नाशिकमध्ये कोरोना मृत्यूच्या आकडेवारीचा सावळागोंधळ, 24 तासात तब्बल 510 मृत्यूची पोर्टलवर नोंद

नाशिकमध्ये कोरोना रुग्णसंख्येत घट होत आहे. त्यामुळे निर्बंध शिथील करण्यात आले आहे. मात्र नाशिकमध्ये कोरोना मृत्यूच्या आकडेवारीचा सावळागोंधळ अद्याप सुरुच आहे. (Nashik Corona death statistics Confusion)

Covid 19 bodies

Reporter Vitthal Bhadmukhe | Edited By: Namrata Patil | Updated on: Jun 14, 2021 | 2:24 PM

नाशिक : नाशिकमध्ये कोरोना रुग्णसंख्येत घट होत आहे. त्यामुळे निर्बंध शिथील करण्यात आले आहे. मात्र नाशिकमध्ये कोरोना मृत्यूच्या आकडेवारीचा सावळागोंधळ अद्याप सुरुच आहे. नाशिकमध्ये गेल्या 24 तासात तब्बल 510 मृत्यूची नोंद पोर्टलवर केली गेली आहे. मात्र एकाच दिवसात अचानक एवढ्या मृत्यूची नोंद कशी करण्यात आली? असा सवाल नागरिकांकडून उपस्थित होत आहे. (Nashik Corona death statistics Confusion 510 deaths recorded on portal in last 24 hours)

गेल्या 24 तासात 510 मृत्यूची नोंद

नाशिक जिल्ह्यात कोरोनाच्या दुसऱ्या लाटेचा प्रादुर्भाव कमी होत आहे. त्यामुळे रुग्णसंख्या वाढीचा दरही कमी झाला असून पॉझिटिव्हीटी रेटही कमी होत आहे. मात्र गेल्या 24 तासात नाशिकमध्ये तब्बल 510 मृत्यूची नोंद पोर्टलवर करण्यात आली आहे. यात नाशिक महापालिका 122, मालेगाव महापालिका 4 तर नाशिक ग्रामीणच्या 384 जणांचा समावेश आहे.

याव्यतिरिक्त गेल्या 48 तासात जिल्ह्यात 5 जण कोरोनामुळे दगावले आहेत. त्यामुळे धक्कादायक बाब म्हणजे आतापर्यंत जिल्ह्यात तब्बल 6 हजार 430 नागरिकांना कोरोनामुळे मृत्यू झाला आहे.

आरोग्य यंत्रणेवर प्रचंड तणाव

याबाबत नाशिकचे जिल्हाधिकारी यांनी दिलेल्या माहितीनुसार, मधल्या काळात दुसऱ्या लाटेत सर्व रुग्णालये आणि आरोग्य यंत्रणेवर प्रचंड तणाव होता. त्यासोबतच इंटरनेट कनेक्टिव्हीटीच्या अडचणी, प्रयोगशाळेतून रुग्णाचा ICMR ID वेळेत प्राप्त न होणे, डेटा एंट्री करणारे, अपुरे मनुष्यबळ यामुळे काही रुग्णालयांकडून पोर्टलवर ही माहिती देण्यात आली नव्हती. त्यामुळे यात विलंब झाला.

मृत्यूची संख्या अपडेट करण्याचे काम सुरु

मात्र यापुढे नियमितपणे पोर्टलवर माहिती अपडेट करावी, अशी सूचना सर्व रुग्णालयांना देण्यात आली आहे. दरम्यान पुढील काही दिवस पोर्टलवर कोरोना मृत्यूची संख्या अपडेट करण्याचे काम असेच सुरु असेल, असेही त्यांनी सांगितले.

नाशिकमधील कोरोना अपडेट

#Nashik District #CoronaUpdates 13 JUNE 2021 AT 08.30 PM#Corona #coronavirus #COVID #CoronaVirusUpdate pic.twitter.com/uyypE15Q2Y

— DISTRICT INFORMATION OFFICE, NASHIK (@InfoNashik) June 13, 2021

नाशिकमधील कोरोना लसीकरणाची आकडेवारी

#नाशिक जिल्ह्यातील 14 लसीकरण केंद्रांवर आज झालेले #कोविड लसीकरण#COVID19 #Corona #CoronaVaccination pic.twitter.com/Y5bQ5PBpdH

— DISTRICT INFORMATION OFFICE, NASHIK (@InfoNashik) June 12, 2021