Pune crime : सोनं अन् मोबाइल लुटणारे 24 तासांत गजाआड; लोणावळ्यातल्या टायगर पॉइंटजवळ शस्त्रांचा धाक दाखवून करत होते चोरी

लोणावळा, पुणे : लोणावळ्यातील टायगर पॉइंट (Tiger Point) येथे अज्ञात चोरट्यांनी दमदाटी करून, धारदार शास्त्राचा धाक दाखवून अर्धा तोळे सोने, मोबाइल असा ऐवज लुटून पोबारा केला होता. त्या दोघांना लोणावळा ग्रामीण पोलिसांनी (Lonavala) चोवीस तासांच्या आत बेड्या ठोकल्या आहेत. सुनील आखाडे, चिंतन पठारे अशी अटक केलेल्या आरोपींची नावे आहेत. तर एका अल्पवयीन मुलाला ताब्यात घेऊन नातेवाईकांच्या स्वाधीन करण्यात आले आहे. आरोपींनी गुन्ह्यात वापरलेली दुचाकी, अर्धा तोळे सोने आणि मोबाइल असा चोरलेला माल हस्तगत (Seized) करण्यात आला आहे. लोणावळा परिसरात पर्यटकांची नेहमीच गर्दी असते. त्यात टायगर पॉइंट येथे हे चोरटे शस्त्रांचा धाक दाखवत तसेच दमदाटी करून लुटत होते. चोरट्यांनी तब्बल अर्धा तोळे सोने तसेच मोबाइल लुटला होता. त्यानंतर पसार झाले होते. या चोरट्यांच्या मुसक्या आता लोणावळा ग्रामीण पोलिसांनी आवळल्या आहेत.

आणखी वाचा :

PMPML : पुण्यातील पीएमपीएमएलची सीएनजी आणि इलेक्ट्रिक बस वाहतूक ठप्प; प्रवाशांचे हाल

Grips Festival : आला रे आला…! दोन वर्षांच्या सुट्टीनंतर मुलांसाठी पुण्यात ग्रिप्स थिएटर फेस्टिव्हल! काय खास? वाचा…

Pune crime : तिकीट काढलं कोलकात्याचं, रवानगी थेट तुरुंगात! महागड्या सायकल चोरणाऱ्यांना पुण्यातील स्वारगेट पोलिसांचा हिसका