पुण्यात 1 पिंपरी चिंचवडमध्ये 6 ओमिक्रॉनबाधित, लस घ्या अन् कोरोना नियम पाळा; आयुक्त राजेश पाटील यांचे आवाहन

पुणे : कोरोनाचे नवे रुप म्हणजेच ओमिक्रॉन या विषाणूचा संसर्ग वाढत चालला आहे. डोंबिवलीनंतर आता पुणे आणि पिंपरी चिंचवड येथे या विषाणूने शिरकाव केला आहे. आज पुण्यात एक आणि पिंपरी चिंचवड येथे सहा असे एकूण सात ओमिक्रॉनचे रुग्ण आढळले आहेत. राज्यातील ओमिक्रॉनग्रस्तांचा आकडा आता आठवर गेला आहे. या पार्श्वभूमीवर पिंपरी चिंचवडचे पालिका आयुक्त राजेश पाटील यांनी टीव्ही 9 मराठीशी खास बातचित केली आहे. त्यांनी नागरिकांनी घाबरून न जाता कोरोना नियमांचे पालन करा तसेच कोरोना प्रतिबंधक लस घ्या असे आवाहन केले आहे.

पहिल्या दिवसापासून रुग्णांना ट्रेस केलं होतं

पिंपरी चिंचवड पालिका आयुक्त राजेश पाटील यांनी टीव्ही 9 मराठीशी बातचित केली. यावेळी बोलताना पिंपरी चिंचवड येथे आढळलले एकूण सात रुग्ण कोणते आहेत. ते कोठून आलेले आहेत, याबाबत सविस्तर माहिती दिलीय. “एक नायजेरीयन सिटीझन असलेली 45 वर्षीय महिला पिंपरी चिंचवड येथे आली होती. त्या त्यांच्या भावाकडे आल्या होत्या. त्यांच्यासोबत दोन मुलीदेखील आल्या होत्या. या महिलेचा भाऊ, महिलेच्या भावाची दोन मुलं. महिलेच्या दोन मुली आणि ही महिला अशा एकूण सहा जणांना या विषाणूची लागण झाली आहे. त्यांना आम्ही पहिल्या दिवसापासून ट्रेस केलं होतं. त्यांना पहिल्या दिवसापासून क्वॉरन्टाईन केलं होतं. त्यांना कोणतीही लक्षणे नाहीतेय. तसेच त्यांच्या संपर्कात आलेल्या तेरा जणांना ट्रेस करण्यात आलं आहे. त्यांचे स्पॅम्पल पाठवले होते,” अशी माहिती आयुक्त राजेश पाटीला यांनी दिलीय.

नागरिकांनी लस घ्यावी, कोरोना नियम पाळावे

तसेच पुढे बोलताना त्यांनी नागरिकांनी कोरोनाचे नियम पाळवे, घाबरून जाऊ नये. लसीकरण करुन प्रतिबंधक उपायांची अमंलबजावणी नागरिकांनी करावी, असे आवाहन जनतेला केले.

सहापैकी तिघांनी कोरोनाची लस घेतली होती

दरम्यान, सहा पैकी तिघांनी कोरोनाची लस घेतली होती. त्यानंतरही त्यांना ओमिक्रॉनची लागण झाली आहे. तिघे नायजेरियाहून आले आहेत. त्यापैकी इतर तिघे त्यांच्या संपर्कात आले होते. यात एक महिला महिला आणि त्यांचा 45 वर्षाचा भाऊ, दीड वर्ष आणि 17 वर्षाच्या मुलींचाही समावेश आहे. 24 नोव्हेंबरला नायजेरियाची नागरिक असणारी भारतीय वंशाची महिला पिंपरी-चिंचवडमध्ये आली होती, ज्या 18 वर्षाखालील तीन लहान मुलांचा समावेश आहे त्यांनी कोणतीही लस घेतलेली नाही, तर आणखी एक बाधित तरुण फिनलंडवरून आला होता.

इतर बातम्या :

Girish kuber : याआधी शेतकरी आणि या लिखानामुळे कुबेर वादात, काय होती प्रकरणं? वाचा सविस्तर

Girish kuber : हे लिहिल्यामुळे गिरीश कुबेरांवर नाशकात शाईफेक, काय होता मजकूर? वाचा सविस्तर

पुन्हा सैराट ! पळून जाऊन प्रेमविवाह केल्याने भावने केली हत्या, बहिणीचं मुंडकं धडावेगळं केलं, महाराष्ट्र हादरला