Nagar Panchayat Election result 2022: कर्जत नगर पंचायतीत राष्ट्रवादीची एकहाती सत्ता; रोहित पवारांचा राम शिंदेंना कात्रजचा घाट

नगर: राज्यातील नगर पंचायतीच्या निवडणुकांचे निकाल लागण्यास सुरुवात झाली आहे. राज्यातील नगर पंचायतीचा पहिला निकाल राष्ट्रवादीच्या बाजूने लागला. त्यानंतर विजयाची घोडदौड कायम ठेवत राष्ट्रवादीने कर्जत नगरपंचायतीवर वर्चस्व निर्माण केलं आहे. या निवडणुकीत 17 पैकी 12 जागा जिंकून राष्ट्रवादीने कर्जत नगरपंचायतीवर एक हाती सत्ता आणली आहे. तर भाजपने दोन जागा जिंकल्या आहेत. कर्जतमध्ये राष्ट्रवादीचे आमदार रोहित पवार आणि भाजपचे राम शिंदे यांच्यात कांटे की टक्कर होती. मात्र, रोहित पवार यांनी राम शिंदेंना कात्रजचा घाट दाखवत कर्जत नगरपंचायतीवर वर्चस्व प्रस्थापित केलं आहे.

आज सकाळी मतमोजणीस सुरुवात झाली. सुरुवातीलाच कर्जत नगरपंचायतीचा निकाल लागला आहे. त्यात राष्ट्रवादीला 17 पैकी 12 जागा मिळाल्या असून भाजपला दोन जागांवर समाधान मानावं लागलं आहे. कर्जत नगरपंचायतीवर भाजपची सत्ता येईल, असा विश्वास माजी मंत्री राम शिंदे यांनी व्यक्त केला आहे. यावेळी शिंदे यांनी रोहित पवारांवर जोरदार टीका केली आहे. दबाव, दडपशाही, पैशाचा उतमात आणि सत्तेची मस्ती यापूर्वी कर्जदारांनी पाहिली नव्हती, असा हल्लाबोल त्यांनी केला आहे. राज्यात बहुतांशी नगरपंचायतीवर भाजपचा झेंडा फडकेल, असा विश्वासही त्यांनी व्यक्त केला आहे.

दापोलीत शिवसेना-राष्ट्रवादीचे दोन उमेदवार विजयी

दापोली नगरपंचायतीत शिवसेनेला दोन आणि राष्ट्रवादीला दोन जागा मिळाल्या आहेत. शिवसेनेचे आरिफ मेमन आणि नौशिन गिलगिले विजयी झाले आहेत. तर राष्ट्रवादीचे खालिद रखांगे आणि मेहबूब तळघरकर हे विजयी झाले आहेत.

नगरपंचायतीचे विजयी उमेदवार

अहमदनगर -अकोले नगरपंचायत

प्रभाग 1_ विमल संतु मंडलीक (शिवसेना) प्रभाग 2_सागर चौधरी (भाजपा) प्रभाग 3_प्रतीभा मनकर (भाजपा) प्रभाग 4_इथेश कुंभार (भाजपा) प्रभाग 5_ सोनाली नाईकवाडी (भाजपा) प्रभाग 6_श्वेताली रूपवते (राष्ट्रवादी)

जालना:- बदनापूर नगर पंचायत निवडणुकीत

राष्ट्रवादीच्या- 4 उमेदवार विजयी भाजपा च्या, 5 उमेदवार विजयी

जालना:- तिर्थपुरी नगर पंचायत निवडणुकीत

राष्ट्रवादी- 4 भाजपा- 1 शिवसेना- 1 अपक्ष- 1

Nagar Panchayat Election Results 2022 LIVE : नगरपंचायतीची रणधुमाळी, निकाल जाहीर होण्यास सुरुवात, दिग्गजांची प्रतिष्ठा पणाला https://t.co/JuNLlK8O6K#Election2022 | #NagarPanchayatElections2022 |

— TV9 Marathi (@TV9Marathi) January 19, 2022

संबंधित बातम्या:

Nagar Panchayat Election Results 2022 LIVE : आष्टी नगरपंचायत निवडणूक, भाजप 4 जागांवर विजयी

इंडिया पोस्ट पेमेंट बँकेची डिजिटल भरारी, उघडली 5 कोटी खाती; देशभरातील 1.36 लाख कार्यालयांतून उद्दिष्ट साध्य

Nashik Crime | नाशिकमध्ये महिनाभरापूर्वी प्राणप्रतिष्ठा केलेले मंदिर फोडले; दीड किलोची मूर्ती लंपास