नाशिकमध्ये असं काय आहे की नागपुरलाही नाही? गडकरी म्हणाले मला इथं दोन गोष्टी आवडल्या
नाशिकमधील दोन गोष्टी मला खूप आवडल्या. नाशिकसारख्या अभ्यासिका कोठेही नाहीत. तसेच इथले हवामान आमच्या नागपूरमध्येदेखील नाही, अशा शब्दांत केंद्रीय मंत्री नितीन गडकरी यांनी नाशिक शहराची स्तुती केली.
नाशिक : नाशिकमधील दोन गोष्टी मला खूप आवडल्या. नाशिकसारख्या अभ्यासिका कोठेही नाहीत. तसेच इथले हवामान आमच्या नागपूरमध्येदेखील नाही, अशा शब्दांत केंद्रीय मंत्री नितीन गडकरी यांनी नाशिक शहराची स्तुती केली. आज गडकरी यांच्या हस्ते पंचवटी भागातील पंडित दिनदयाळ उपाध्याय थीम पार्कचे लोकापर्ण करण्यात आले. यावेळी ते बोलत होते.
नाशिकमध्ये मला दोन गोष्टी खूप आवडल्या
केंद्रीय मंत्री नितीन गडकरी त्यांच्या कामाच्या शैलीमुळे नेहमीच चर्चेत असतात. महाराष्ट्रातील शहरांच्या भौगोलिक परिस्थितीचं त्यांना उत्तम ज्ञान आहे. यावेळी बोलताना त्यांनी नाशिक शहराच्या वैशिष्यांबद्दल सांगितलं. नाशिकमध्ये दोन गोष्टी मला खूप आवडल्या. नाशिक सारख्या अभ्यासिका भारतात कुठेही नाहीत. इथले हवामान आमच्या नागपुरमध्येही नाही. येथील कार्यालये, त्यांना असलेली पार्किंग अतिशय उत्तम आहे. नाशिक ग्रीन आणि सुंदर असेच रहावे, असे नितीन गडकरी म्हणाले.
गोदावरी सुंदर, हवामान मस्त आहे
तसेच नाशिक शहराबद्दल बोलताना आपल्या पत्तीसोबत झालेला संवाददेखील गडकरी यांनी यावेळी सांगितला. माझी पत्नी विमानात माझ्यासोबत होती. नाशिकची शेती किती सुंदर आहे. गोदावरी सुंदर आहे. हवामान मस्त आहे, असं ती मला सांगत होती, असे नितीन गडकरी म्हणाले. तसेच नाशिक शहराचा विकास आणि हवामान याबद्दल बोलताना त्यांनी महापौर आणि महापालिका आयुक्तांनी शहराचा अभ्यास करावा. शहराला सुंदर ठेवण्यासाठी आणखी प्रयत्न करावा, असा सल्लादेखील दिला.
सर्व ध्वनि प्रदूषणला मी जबाबदार
तसेच पुढे बोलताना त्यांनी ध्वनी प्रदूषणावरदेखील भाष्य केले. 5 वर्षात नागपूर शहर ध्वनी, जल आणि वायू प्रदूषणमुक्त करेल असं मी ठरवलंय. प्रत्येक शहराच्या महापौर आणि आयुक्तांनी ठरवल्यास आपण पुढे जाऊ शकतो. सर्व ध्वनिप्रदूषणला मी जबाबदार आहे. त्यामुळे लाल दिवे मी बंद केले आहेत. यामुळे बरेच जण माझ्यावर नाराज आहेत. आता मी आणखी एक नवा कायदा करणार आहे. मर्सिडीज, बीएमडब्ल्यू किंवा कोणतीही कार असो, कर्कश आवाज चालणार नाही. रुग्णवाहिका तसेच पोलिसांच्या गाडीचाही कर्कश आवाज चालणार नाही, असे नितीन गडकरी यांनी भाषणादरम्यान सांगितले.
इतर बातम्या :
तारक मेहताचे नट्टू काका हरपले, अभिनेते घनश्याम नायक यांचे निधन
शाहरुख खानचा मुलगा आर्यन खानला एक दिवसाची पोलीस कोठडी, कोर्टात नेमकं काय-काय घडलं
Video : Eknath Khadse | राष्ट्रवादीत आल्यानंतर भाजपमधील गद्दार लोकं कळाली https://t.co/SoZUuDFMNb @EknathGKhadse @Rohini_khadse @NCPspeaks @BJP4Maharashtra @girishdmahajan #EknathKhadse #Jalgaon #NCP #BJP #GirishMahajan #RohiniKhadse
— TV9 Marathi (@TV9Marathi) October 3, 2021
(nitin gadkari appreciates nashik city environment godavari river study centre)
