे एकटे शिलेदार राहिले आहेत. ते कट्टर राणे समर्थक मानण्यात येतात. नारायण राणे यांनी शिवसेनेला सोडचिठ्ठी दिल्यानंतर त्यांनी पण शिवेसना सोडून काँग्रेस जवळ केली. मोदी लाटेपूर्वी त्यांनी भाजपमध्ये प्रवेश केला. त्यांनी पक्षांतर केले तरी मतदार मात्र त्यांच्या पाठीशी खंबीरपणे उभे ठाकेल आहेत. तर नव्यांदा ते या मतदारसंघाचे प्रतिनिधित्व करतील का? असा प्रश्न विचारण्यात येत आहे. अनेक जण त्यांच्या पराभवाची चर्चा करत आहेत. तर त्यांचे समर्थक रणात आहेत झुंजणारे अजून काही, असे नारे देत आहेत. त्यामुळे या मतदारसंघात अटीतटीचा सामना दिसणार आहे.
लोकसभेला मोठा दणका
लोकसभा निवडणुकीत शिंदे गटाचे राहुल शेवाळे यांना दक्षिण-मध्य मतदारसंघात पराभवाचा सामना करावा लागला. त्यात वडाळा मतदारसंघातून ठाकरे गटाचे अनिल देसाई यांना 70 हजार 931 मतं मिळाली होती. तर शेवाळे यांना 61,619 मतं मिळाली होती. सध्या राज्यात मराठा, मुस्लिम आणि दलित अशी वोट बँक बांधण्याचे काम सुरू आहे. वडाळा मतदारसंघात एकूण 2,04,905 मतदार आहेत. ते कुणाच्या ओंजळीत मतं टाकणार हे लवकरच समोर येईल.
