पतीच्या निवृत्तीनंतर प्रशासनाकडून पेन्शन देण्यास टाळाटाळ, 65 वर्षीय वृद्ध महिलेची मुख्यमंत्र्यांकडे आत्महत्येला परवानगी देण्याची मागणी
पालघर जिल्ह्यातील विक्रमगड तालुक्यातील इंदगावच्या 65 वर्षीय अंजनी चाबके या माउलीने महाराष्ट्राचे मुख्यमंत्री उद्धव ठाकरे यांच्याकडे आत्महत्या करण्याची परवानगी मागितली आहे.
पालघर : जिल्ह्यातील विक्रमगड तालुक्यातील इंदगावच्या 65 वर्षीय अंजनी चाबके या माउलीने महाराष्ट्राचे मुख्यमंत्री उद्धव ठाकरे यांच्याकडे आत्महत्या करण्याची परवानगी मागितली आहे. त्यांचे पती कोंडाजी चाबके यांना शासकीय सेवेतून निवृत्त झाल्यानंतर पेन्शन देण्यास प्रशासन टाळाटाळ करीत असल्याने त्यांनी मुख्यमंत्र्यांकडे आत्महत्येला परवानगी मागितली आहे. जर 1 नोव्हेंबरपर्यंत आपण तोडगा काढला नाही तर मी आत्महत्या करणार असल्याचे त्यांनी मुख्यमंत्र्यांना स्मरण पत्राव्दारे कळविले आहे.
पतीच्या निवृत्तीनंतर प्रशासनाकडून पेन्शन देण्यास टाळाटाळ
पालघर जिल्ह्यातील विक्रमगड तालुक्यातील इंदगाव च्या 65 वर्षीय अंजनी चाबके यांचे पती कोंडाजी चाबके 17/12/1978 ला जिल्हा परिषद ठाणे अंतर्गत जव्हार पंचायत समिती येथे शासकीय सेवेत रुजू झाले. 1978 ते 2007 पर्यंत ते शासकीय सेवेत त्यांनी काम केले त्यांनी स्थापत्य अभियांत्रिकी सहायक या पदावर होते. 2007 ला ते निवृत्त झाले. त्यांना पेन्शन मिळणे अपेक्षित असताना त्यांना शासनाकडून पेन्शन मिळाली नाही.
वृद्ध महिलेची मुख्यमंत्र्यांकडे आत्महत्येला परवानगी देण्याची मागणी
2014 ला त्यांची तब्येत बिघडल्यामुळे त्यांच्यावर रुग्णालयात उपचार होत असताना 14/08/2014 त्यांचे निधन झाले. त्यांच्या निधनानंतर त्यांच्या पत्नीने पेन्शन मिळण्यासाठी अनेक पत्रव्यवहार केले. मात्र त्यांच्या पदरी निराशाच पडली. अखेर त्यांनी 22/09/2021 ला महाराष्ट्राचे मुख्यमंत्र्यांच्याकडे आत्महत्या करण्याची परवानगी मागितली. मुख्यमंत्री कार्यालयाकडून काहीही उत्तर आलं नसल्याने त्यांनी परत 24/10/2021 स्मरण पत्र पाठवून 1 नोव्हेंबरपर्यंत मला न्याय द्या, नाहीतर त्याच दिवशी मला आत्महत्या करायला परवानगी द्या, अशी मागणी मुख्यमंत्र्यांकडे केली आहे.
(Delay in payment of pension by the administration after the death of her husband Elderly woman seeks CM permission to commit suicide)
हे ही वाचा :
जे तीन वर्षात घडंल नाही ते यंदाच्या खरीपात लातूर विभागात पाहायला मिळालं…!
