Chandrapur Education | एसटी बंदमुळं मामला येथील विद्यार्थ्यांची चंद्रपुरातील शाळा बंद; शिक्षिकेचं शाळा संपल्यानंतर गावात जाऊन ज्ञानदान
चंद्रपूर : ST संपामुळे शाळा बुडालेल्या विद्यार्थ्यांना निशा दडमल 32 किमी ये-जा करत शिकवत आहेत. कुठलाही अधिकचा आर्थिक मोबदला मिळणार नाही, हे ठाऊक आहे. तरीही केवळ ज्ञानदानासाठी निशा दडमल यांनी पुढाकार घेतला. या चंद्रपूरकर शिक्षिकेच्या पुढाकाराने शैक्षणिक वर्तुळ भारावून गेले आहे. त्यांच्या या शिक्षकी वृत्तीचे स्वागत होत आहे.
चंद्रपूर : विद्यार्थ्यांचे शैक्षणिक नुकसान होऊ नये यासाठी शिक्षिकेची (Teacher) रोज 32 किलोमीटरची ये-जा सुरू आहे. कोरोना काळानंतर सुरू झालेल्या शैक्षणिक सत्राला एसटीच्या संपाचा खोडा बसलाय. अतिदुर्गम भागातील एसटी बंद झाल्या. रोज शाळेत येणाऱ्या मुलांची अडचण झाली आहे. चंद्रपूरच्या भवानजीभाई चव्हाण शाळेतील निशा दडमल या शिक्षिका रोज शाळा सुटल्यावर मुलांना शिकवण्यासाठी मामला या गावात जातात. या उपक्रमाने कुठलाही अधिकचा आर्थिक मोबदला मिळणार नाही हे ठाऊक आहे. केवळ ज्ञानदानासाठी निशा दडमल पुढे सरसावल्या आहेत. निशा दडमल यांच्या या शिक्षकीवृत्तीचे स्वागत होत आहे. निशा दडमल (Nisha Dadmal) यांनी हा उपक्रम सुरू केल्यावर शाळा भरवायची कुठे? हा प्रश्न ग्रामस्थांनी चुटकीसरशी सोडविला. गावातील हरिदास कोपुलवार (Haridas Kopulwar) यांनी नुकतेच बांधलेले आपले घर यासाठी सहज उपलब्ध करून दिले.
रोजचा प्रवास धोकादायक
शिक्षिका निशा यांची शहरातील चव्हाण शाळा ते मामला हे घनदाट जंगलातील गाव. यातील अंतर 16 किलोमीटर एवढे आहे. अरण्यातून ये-जा करणारी ही वाट त्यांना या वंचित विद्यार्थ्यांसाठी काहीतरी करायचे या भावनेने भयमुक्त करून जाते. त्यांचा रोजचा प्रवास धोकादायक असला तरी या विद्यार्थ्यांच्या आयुष्यातील पुढचे धोके लक्षात घेता त्यांनी हा मार्ग स्वतः निवडला आहे, असं मामला गावचे पालक हरिदास कोपूलवार सांगतात.
शिक्षिका शाळा संपल्यानंतर गावात
शिक्षिका निशा दडमल यांच्या या प्रयत्नाने त्यांना कुठलाही आर्थिक लाभ होणार नाही, हे निश्चित. मात्र जे विद्यार्थी त्यांच्या गावातील वर्गात नियमितपणे हजर आहेत, त्यांना एसटीच्या संपामुळे शिक्षिकाच आपल्याला गावात शिकवण्यासाठी येत होत्या. ही आठवण आयुष्यभर लक्षात राहील. यातूनच नव्या पिढीला शिक्षक आणि शिक्षणाप्रती ओढ व तळमळ निर्माण होईल अशी आशा.
NMC Budget | नागपूर मनपाचे नावीन्यपूर्ण 5 उपक्रम कोणते? जाणून घ्या अर्थसंकल्पात वेगळं काय?
Sharad Pawar : पवारांच्या घरावरील हल्ल्याचं नागपूर कनेक्शन अखेर उघड; संदीप गोडबोले मुंबई पोलिसांच्या ताब्यात
NMC Budget | नागपूर मनपाचे उत्पन्न कसे वाढणार? आयुक्त राधाकृष्णन यांचा प्लान
