VIDEO | 11 प्रवाशांचा जीव धोक्यात घालत वाहत्या पाण्यातून बस दामटवली, आणि…

कोल्हापूर : कोल्हापुरात पांगिरे गावाजवळ असलेल्या चिकोत्रा नदी पात्रात बस वाहून गेली. चालकाने पुलावरुन वाहणाऱ्या पाण्याचा अंदाज न घेता 11 प्रवाशांचा जीव धोक्यात घालत बस पाण्यात घातली. आजरावरुन आलेली ही खासगी ट्रॅव्हल्स बस भुदरगड पोलीस ठाणे हद्दीत वाहून गेली. सुदैवाने चालकासह सर्व प्रवाशांचे प्राण वाचवण्यात आले आहेत. या घटनेचा व्हिडीओ समोर आला आहे.

नेमकं काय घडलं?

बंदोबस्तावर असलेल्या कर्मचाऱ्यांच्या इशाऱ्याकडे दुर्लक्ष करत चालकाने खासगी ट्रॅव्हल्स बस पुलावरून नेण्याचा प्रयत्न केला. मात्र पाण्याच्या दबावामुळे बस घसरुन नदीपात्रात जाऊन अडकली. सुदैवाने बसमधील 11 प्रवाशांना सुखरूप बाहेर काढण्यात यश आले.

ट्रॅव्हल्स बस बाहेर काढण्याचा प्रयत्न करताना पावसाचा अडथळा येत होता. त्यातच नदीच्या पाण्याचा प्रवाह वेगवान असल्यामुळे बचावकार्यात अडचणी येत होत्या. सर्व प्रवाशांना सुरक्षित बाहेर काढण्यात यश आले आहे. मात्र बस नदीपात्रात अडकली.

पाहा व्हिडीओ :

संबंधित बातम्या :

पुराच्या पाण्यातून बैलगाडी हाकणं जीवावर, दोन्ही बैलांपाठोपाठ शेतकऱ्याचाही मृतदेह आढळला

VIDEO | पुराच्या पाण्यात बाईक घालण्याचं धाडस अंगलट, कृषी केंद्र संचालकाचा वाहून गेल्याने मृत्यू

(Kolhapur Chikotra River Private Bus Stuck as Driver Drives into flooded water)