‘नीट’ परिक्षेचा महाघोटाळा, मेडिकल प्रवेशासाठी 50 लाखांची डील, नागपुरातील कोचिंग क्लासेस सीबीआयच्या रडारवर
देशभरातील वैद्यकीय अभ्यासक्रमांच्या प्रवेशासाठी नीट परीक्षांचं आयोजन केलं जातं. नागपूरमध्ये नीट परीक्षेत गैरप्रकार झाल्याचं उघडं झालं आहे. नीट परीक्षा 12 सप्टेंबरला देशभरातील 202 शहरातील परीक्षा केंद्रावर पार पडली.
नागपूर: देशभरातील वैद्यकीय अभ्यासक्रमांच्या प्रवेशासाठी नीट परीक्षांचं आयोजन केलं जातं. नागपूरमध्ये नीट परीक्षेत गैरप्रकार झाल्याचं उघडं झालं आहे. नीट परीक्षा 12 सप्टेंबरला देशभरातील 202 शहरातील परीक्षा केंद्रावर पार पडली. सीबीआयनं गेल्या आठवड्यात नागपूरमध्ये छापे टाकले होते. त्यावेळी नागपुरातील पाच विद्यार्थ्यांना सीबीआयने अटक केली होती. आता समोर आलं आहे. हा प्रकार उघडकीस आल्यानं नागपूरमध्ये खळबळ माजली आहे. नागपूरमधील एका कोचिंग क्लासेसच्या संचालकालाही सीबीआयनं अटक केल्याचं समोर आलं आहे. आर के एज्युकेशनच्या परिमल कोतपल्लीवार विरोधात गुन्हा दाखल करण्यात आला आहे. नागपूरमधील आणखी काही कोचिंग क्लासेस सीबीआयच्या रडारवर असल्याची माहिती आहे.
50 लाखांची डील?
नागपूरमध्ये ‘नीट’ परिक्षेचा महाघोटाळा समोर आला आहे. 50 लाखांच्या मोबदल्यात मेडिकल अभ्यासक्रमांना प्रवेश देण्याचं आमिष दाखवण्यात आलं होतं. आर के एज्युकेशनच्या परिमल कोतपल्लीवार विरोधात गुन्हा दाखल करण्यात आला असून शहरातील आणखी काही कोचिंग क्लासेस सीबीआयच्या रडारवर असल्याची माहिती आहे.
सीबीआयच्या रडारवर कोचिंग सेंटर
नीट परीक्षेत बोगस विद्यार्थी बसवल्याप्रकरणी सीबीआयनं नागपूरमध्ये छापे टाकले होते. नीट परिक्षेत बोगस विद्यार्थी बसवल्या प्रकरणी 5 जणांना अटक करण्यात आली होती. मेडीकल कॅालेजमध्ये ॲडमिशन मिळवून देण्यासाठी नीट परिक्षेत बोगस विद्यार्थी बसवल्याचं उघड झालं होतं. दिल्लीतील सीबीआयच्या टीमने नागपूरातील कोचिंग क्लासेसवर छापा टाकला होता. नागपूरमधील आणखी कोचिंग क्लासेस देखील सीबीआयच्या रडारवर असल्याची माहिती आहे. यामुळे नागपूरमधील कोचिंग क्लासेसचे धाबे दणाणले आहेत.
कोचिंग क्लासेसच्या संचालकाही अटक
सीबीआयनं सक्करदरा परिसरातील कोचिंग क्लासेसच्या संचालकांनाही अटक केल्याची माहिती आहे. 12 सप्टेंबरला झालेल्या नीट परिक्षेत बोगस विद्यार्थी बसवल्याप्रकरणी अटक झाली असल्याचं कळतंय.
नागपूरमधील पाच मोठ्या क्लासेसवर सीबीआयचे छापे
नीट परीक्षेतील गैरप्रकारामुळं नागपूरमधील कोचिंग क्लासेस प्रकरणी नागपूरातील कोचिंग क्लासेसवर साबीआयनं छापे टाकले होते. सीबीआयनं धाडीत काही कागदपत्र जप्त केल्याची माहिती आहे. नागपूरातील पाच मोठ्या कोचिंग क्लासेसवर सीबीआयच्या धाडी पडल्या होत्या. दिल्लीतील सीबीआयच्या टीमचं धाडसत्र अवलंबलं होतं. नागपुरातील गणेशनगर, नंदनवन, आझमशाहा चौकातील क्लासेसवर छापे टाकण्यात आले होते. ही कारवाई पुढं देखील सुरु राहण्याची शक्यता आहे.
जयपूरमध्येही नीट परीक्षेतील गैरप्रकारामुळं 8 जणांना अटक
देशभरात विविध परीक्षा केंद्रावर नीट परीक्षा पार पडली. परीक्षा सुरु असतानाच प्रश्नपत्रिका लीक झाली होती. जयपूर पोलिसांनी या प्रकरणी 8 जणांना अटक केली आहे. परीक्षार्थीसह पोलिसांनी तिच्या कुटंबातील सदस्य, परीक्षा केंद्र सुपरवायझर आणि इतरांना अटक केली होती. जयपूर पोलिसांनी प्रश्नपत्रिका लीक प्रकरणाची डील 30 लाखांना ठरल्याची माहिती दिली होती.
इतर बातम्या:
NEET UG 2021: नीट यूजी परीक्षेला आजपासून सुरुवात, विद्यार्थ्यांसाठी मार्गदर्शक सूचना जाहीर
CBI will be raid on Coaching class for malpractice in NEET UG exam dummy student case
